konka coffee
KONKA

AMAKURU

UKWEZI

Paul Jules Ndamage wari Meya yahawe akazi muri Kaminuza aho yishimiwe nk’inzobere

Paul Jules Ndamage wari Meya yahawe akazi muri Kaminuza aho yishimiwe nk’inzobere
17-08-2017 saa 09:00' | By Chief Editor | Yasomwe n'abantu 9288 | Ibitekerezo 6

Kaminuza ya Kigali, yahaye akazi NDAMAGE Paul Jules wahoze ari Umuyobozi w’Akarere ka Kicukiro mu mujyi wa Kigali ndetse akaba yaranigeze kuba umunyamakuru ukomeye mu Rwanda, akaba ari umwe mu bayobozi bashya binjijwe muri iyi Kaminuza ngo bayiteze imbere mu buryo budasanzwe, dore ko anagaragazwa n’iyi Kaminuza nk’umuntu w’inzobere bitezeho byinshi.

Nk’uko bigaragazwa n’iyi Kaminuza, Paul Jules Ndamage yagizwe umuyobozi ushinzwe ibijyanye n’ubutegetsi muri Kaminuza ya Kigali (University Administrator of University of Kigali), akaba aherutse guhabwa akazi ari kumwe n’abandi bayobozi bakuru bashya muri iyi Kaminuza bagera kuri batanu.

Paul Jules Ndamage afite impamyabumenyi y’icyiciro cya mbere cya Kaminuza mu bijyanye n’imiturire yakuye muri Kaminuza yigenga ya Kigali ndetse akagira n’impamyabumenyi y’icyiciro cya kabiri cya Kaminuza mu bijyanye n’itangazamakuru n’itumanaho yakuye muri Kaminuza y’u Rwanda.

Kugeza ubu, Paul Jules Ndamage arimo gukorera impamyabumenyi ye y’icyiciro cya gatatu cya Kaminuza mu bijyanye n’imiyoborere (Master’s Degree in Governance Studies), akaba yaratangiye kuyigira muri 2016 muri Kaminuza y’u Rwanda. Ubu arimo arandika igitabo cye ku ngingo ivuga ku ruhare rw’Itangazamakuru mu miyoborere myiza mu Rwanda rwa nyuma ya Jenoside yakorewe abatutsi (The role of the Media in Good Governance of Rwanda after the Genocide against the Tutsi in 1994’), yibanda ku kigo cy’igihugu cy’Itangazamakuru (RBA).

Ni inzobere mu bijyanye n’imiyoborere kuko yabaye Umuyobozi w’Akarere ka Kicukiro mu mujyi wa Kigali mu gihe cya manda ebyeri, muri icyo gihe akaba yarahembwe na Perezida Kagame ubugira kane, ahabwa ibikombe kubera kwitwara neza kw’akarere yayoboraga mu kwesa neza imihigo.

JPEG - 168.9 kb
JPEG - 156.7 kb

Mbere yo kuba Meya, Paul Jules Ndamage yabaye umunyamakuru wamamaye cyane kuri Radio na Televiziyo y’u Rwanda aho yanakoze imyaka icumi nk’umuyobozi w’ibiganiro. Ndamage kandi yahagarariye Ikigo cy’igihugu cy’Itangazamakuru mu Rwanda cyahoze ari ORINFOR, aho yakoreraga i Arusha nk’umunyamakuru wataraga, agasesengura ndetse agatangaza amakuru ajyanye n’iburanishwa ry’imanza mu rukiko mpuzamahanga mpanabyaha rwashyiriweho u Rwanda, rwaburanishaga abakurikiranyweho ibyaha bya Jenoside yakorewe abatutsi.

Kaminuza ya Kigali, yatangaje ko Paul Jules Ndamage ari inzobere mu bijyanye no gushyira ku murongo ikipe y’abantu ayoboye ndetse no kubashyiramo umwuka wo gukorera hamwe hagamijwe iterambere ryihuse, bityo iyi Kaminuza ikaba imwizeyeho uruhare rukomeye mu kurushaho guteza imbere ireme ry’uburezi ry’iyi Kaminuza.


INKURU ZA :
Tanga Igitekerezo
Ibitekerezo 6
Damascene Kuya 22-08-2017

Jules NDAMAGE, wahoze ayobora Akarere ka Kicukiro, n’umuyobozi ushira mu gaciro, kuba University of Kigali ibonye umuyobozi nkuriya, abanyeshuri bahiga bagize amahirwe atagira uko asa, bazamwibonera. Muzi uburyo yajyaga akemura ibibazo by’abaturage mu nteko, nk’igihe cyo kuwa gatatu, yahamagaraga abakozi bose bafite ibyo bashinzwe mu Karere, maze abaturage bafite ibibazo bakinjira bose muri salle, nawe arimo, nyuma buri muturage ufite ikibazo akabaza, Paul NDAMAGE, akaba yamenye ushinzwe icyo kibazo, igisubizo kigatangwa umuturage yakumva atanyuzwe bagafatira hamwe umwanzuro. Umuturage akaba abonye igisubizo cyiza kandi gishimishije. N’umuyobozi pe. Imana ikomeze imufashe azamure iyi Kaminuza nkuko yari yarazamuye Kicukiro.

Bizimana paul Kuya 18-08-2017

Ngewe ntacyo navuga gusa uyu Jules nakomere kdi ubutwari,ubunyangamugayo,guca bugufi,gukunda igihugu yiba bose bakoraga nkawe.urwanda rwaba urwo dushaka ko rubarwo.

GAHUNGU SIMPLICE Kuya 17-08-2017

yeg.Sir jule gusa niyigishe ibyo guhanga akazi!

Seba Kuya 17-08-2017

Nibyo rwose harabantu bayoboye neza, hakaba nabajijisha Leta ikagirango barayobora kdi ari ku karimi gusa, nka Nyaruguru ugiye kuyoreka, noneho ubu amakuru naraye nkuye mukabari bivugwa numuntu mushya muri nyobozi ariwe ngowanasimbuye gitifu byagateganyo nukongo habitegeko agiye kwibasira abantu bose basuye abanzi yafungishije ahereye kubakozi dorekongo afite list yayo kuburyongo azanayitanga nohejuru akabarebera ibyawa, uri kwisonga ubu ushobora kuba yaranadegrazwe akaba atarabimenya nukuriye imari ariwe DF nabandi kdi ngobararye bari menge, uwohabitegeko atarabona akavuye mu mufuko we yirarire cg aryamire amajanja ndababwiye dore nyakururira hano nibereye sindi mukarere kanyu mwakankuyemo.

KAREMAGINGO ELISEE Kuya 17-08-2017

Ubundi yagombye kwihangira imirimo nkuko yakunze kujya abibwira abandi.

iramukunda Kuya 17-08-2017

Iki kigo kimwiyegereje kizi kurambagiza abayobozi beza. Ni umunyamurava, agira ubudacogora butajorwa, icyo arusha benshi ni ukumenya gukorana n’abantu bose neza no kubakoresha atabahutaje akababyaza umusaruro kandi bakorera mu mwuka mwiza . Felicitation Mayor

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...