konka coffee
KONKA

AMAKURU

UKWEZI

Nyuma y’umwaka Top Tower Hotel ifunzwe n’umujyi wa Kigali igiye guhita isenywa

Nyuma y’umwaka Top Tower Hotel ifunzwe n’umujyi wa Kigali igiye guhita isenywa
11-07-2017 saa 21:46' | By Chief Editor | Yasomwe n'abantu 8112 | Ibitekerezo 14

Nyuma y’igihe kirenga umwaka Top Tower Hotel ifunzwe n’ubuyobozi bw’umujyi wa Kigali, ubu ikigiye gukurikiraho ni uko ubuyobozi bw’Umujyi wa Kigali bwanzuye ko igomba gusenywa, imirimo yo kuyisenya ikaba itangira kuri uyu wa Gatatu.

Muri Kamena 2016, ubuyobozi bw’Umujyi wa Kigali, buganira n’Ikinyamakuru Ukwezi.com bwagaragazaga ko bwafunze iyi hoteli kubera ibyangombwa babasabye ntibabyubahirize, bakaba baranze ko iyi nyubako ishobora kugira icyo ihungabanya ku buzima bw’abayigana nk’uko byemejwe icyo gihe na Sibomana Martin ushinzwe itangazamakuru mu Mujyi wa Kigali, mu kiganiro yagiranye n’ikinyamakuru Ukwezi.com.

Sibomana Martin ati: "Ubundi ukuntu bigenda, iyo inyubako imaze kuzura, cyane cyane inyubako nka ziriya ziba zizakira abantu benshi, abashinzwe imyubakire babanza gusesengura niba koko iyo nzu ifite ubukomere buhagije kuburyo itazateza impanuka ku bantu bazayikoresha, noneho iyo basanze nta kibazo ifite, tuvuge nk’iriya ni hoteli, bakaguha icyangombwa kibemerera gukoresha inyubako, tukita ’Occupation Permit’. Icyo cyangombwa kandi giteganywa n’amategeko n’amabwiriza ajyanye n’imitunganyirize y’umujyi. Icyo cyangombwa buriya nta n’icyo bafite. "

Uyu mukozi ushinzwe itangazamakuru mu Mujyi wa Kigali, avuga ko atari ubwa mbere basabwe kubanza kubona ibi byangombwa, kuko ubuyobozi bw’umujyi bwabanje kubandikira bubamenyesha. Aha yagize ati: "Ntabwo ari n’ubwa mbere erega, tariki 28/07/2015, twabandikiye ibaruwa tubibutsa ko imirimo yose bakorera muri iyo nyubako yabo, baba bayisubitse kugirango inyubako ibanze igenzurwe, ibyo byose barabyirengagije. Ubwo rero bituma n’ejobundi tariki 14/06/2016 tubandikira tubabwira kubihagarika kugirango ibanze igenzurwe."

Sibomana Martin avuga ko n’ubwo ubusanzwe umujyi wa Kigali ari wo uba ugomba gukora iryo genzura, Top Tower Hotel yari yashyizeho ikigo cyitwa St Joseph Engineering ngo gikore iryo genzura ariko n’ubu bikaba bitararangira, bakaba batakomeza gukoreramo bitaragenzurwa neza.

Avuga kandi ko Umujyi wa Kigali ufite impungenge ko abantu bakoresha iyi nyubako bashobora kugiriramo ingorane z’impanuka. Ati: "Twebwe icyo tureba ni ukurengera ubuzima bw’abantu, icyo dushaka ni uko ririya genzura ryakorwa, ikizavamo cyagaragaza ko izo mpungenge dufite zivuyeho bakongera bagakomorerwa ariko ubundi nta kindi kihishe inyuma, ni ukurengera umutekano w’abantu bakoresha iriya nyubako. Cyane cyane urabizi inyubako zikoreshwa n’abantu benshi, uba ugomba kwitonda kuko burya nka hoteli ijyamo abantu benshi cyane, reba habereyemo nk’ubukwe mbese hakagira ikibazo kiba, noneho abo bantu bose twaba tubuze... urabyumva nawe, nta kindi kibyihishe inyuma."

Icyo gihe yasoje avuga ko iri genzura nirimara gukorwa, Umujyi wa Kigali nawo uzabisuzuma wasanga ibintu bimeze neza ukabaha ibyangombwa byo gukoreramo. Yanavuze ko n’andi mazu yuzura mu mujyi wa Kigali abanza gukorerwa igenzura ba nyirayo bagahabwa icyemezo kibemerera gukoresha inyubako zabo, cyane cyane izikoreshwa n’abantu benshi.

Kugeza ubu, amakuru Ikinyamakuru Ukwezi.com gifitiye gihamya, ashimangira ko kuri uyu wa Gatatu tariki 12 Nyakanga 2017, Top Tower Hotel izatangira gusenywa kuko mu igenzura ryakozwe n’umujyi wa Kigali byagaragaye ko hari ibyo itujuje, binagendanye n’ibikubiye mu gishushanyo mbonera cy’umujyi wa Kigali.


INKURU ZA :
Tanga Igitekerezo
Ibitekerezo 14
nepo Kuya 15-07-2017

nge abashinzwe imyubakire nabayigena bajya bakurikirana inyubako itaratangira gukorerwamo .kuko gusenya igikorwa nkakiriya cyarahagaze bakireba nubujiji, niba kandi ikibazo cyogukurikirana inyubako mbereyuko zikorerwamo abakozi batagifitiye ubushobozi bashyiremo ababishoboye.

Ir Nyumbayire Emmanuel Kuya 15-07-2017

Nkurikije ubumenyi mfite mu byerekeye ubwubatsi mu mujyi n’ubwubatsi muri rusange navuga ibi bikurikira. Mbere yo kubaka inzu ikomeye nk’iriya, uwubaka asaba abategetsi uruhushya rwo kubaka, akurikije n’icyo iyo nzu izamara. Iyo inzu yuzuye, nka hotel mbere yo kuyikoreramo agomba gusaba uburenganzira, butangwa nyuma y’amagenzura ya ngombwa. Bimwe bigenzurwa : niba inzu yubatse mu buryo bukomeye (itazagwa), nko kuri hotel igendwa na benshi niba ifite ibyuma bihagije byo kuzimya umuriro iramutse ihiye (ndetse n’inzugi zihagije ngo abantu basohoke), niba ibikoresho byakoreshejwe mu kuyubaka bitabongamiye ubuzima bw’abayizamo, n’ibindi byinshi bigeneye kurinda uzayijyamo n’abayikoreramo. Iyo igenzura ry’ubutegetsi risanze ibyangombwa bituzuye, uwabisabye ashobora guhabwa igihe cyo kubyuzuza, nyuma hagakorwa irindi genzura. Iyo adashoboye kubyuzuza, ubutegetsi bushobora no gufata icyemezo cyo kuyisenya. (Hari ubwo byashoboka guhindura imikoresherezwe y’inzu kugirango idasenywa, ariko biterwa n’ibikubiye mu gishushanyo mbonera cy’umujyi (Plan directeur) ntiwashira inzu y’ubucuruzi cyangwa ivuriro ahateganyirijwe kubakwa hotel.
Uwubatse aramutse yumva ko agiye guhohoterwa, n’Umujyi uraregwa mu rukiko, umucamanza ashobora hagati aho guhagarika gusenya mbere yo gufata icyemezo, yifashisha abahanga.

kagabo Kuya 13-07-2017

ese iyo umuntu arenganijwe n’inzego za leta yiyambaza uruhe rwego ubucamanza umukuru w’igihugu urwego rw’ubucamanza rusumba izindi ?

none ko bigaragara ko ba nyiri nyubako bahombejwe n’umujyi wa kigali ubwo uwo muturage azarenganurwa na nde?koko iriya nyubako igihe yubakwaga umujyi wa kigali warusinziriye none ngo nibasenye mbega mbega biteye agahinda ahubwo inyubako nyinshi zo muri kigali nibazisenye zose...

eng Sinox Kuya 13-07-2017

Ariko uwavuga ko arakarengane ntiyaba abeshye ubuse TOP TOWER niyo itujuje ubuziranenge kurusha KIGALI BUSSINESS HEIGHT (KBHC) ikarusha inzu NINZI HOTEL ikoreramo?

Aka nakagambane ntibakabeshye kuko abanyarwanda twarahumutse

lg Kuya 13-07-2017

IKIBAZO SUGUSENYA IKIBAZO NIMPAMVU ISENYWA A BASOBANURA NABO BASA NA BATABIZI NIGISHUSHANYO CYU MUGI NUKO IDAKOMEYE NAHANYURA, IBIKORWA REMEZO BUNVIKANYE NA NYIRAYO BAVUZE KIMWE ABANTU BAMENYA UKURI HARI IMPAMVU NTANAKIMWE KITASENYWA IYO BIDASOBANUTSE USANGA BAMWE BIRIRWA MULI NGO LETA IRASENYERA ABANTU*

Matayo Kuya 13-07-2017

Agahwa kali kuwundi karahandulika.Wumve nkome.Nibingeraho nibwo nzabona guhigima.

Marshall Kuya 12-07-2017

ibyo ni politic sha !! ubuse amazu menshi nirirwa mbona ari mu manegeka yo ko adasenywa ubwo nyirayo ntabuze ibyo atumvikanyeho na leta !!

Vime Kuya 12-07-2017

Njye nabibona nko gukungura cg umurengwe kuri bamwe,kuko iyi nzu irarengana tu,ibi ahubwo nitiranyuma.

Etienne Kuya 12-07-2017

Reka

Etienne Kuya 12-07-2017

Reka

Petero Kuya 12-07-2017

Njye ndumva amakosa aba yarakozwe n’abatanga uburenganzira bwo kubaka.none se igihe cyose imaze ninwo babonye ko itujuje ibisabwa.

alfa Kuya 12-07-2017

Jye iby’ubwubatsi simbisobanukiwe neza ariko mumbwire inzu itaguye irimo yubakwa yazagushwa n’iki kindi wenda kitari nk’umutingito? Yubatse se mu manegeka? Cg nyirayo yanze kuvugana n’abo bireba? Icyo mpamya ni uko iyi nzu ishenywe byaba ari igihombo kinini.

Lambert Kuya 12-07-2017

Arikose ubuyobozi bubishinzwe ntabyangombwa byo kubaka bwabanje gutanga ? jye numva icyo kiba ari igihombo kandi gifite ingaruka ku gihugu muri rusange. Kuki ibyo bitagenzurwa umunsi kumunsi inyubako iri kubakwa ? Ababishinzwe bage babanza babacumbikire munzu zabigenewe kuko nta shiti haba harabayemo Ruswa .

uwera Kuya 12-07-2017

iyi hotel niyande igiye gusenywa ? leta ishaka gusubiza uyumuntu ku isuka bayubatse umugiwakigali urihe kufite aba engineers benshi bagenzura biriya iyi nipolitike uyu abaye rwigara wakabiri

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...