konka coffee
KONKA

AMAKURU

UKWEZI

Perezida Kagame yafashe icyemezo cyo kwirinda kugwa mu mutego wa Perezida Pierre Nkurunziza

Perezida Kagame yafashe icyemezo cyo kwirinda kugwa mu mutego wa Perezida Pierre Nkurunziza
15-05-2017 saa 09:22' | By Chief Editor | Yasomwe n'abantu 16092 | Ibitekerezo 1

Perezida wa Repubulika y’u Rwanda, Paul Kagame, yatangaje ko yafashe icyemezo cyo kwirinda icyatuma agwa mu mutego wa Perezida Pierre Nkurunziza w’u Burundi hamwe n’ubutegetsi bwe, nyuma yo kubona ko Perezida Nkurunziza yagiye agerageza gushaka kwegeka ibibazo biri mu Burundi ku Rwanda no ku mukuru warwo Paul Kagame.

Ibi Perezida Kagame yabigarutseho mu kiganiro kirambuye aherutse kugirana na Jeunne Afrique mu ntangiriro z’uku kwezi kwa Gicurasi 2017, ikiganiro cyabereye mu biro bya Perezidansi y’u Rwanda, Village Urugwiro, ku Kimihurura mu mujyi wa Kigali.

Mu bibazo Perezida Paul Kagame yabajijwe, harimo ikijyanye n’umubano we na Perezida Nkurunziza ndetse n’igihugu cy’u Burundi muri rusange. Perezida Kagame yavuze ko atakivugana na Perezida Nkurunziza, maze abajijwe impamvu yahisemo kwicecekera asubiza ko yasanze ari ngombwa kwirinda kugwa mu mutego.

JPEG - 158.5 kb

Perezida Kagame na Nkurunziza baherukana amaso ku yandi muri 2015 ubwo bahuriraga i Huye

Perezida Kagame ati: "Iyo umuntu afite ikibazo agashaka kukikwegekano, ikiruta ibindi ni ukwirinda kugwa mu mutego. Ibyo ntibivuze ko kwifata kwacu ari uko ntacyo twumva bitubwiye, kuko tuzi ko ibibera mu Burundi bishobora kugira ingaruka ku mutekano wacu kandi uwo murongo utukura ntituzigera tuwurenga."

Perezida Kagame kandi yasobanuye ko u Rwanda rudafasha abarwanya ubutegetsi bw’u Burundi rukaba rutanagira uruhare mu guhungabanya umutekano w’iki gihugu, ahubwo ashimangira ko rufasha impunzi z’abarundi zahungiye mu Rwanda kandi iki kikaba ari igikorwa cyiza gikorerwa aba baturage bo mu gihugu cy’abaturanyi.


INKURU ZA :
Tanga Igitekerezo
Ibitekerezo 1
Nduwimana Alex Kuya 16-05-2017

Daniyeri 2:44 nikubamibisi!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...