konka coffee
KONKA

AMAKURU

UKWEZI

Nyuma y’amezi macye Guverineri wasimbuye Bosenibamwe nawe yasimbujwe Depite Gatabazi

Nyuma y’amezi macye Guverineri wasimbuye Bosenibamwe nawe yasimbujwe Depite Gatabazi
31-08-2017 saa 07:47' | By Chief Editor | Yasomwe n'abantu 9032 | Ibitekerezo 1

Musabyimana Jean Claude uherutse kuzamurwa mu Ntera akagirwa Guverineri w’Intara aho yasimbuye Bosenibamwe Aimé kuri uwo mwanya, nawe yahise asimbuzwa Depite Gatabazi Jean Marie Vianney wari Intumwa ya rubanda mu Nteko Ishinga Amategeko y’u Rwanda.

Kuri uyu wa Gatatu tariki 30 Kanama 2017, mu bayobozi batandukanye bashyizweho na Perezida Paul Kagame ubwo yashyiragaho Guverinoma nshya, harimo na Guverineri w’Intara y’Amajyaruguru mushya wasimbuye uwari umaze igihe kitaragera no ku mwaka umwe asimbuye Bosenibamwe.

GATABAZI Jean Marie Vianney wagizwe Guverineri w’Intara y’Amajyaruguru, yari asanzwe ari Umudepite mu Nteko Ishinga Amategeko y’u Rwanda, aho yari ahagarariye Umuryango FPR Inkotanyi.

JPEG - 130.6 kb

Gatabazi Jean Marie Vianney wagizwe Guverineri mushya w’Intara y’Amajyaruguru

Ubwo Perezida Paul Kagame yashyiragaho abagize Guverinoma tariki 4 Ukwakira 2016 agakora n’izindi mpinduka mu bayobozi batandukanye, Musabyimana Jean Claude wari usanzwe ari Meya wa Musanze ni we wagizwe Guverineri w’Intara y’Amajyaruguru asimbura Bosenibamwe. Kuzamuka mu ntare byari byatunguye benshi, kuko yahawe uwo mwanya akarere yayoboraga kamaze kuba akanyuma mu mihigo.

JPEG - 140.4 kb

Musabyimana wari Guverineri w’Intara y’Amajyaruguru

Musabyimana yazamuwe mu ntera icyo gihe, nyuma y’ibyumweru bisaga bitatu anenzwe n’uwari Minisitiri w’Intebe, Anastase Murekezi, wavuze ko akarere ka Musanze kuba kaba akanyuma, biterwa n’uko abayobozi bakora uko bishakiye. Yasabye ko bayobora neza cyangwa bakavaho, ndetse ko imikorere nk’iyo ari ibintu bamenyereye kuva na mbere.

Anastase Murekezi ati: “Muri Musanze iba iya nyuma, hari ikibazo gikomeye cyane, abakozi barigenga. Meya kuki utayobora abakozi bawe? Abakozi n’abayobozi barakora uko bashaka nk’uko bari barabimenyereye kuva mbere, ntabwo ari byo, bayobore cyangwa baveho, ni ko bimeze.”

JPEG - 371.9 kb

Musabyimana Jean Claude imbere y’abaturage b’akarere ka Musanze yayoboraga mbere yo kuba Guverineri

Akarere ka Musanze kabaye aka nyuma mu mihigo y’umwaka wa 2015-2016, Guverineri Gatabazi Jean Marie Vianney unakomoka muri iyi Ntara mu karere ka Gicumbi, akaba afite inshingano zo kugafasha kwikubita agashyi hamwe na tumwe mu turere two muri iyi ntara twabonye imyanya ya nyuma. Twabibutsa ko muri iyi ntara, akarere ka Gicumbi ari ko kitwaye neza kuko kaje ku mwanya wa 2 ku rwego rw’Igihugu, aka Rulindo ku mwanya wa 8, Burera ku mwanya wa 24, Gakenke ku mwanya wa 27 mu gihe Musanze yaje ku mwanya wa 30 ari nawo wa nyuma.

Uretse Musabyimana wakuwe ku mwanya wa Guverineri, intara y’Uburasirazuba yari isanzwe iyoborwa na Kanzayire Judith nayo yahawe Guverineri mushya, uwo akaba ari MUFULUKYE Fred wahoze ari umukozi muri Minisiteri y’Ubutegetsi bw’igihugu.


INKURU ZA :
Tanga Igitekerezo
Ibitekerezo 1
Naty Kuya 31-08-2017

Ngo nubundi yazamuwe kandi akarere yari ayoboye karabaye akanyuma mu mihigo. Hahhhhhh. Abanyamakuru mujya munsetsa. Noneho mwe muravuga ko mutumva ukuntu yari yazamuwe.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...