konka coffee
KONKA

AMAKURU

UKWEZI

Perezida Kagame na Uhuru Kenyatta bashimangiye urukundo n’ubufatanye bafitanye

Perezida Kagame na Uhuru Kenyatta bashimangiye urukundo n’ubufatanye bafitanye
12-08-2017 saa 11:06' | By Chief Editor | Yasomwe n'abantu 5642 | Ibitekerezo

Perezida Paul Kagame w’u Rwanda na Uhuru Kenyatta wa Kenya, bahuriye ku kuba bombi basanzwe ari abakuru b’ibihugu kandi muri uku kwezi kwa Kanama bakaba baratorewe kongera kuyobora ibuhugu byabo. Nk’abakuru b’ibihugu bisanzwe bifitanye umubano mwiza, banashimangiye urukundo bafitanye ndetse n’ubufatanye bashyize imbere mu guteza imbere ibihugu byabo kimwe n’imibereho myiza y’ababituye.

Ibiganiro by’aba bakuru b’ibihugu byombi byagiye bikurikira kwishimira intsinzi kuri buri ruhande, byashimangiye uburyo babanye neza, aho buri umwe afata undi nk’umuvandimwe kandi akamushishikariza gukomeza guteza imbere igihugu ayoboye. Ni ibiganiro bagiye bagirana ku rubuga nkoranyambaga rwa Twitter bakunda gukoresha cyane bombi.

Ubwo Paul Kagame yari amaze gutorerwa kongera kuyobora u Rwanda, mu matora yabaye tariki 4 Kanama 2017, Perezida Uhuru Kenyatta yabaye uwa mbere mu bayobozi bamugaragarije ko bishimiye intsinzi ye. Kenyatta ati: "Nishimiye intsinzi yawe muvandimwe wanjye Paul Kagame, yo kuba wongeye gutorerwa kuba Perezida w’u Rwanda. Imana iguhe umugisha, Imana ihe umugisha abanyarwanda". Ibi Perezida Kagame nawe yahise agaragaza ko abyishimiye cyane, ndetse amwifuriza ibyiza.

Ibi byiza Perezida Kagame yifurije Uhuru Kenyatta byabaye impamo, kuko yahise yegukana intsinzi mu matora yabaye tariki 8 Kanama 2017. Nyuma yo gutsinda, Perezida Kagame yifurije Uhuru Kenyatta intsinzi maze bakomeza kuganira bagaragaza intumbero bafite mu guteza imbere ibuhugu byabo.

Perezida Kagame ati: "Nishimiye intsinzi yawe muvandimwe wanjye Uhuru Kenyatta, yo kuba witwaye neza mu matora n’icyizere abanyakenya bakugiriye.". Perezida Kenyatta nawe mu gusubiza ati: "Urakoze cyane muvandimwe wanjye, Perezida. Dufatanye guteza imbere abantu bacu dushyize hamwe"

Perezida Kagame kandi yabwiye Uhuru Kenyatta ko bagomba gufatanya kubaka no guteza imbere ubumwe n’iterambere ry’ibihugu bayobora, bita cyane no ku mibereyo y’abaturage babituye.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...