konka coffee
KONKA

AMAKURU

UKWEZI

PSD yatanze Paul Kagame nk’umukandida uzayihagararira mu matora ya Perezida wa Repubulika

PSD yatanze Paul Kagame nk’umukandida uzayihagararira mu matora ya Perezida wa Repubulika
3-06-2017 saa 20:09' | By Nsengiyumva Vincent | Yasomwe n'abantu 3505 | Ibitekerezo 3

Ishyaka riharanira Demokarasi n’Imibereho myiza y’Abaturage (PSD) ryemeje Paul Kagame nk’umukandida waryo mu matora ya Perezida wa Repubulika ateganyijwe muri Kanama uyu mwaka bashingiye ku bigwi bye yagaragaje mu miyoborere myiza, rinashimangira ko rizamwamamaza mu buryo budacagase.

Ibi PSD yabitangaje kuri uyu wa Gatandatu mu nama rusange yo kwizihiza isabukuru y’imyaka 25 iri shyaka rimaze rishinzwe, aho Komite ya Biro politiki yaryo yafashe imyanzuro irimo kuba nta mukandida uzariturukamo mu matora y’Umukuru w’igihugu maze bemeza ko bagomba gutanga Kagame bashingiye ku bigwi byamuranze.

Abarwanashyaka ba PSD basaga 700 bari baturutse mu bice bitandukanye by’igihugu bashyigikiye icyemezo cyafashwe na Komite ya Biro politiki y’iri shyaka y’uko Perezida Kagame azabahagararira.

Dr Vincent Biruta uyobora uyu mutwe wa politiki yashimangiye ko ntawe babona baha amahirwe yo kuyobora igihugu uretse Perezida Kagame ngo kuko afite ibigwi bigaragarira buri wese.

Yagize ati “Gutanga Kagame nk’umukandida mu matora ya perezida wa Repubulika muri Kanama uyu mwaka ni ukwiteganyiriza.”

Yakomeje avuga ko adashidikanya ko n’indi mitwe ya politiki izashyigikira uyu mwanzuro wa PSD wo kwemeza Paul Kagame nk’Umukandida.

Dr Biruta yanavuze ko mu bayoboke ba PSD nta wagaragaje ko ashaka kwiyamamaza, maze kubera gushakira hamwe inyungu z’igihugu bahuriza ku gushyigikira Kagame.

Isyaka rya PSD ritangaje ibi mu gihe irya FPR- Inkotanyi rikomeje gushaka umukandida uzarihagararira mu matora ya perezida ateganyijwe tariki 4 Kanama 2017.

Uretse Perezida Kagame wo muri FPR Inkotanyi wemejwe ku ikubitiro n’abarwanashyaka ba PSD, kugeza ubu Green Party ni yo yemeje ko Dr Frank Habineza azayihagararira nk’umukandida ku mwanya w’umukuru w’igihugu.

Mu bakandida bigenga Diane Shima Rwigara, Mwenedata Gilbert na Mpayimana Philippe, nibo bamaze kugeza kuri Komisiyo y’amatora umushinga wo kwiyamamaza kwabo. Kuri ubu bari gushaka imikono y’abantu 600 mu gihugu hose barimo 12 byibuze muri buri karere, nka kimwe mu bisabwa umukandida wigenga ngo yemererwe kwiyamamaza.

Amatora y’umukuru w’igihugu uzayobora u Rwanda mu myaka irindwi iri imbere ateganyijwe kuya 3 Kanama ku Banyarwanda baba hanze no kuya 4 Kanama ku b’imbere mu gihugu.

Umuyobozi wa PSD, Dr Vincent Biruta niwe watangaje icyemezo cy'ishyaka rye cyo gushyigikira Paul Kagame


INKURU ZA :
Tanga Igitekerezo
Ibitekerezo 3
maniragaba samu Kuya 8-06-2017

kagame nareke nabandi bategeke kuko abize nibenshyi nareke nabo bagerajeze amahirwe yabo

dudu Kuya 7-06-2017

none se ni gute ishyaka ritanga umukandida wo murindi shyaka kd we ishyaka rye ritaramutanga?ubu ntihabayeho kwibehsya?ngirango byari bikwiye ko FPR ibanza ikamutanga..ubundi nabo bakamwemeza .

NTAKIRUTIMANA Janvier Kuya 5-06-2017

Ariko Abakombozi bareba kure kweri!!!!Ubundi se ko nta we uhindura ikipe itsinda!!!!Ni gute kweri batashyigikira Nyakubahwa Paul KAGAME!!! Kureba kure kwa PSD si ibya none!!!!!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...