konka coffee
KONKA

AMAKURU

UKWEZI

Nyuma y’ibyakurikiye urupfu rwa Col. Karegeya, Afurika y’Epfo n’u Rwanda birahahirana

Nyuma y’ibyakurikiye urupfu rwa Col. Karegeya, Afurika y’Epfo n’u Rwanda birahahirana
8-06-2016 saa 07:45' | By Chief Editor | Yasomwe n'abantu 3003 | Ibitekerezo 3

Nyuma y’umwuka mubi waranzwe hagati y’u Rwanda n’igihugu cya Afurika y’Epfo nyuma y’urupfu rwa Patrick Karegeya wahoze akuriye ibiro by’ubutasi mu Rwanda, ubu umubano w’ibihugu byombi wongeye kuba mwiza.

Tariki 31 Ukuboza 2013, nibwo Col Patrick Karegeya wahoze akuriye ibiro by’ubutasi mu Rwanda, yiciwe muri Hoteli yo mu mujyi wa Jonannesburg muri Afurika y’Epfo, akaba yari yarahungiye muri iki gihugu nyuma yo gukurikiranwa n’inkiko zo mu Rwanda.

Muri Werurwe 2014, Afurika y’Epfo yirukanye abadipolomate batatu b’abanyarwanda, ibashinja kugira uruhare mu rupfu rwa Patrick Karegeya, ndetse no gusagarira abanyarwanda bahungiye muri iki gihugu. Ibi byahise byerekana ko ibihugu byombi bitabanye neza, ndetse bishimangirwa n’uko u Rwanda narwo rwahise rwirukana abadipolomate batandatu bo muri Afurika y’Epfo.

Kugeza ubu ariko umubano w’ibihugu byombi uhagaze neza nk’uko byemejwe na Louise Mushikiwabo, Minisitiri w’ububanyi n’amahanga n’ubutwererane akaba n’umuvugizi wa Leta y’u Rwanda, mu kiganiro yagiranye n’abanyamakuru kuri uyu wa Kabiri tariki 7 Kamena 2016.

Minisitiri Louise Mushikiwabo, avuga ko umubano w’ibihugu byombi umeze neza kugeza ubu, ndetse n’abadipolomate bazakora ibijyanye n’ubuhahirane n’ubutwererane nabo bakaba barimo gushyirwa mu myanya.

Bamwe mu bari birukanywe mu Rwanda basubiye mu mirimo yabo, ndetse ikindi kimenyetso cy’umubano mwiza w’ibihugu byombi ni uko inama mpuzamahanga ku bukungu yabereye i Kigali mu kwezi gushize, yitabiriwe na Visi Perezida wa Afurika y’Epfo, Cyril Ramaphosa akanabonana na Perezida Paul Kagame.


INKURU ZA :
Tanga Igitekerezo
Ibitekerezo 3
Theo Kuya 9-06-2016

Nibyiza ko twongeye guhahirana!

nana Kuya 8-06-2016

Bahahirana bya he byo kajya,guhahirana muvuga ni iki? Abaturage ba South africa barinjira mu Rwanda for free visa twe tumaze imyaka hafi 2 ni igice badusuzugurira imbere ya embassy yabo, ikibazo iyo baduteguza tugakurayo ibikorwa byacu, ntago tuba tubiruka inyuma

Richard Kuya 8-06-2016

Nonese Afurika yepfo yatagiye guha abanyarwanda Visa? Mutubarize?

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...