konka coffee
KONKA

AMAKURU

UKWEZI

Ntawavogera u Rwanda dufite Kagame ntawe - Dr Pierre Damien Habumuremyi

Ntawavogera u Rwanda dufite Kagame ntawe - Dr Pierre Damien Habumuremyi
2-08-2017 saa 21:23' | By Muhizi Olivier | Yasomwe n'abantu 1249 | Ibitekerezo 1

"Ntawavogera u Rwanda dufite Kagame, ntawe mugende murye ibyanyu mutuje hari umugabo uducungira umutekano umunsi ku munsi kandi ntateze gutezuka, kandi ibyo nabonye aho nagiye hose nuko barangije gutora hasigaye umunsi ndacyeka namwe ari uko" Aya ni amagambo ya Dr Pierre Damien Habumuremyi aganira n’abaturage b’aagali ka Kagugu.

Tariki 30 Nyakanga 2017 abanyamuryango ba FPR Inkotanyi batuye mu murenge wa Kinyinya mu kagali ka Kagugu bamamaje umukandida wabo Paul Kagame, muri uwo muhango umushyitsi mukuru akaba yari Dr Pierre Damien Habumuremyi, komiseri w’umuryango wa FPR mu gihigu.

Mu butumwa yageneye abitabiriye uwo muhango, yabibukije Paul Kagame uwo ariwe agira ati: ."Umukandida wacu akaba na Perezida wacu ntasanzwe njye maranye nawe imyaka 20 dukorana umunsi ku wundi ariko ngiye kubabwira nibura ibintu 3 atandukaniyeho n’abandi bayobozi bose nzi. Icya mbere ntavugirwamo na bampatse ibihugu, ndibuka tujya kugura indege za Rwandair baradukanze natwe twumva turatinye ariko we aratubwira ati ’muyigure nzabyirengera’, twarayiguze, nanone tugiye kubaka Convention Center byabaye uko aratubwira ati ’muyubake.. .Icya kabiri Kagame niwe wahaye ijambo umugore abandi bose tuza tumukurikiye, ndibuka cyera ntamugore wagiraga ijambo aho yashatse ariko ubu byarahindutse nibo bayoboye igihugu, icya gatatu Kagame ni inshuti y’urubyiruko, mu bindi bihugu usanga ari abasaza bayobora basinzira mu nama ariko we yahaye urubyiruko rw’u Rwanda ijambo ubu nabo barayobora mu Rwanda “.

Habumuremyi kandi yakomeje abwira abaturage ko icyo FPR ishyize imbere ari umutekano w’u Rwanda n’abanyarwanda. Aba yagize ati “Ntawavogera u Rwanda dufite Kagame, ntawe mugende murye ibyanyu mutuje dufite umugabo uducungira umutekano umunsi ku munsi, akunda kandi akubaha umuturage kurusha ikindi kintu cyose kibaho nta ntambara yadutera ubwoba tumufite”.

Umuturage utuye mu kagari ka Kagugu uhamya ko azatora Kagame, hari icyo ahamya ko Paul Kagame yamukoreye gikomeye. Yagize atiNdi umugore wihesheje agaciro ubu singikubitwa kubera Kagame wanjye, yaduhaye agaciro nka banyampinga b’u Rwanda... Ntubona ko nisize irange? Iki nicyo cyonyine mbona nakwitura Kagame kuko kumutora byo narabirangije hasigaye umuhango gusa"


INKURU ZA :
Tanga Igitekerezo
Ibitekerezo 1
Blessing Kuya 3-08-2017

Aturi imbere tumuri inyuma haki ya Mungu

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...