konka coffee
KONKA

AMAKURU

UKWEZI

Nyarugenge: Hakozwe umukwabo udasanzwe wo gufatira mu mihanda abatarishyura Mituweli

Nyarugenge: Hakozwe  umukwabo udasanzwe wo gufatira mu mihanda abatarishyura Mituweli
5-10-2017 saa 10:27' | By Vincent Nsengiyumva | Yasomwe n'abantu 2992 | Ibitekerezo

Tumwe mu tugari two mu murenge wa Muhima mu Karere ka Nyarugenye twazindukiye mu mikwabo idasanzwe kuri uyu wa Kane ytariki ya 05 Ukwakira 2017, yo gufatira mu mihanda abatarishyura imisanzu y’ubwisungane mu kwivuza y’uyu mwaka.

Ibikorwa by’imikwabo yo gufatira mu nzira abataratanga imisanzu y’ubwisungane mu kwivuza bimaze kumenyerwa mu Karere ka Nyarugenge, aho uyu murenge wa Muhima watangiye kubikora nyuma y’imirenge ya Nyamirambo, Nyakabanda, Gitega na Kimisagara yo muri aka karere nabo ibimazemo iminsi.

Akarere ka Nyarugenge katangiye gukaza uburyo bwo gushishikariza abaturage bako gutanga imisanzu y’ubwisungane mu kwivuza bakoresheje ubu buryo budasanzzwe bw’imikwabo nyuma y’aho ikigo cy’Igihugu cy’Ubwiteganyirize mu Rwanda, RSSB, kigaragaje ko Akarere ka Nyarugenge kaza ku mwanya wa nyuma mu bwitabire aho gafite ijanisha 56.0%.

Abafatirwaga muri uyu mukwabo mu Kagari ka Kabasengerezi umurenge wa Muhma bose bakusanyirijwe hamwe maze umuyobozi w’aka kagari Hakizayezu Olivier agenda abaza umwe kuri umwe impamvu adafite ikarita ya Mituweli, bose bagenda batanga impamvu ariko benshi bagahuriza ku kibazo cy’ubushobozi bukeya.

Uyu muyobozi yumvikanaga abwira aba bafashwe ko nta mpamvu n’imwe bafite yatuma badatanga imisanzu ngo kuko bafite imbaraga bakabaye bakoresha bakareka umuco wo guhora cbateze amaboko basaba Leta ko ibatangira imisanzu.

Bamwe mu baganiriye n’ikinyamakuru Ukwezi.com bagaragaje ko kudatanga Mituweli atari ubushake bwabo, ko ahubwo ari ibibazo bitandukanye bibibatera birimo ubukene, ubushomeri, gushyirwa mu byiciro by’ubudehe bidakwiye ndetse hakaba nabagaragazaga ko batanze imisanzu ariko bakaba batarahabwa amakarita.

Hakizayezu Olivier uyobora aka kagari ka Kabasengerezi yatangarije Ukwezi.com ko iyi gahunda igamije guhindura imyumvire y’abatarumva umumaro wo gutunga Mituweli

Yagize ati “ Tuba dukora iki gikorwa kugira ngo aba bakeya basigaye bataratanga imisanzu tubahindure imyumvire yabo, tubumvishe ko bagomba gutanga mituweli kandi bayiguriye kuko bafite ubushobozi kandi nzi neza ko aba bose bari aha ngaha bari buze kuyishyura.”

Yakomeje avuga ko iki gikorwa bagikora mu mutuzo ntawe uhutajwe kuko ngo abayobozi b’inzego z’ibanze bamanuka bagafatikanya n’abashinzwe umutekano kugira ngo hataza kugira urenganywa.

Ati “Njyewe nk’aha ngaha ntawahutazwa kuko mba mpibereye nk’umuyobozi w’akagari. Ntabwo iki gikorwa nagishyiramo inkeragutabara zzonyine cyangwa ngo nkirekere abayobozi b’imidugudu bonyine, turakorana.”

Abafatiwe muri uyu mukwabo bose babaye nk’abakora igisa n’irahizwa biyemerera ko mu minsi itarenze 3 bazaba bamaze gutanga umusanzu, maze barabarekura bakomeza gahunda zabo.

Umuyobozi w’Akarere ka Nyarugenge wungirije ushinzwe imibereho myiza y’Abaturage, Jean Marie Vianney Ndayisenga, aherutse kuvuga ko imikwabo ikorwa iri muri gahunda yo gushishikariza abatarishyura mituweli kwishyura ariko ko bitatewe n’ubwitabire kagezeho.
Umunyamabanga nshingwabikorwa w’akagali ka Kabasengerezi Hakizayezu Olivier yababwiye ko uzarenza iminsi 3 ataratanga umusanzu azahanwa bikomeye
Abafashwe bavugagako kudatanga umusanzu babiterwa n’ubushomeri


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...