konka coffee
KONKA

AMAKURU

UKWEZI

Nyuma ya 125.000.000 MTN yaciwe, abakiliya bakomeje kurira ayo kwarika (Igice cya 1)

Nyuma ya 125.000.000 MTN yaciwe, abakiliya bakomeje kurira ayo kwarika (Igice cya 1)
24-06-2016 saa 07:58' | By Chief Editor | Yasomwe n'abantu 7750 | Ibitekerezo 12

Sosiyete y’itumanaho mu Rwanda izwi nka MTN Rwanda, ikomeje kunengwa imikorere mibi irimo serivisi zidafututse, gusumbanya abakiliya babo, kubiba amafaranga n’ibindi bitandukanye, nyamara yigeze kwihanangirizwa ariko bigaragara ko birushaho kuzamba, abakiliya bayo benshi bakaba bakomeje kurira ayo kwarika.

Tariki 14 Nzeri 2012, nibwo Ikigo Ngenzuramikorere ku mirimo ifitiye igihugu akamaro RURA cyatangaje cyo cyafashe icyemezo cyo guca MTN Rwanda ihazabu (amande) ya miliyoni 125 (125.000.000 frw) nyuma yo kutubahiriza ibikubiye mu masezerano Ibigo by’itumanaho bigirana nacyo. Aya mafaranga baciwe mu gihe cy’ukwezi, buri munsi bagombaga kwishyura miliyoni eshanu, nk’igihano cya serivisi zitanoze batangaga.

Nyuma y’ibyo bihano, abakiliya ba MTN Rwanda bakomeje gutaka serivisi zitanoze, harimo no kwibwa amafaranga bashyira muri telefone zabo bakayoberwa irengero ryayo. Imikorere nk’iyi ariko, inzego za Leta zibishinzwe nazo zarayimenye ndetse MTN yongeye kugawa.

Hashize icyumweru, Minisitiri w’Ikoranabuhanga n’Urubyiruko hamwe n’umuyobozi wa RURA, Maj Patrick Nyirishema, banengeye mu Nteko Ishinga Amategeko y’u Rwanda imikorere ya MTN, ndetse bayisaba kwikosora vuba, byakwanga igafatirwa ibindi bihano.

Mu byanenzwe, harimo kuba internet ya MTN ikora nabi, ndetse ibi umuyobozi wa RURA yabigarutseho avuga ko iyo sosiyete y’itumanaho iheruka koherereza abakiliya bayo ibutumwa buvuga ko igiye kubikosora, nyamara bikaba bitarakozwe. Yavuze ko umufatabuguzi atagomba gutakaza amafaranga ye ngo hanyuma ntahabwe serivisi yaguze, agasanga niba amakosa aba yakozwe ku rwego rw’ikigo umukiliya agahomba, ikigo kiba kigomba kumusubiza ibye.

Abakiliya benshi banenga MTN kuba ibatwara amafaranga batayakoresheje, kuba ibasumbanya kuburyo hari serivisi umwe yemererwa undi agakumirwa, aha bahatanga urugero ku bijyanye n’ibyitwa Supa Packs, ndetse n’ibindi bifuza ko byakosorwa.

Iki ni igice cya mbere cy’inkuru yacu, mu bice bitaha tuzagaruka ku buhamya bwinshi bw’abakiliya ba MTN bavuga ibyo yabakoreye ndetse n’ibyifuzo byabo kuri iki kigo. Nawe ushobora kuduha ubwawe buhamya kuri email yacu: ukwezinews@gmail.com cyangwa ukoherereza ubutumwa uciye kuri facebook yacu.


INKURU ZA :
Tanga Igitekerezo
Ibitekerezo 12
karangwa roger Kuya 14-07-2016

MTN UGURA PACK 150 WAKONGERA KUGURA UTARAYIMARA YAMINOTA YAMBERE BAKAYITWARA ,UBU NUBJURA BUCIYE ICYUHO PEE

karangwa roger Kuya 14-07-2016

MTN UGURA PACK 150 WAKONGERA KUGURA UTARAYIMARA YAMINOTA YAMBERE BAKAYITWARA ,UBU NUBJURA BUCIYE ICYUHO PEE

ANITHA Kuya 6-07-2016

Sha nge bimaze kuntera isesemi rwose icyitwa supa park bamwe ngo 800 abandi 100 ibyo se ni ibiki,internet yo sinakubwira ni abajura barenze nange nabaye nyibaritse kbs...

client Kuya 1-07-2016

Ko mutavuga se ukuntu ikorana n,abatekamutwe birirwa baduhamagara ngo twatomboye amafaranga barangiza bakagucuza n,utwo wari wifitite??ahaaaa!

valens Kuya 26-06-2016

nange nyitabiraho gusa.nge narinzi KO ari nge ngenyine yigirizaho nkana.iduhemukira cyane.

Kids on block Kuya 26-06-2016

Sha mtn rwose ubujura bwayo bwo ntawabuvuga ngo abuheze nge maze gushyiramo inshuro 3 amafaranga 5000 burigihe nareba nkasanga bitatu bayatwaye nahamagara call center yabo barambwirango.na updatinz my apps nkbabaza niba.ntazi gukoresha my phone ubundi bagahita bankupa ubu sinkishyiramo ikarita irenze 500 usibye nagiparitse igi sim card cyabo nyitabiraho gusa kuko nge bamaze kuntwara amafaranga inshuro zirenga 7 kandi hurigihe.hejuru ya bibiri.

kabebe Kuya 26-06-2016

bavandimwe ubumaze kugura umuriro ariko ntawo bampaye kndi anafranga bayatwaye mtn rwose zinzi ibyayo.

Munezero Aimable Kuya 25-06-2016

MTN si ukuyisebya mukuri bara Koranabicyane

yves Kuya 25-06-2016

mtn kabisa ntawamenya ibyo irimo nihindure kandi birababaje kuba barinda no kuyibwiriza bikagera naho amande azamo nange nsa nuwayiretse

gael Kuya 25-06-2016

nukuri nanjye yaranzengereje nshyiraho ama unit nkayabura kd ntayakoresheje ibyo nukuri iteye ikibazo

damascene tuvindimwe Kuya 24-06-2016

turabemera cyane naho ubundi mtn ibyo bayishinja ni ukuri nanjye narayipanjitse sinkiyikoresha kubera ubujura bwayo ku ma unite

damascene tuvindimwe Kuya 24-06-2016

turabemera cyane naho ubundi mtn ibyo bayishinja ni ukuri nanjye narayipanjitse sinkiyikoresha kubera ubujura bwayo ku ma unite

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...