konka coffee
KONKA

AMAKURU

UKWEZI

Perezida Kagame agiye kwakira ibibazo by’abanyarwanda kuri Radio na Televiziyo

Perezida Kagame agiye kwakira ibibazo by’abanyarwanda kuri Radio na Televiziyo
24-06-2017 saa 16:04' | By Vincent Nsengiyumva | Yasomwe n'abantu 5889 | Ibitekerezo 11

Kuri iki cyumweru tariki ya 25 Kamena 2017, Perezida Paul Kagame azakirwa muri Sitidiyo za Radiyo na Televiziyo by’igihugu guhera saa Cyenda z’igicamunsi, aho bazafungura imirongo maze akaganira n’abaturage bifuza kugira icyo bamubaza cyangwa kugira igitekerezo bamugezaho. Abakoresha ikoranabuhanga nabo bazabasha kumuvugisha hakoreshejwe urubuga rwa twitter.

Ibi byatangajwe n’umuyobozi Mukuru w’Ikigo cy’Igihugu cy’Itangazamakuru (RBA), Arthur Asiimwe, ubwo yabinyuzaga ku rubuga rwa Twitter kuri uyu wa Gatandatu.

Yagize ati “Twishimiye kwakira Umukuru w’Igihugu , Paul Kagame muri RBA mu kiganiro. Abifuza kugira icyo bamubaza bazahabwa urubuga bagire ibyo bamubaza hakoreshejwe imirongo itandukanye.”

Asiimwe yakomeje avuga ko abaturage bazahabwa urubuga maze bavugane na Perezida bakoresheje imirongo itandukanye harimo telefoni, twitter n’ahandi ndetse binanyuzwe ako kanya kuri YouTube ku buryo n’abari mu mahanga bazabasha kubikurikirana.

Ni ubwa mbere mu mateka Perezida Kagame agiye kugira ikiganiro kuri Radio na Televiziyo by’Igihugu imbonankubone abaturage bamubaza nawe akabasubiza. Gusa mu myaka ya 2010 na 2011 yigeze gutanga ikiganiro kuri Radio yigenga ya Contact FM.


Tanga Igitekerezo
Ibitekerezo 11
MUGABO EMMANUELMU Kuya 25-06-2017

Mwiriwe Nasabaga abashinzwe ikorana buhanga bakosore iyo mikoro Ya Muzehe ntago ivuga neza mibikosore tubashe gukurirana MUZEHE WACU murakoze

MUGABO EMMANUELMU Kuya 25-06-2017

Mwiriwe Nasabaga abashinzwe ikorana buhanga bakosore iyo mikoro Ya Muzehe ntago ivuga neza mibikosore tubashe gukurirana MUZEHE WACU murakoze

Antoinette Kuya 25-06-2017

mumutubarize impamvu batarikudufungurira kaminuza ya gitwe ngo dusubire kwiga adufashe rwose kuko tumeze amezi 3sinzi ikibitera rwose

mushirarungu Kuya 25-06-2017

atubabarire avuge.nokumpunzi ziba murwanda nicyo baziteganyiriza we nakabira

ndagijimana Kuya 25-06-2017

Atubwire kw’itegeko rikumimira abafite ubumuga budakabije cyane (udafite ijisho rimwe) gukora ibizamini by’impusha ryo gutwara ibinyabiziga kdi bishobora kubafasha mu buzima. ikindi n’ikijyanye n’ ubushomeri bukomeje guca ibintu?

Mahoro Kuya 25-06-2017

Ntimureba umuyobozi nyawe "Muzee ngukundira uburyo wicisha bugufi ukumva abaturage"

v8 Kuya 25-06-2017

Ni byiza pe!
Nta kuntu i Kigali hakubakwa amagorofa (Public Housing/ HLM) nk’ariya tubona London, Paris,..., agenewe kubamo abafite amikoro make? Ibi bishobora guca imyubakire y’akajagari.
Murakoze

uwayo Kuya 25-06-2017

azatubwire aho agejeje cya kibazo cy’ingaga z’abakora kwa muganga bahora batsindwa cyane ibizamini kandi bafite diplome za UR ndetse n’amafrw yo gukora ikizamini

uwayo Kuya 24-06-2017

avuga iki ku ngaga z’abakora kwa muganga(NCNM na RAHPC)zivugwaho gukandamiza abo zakabaye zirengera kuko bakimubajije akagiha umurongo asaba MINISANTE na mineduc kubikurikirana ariko nanubu ntacyakozwe pe kuko na ya amafrw yo kwiyandikisha ngo ukore ikizamini aracyasabwa(muri RAHPC) noneho no gutsindwa biracyakabije ese duhereye aho avuga iki ku ireme ry’uburezi kuko niba hatsinda abatagera kuri 10% bivuze iki ku burezi ?

umuntu Kuya 24-06-2017

Mwazadufasha tubonana umwanyuhagije tukamubaza.

uwayo Kuya 24-06-2017

muzamumbarize impamvu ingaga z’abakora kwa muganga zitakemuye ibibazo yazisabye gukemura birimo ibizamini abantu batsindwa utuhenu kandi bafite diplome zemewe na Leta ese yumva niba ari ubuswa bw’abarimu bigisha nabi yavuga iki ku ireme ry’uburezi?kubona hadatsinda na 10% hari n’abagisaba amafrw yo gukora ikizamini(50.000 RAHPC)

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA