konka coffee
KONKA

AMAKURU

UKWEZI

Perezida Kagame yafunguje Se w’umwana bahuriye i Nyamirambo arimo kwiyamamaza

Perezida Kagame yafunguje Se w’umwana bahuriye i Nyamirambo arimo kwiyamamaza
17-09-2017 saa 11:22' | By Chief Editor | Yasomwe n'abantu 10581 | Ibitekerezo 7

Perezida wa Repubulika y’u Rwanda, Paul Kagame, nk’uko abifitiye ububasha ahabwa n’amategeko, yababariye umugabo witwa Ndayisenga Yassini wari ufungiwe muri gereza ya Mageragere mu karere ka Nyarugenge, nyuma y’uko ahuriye i Nyamirambo n’umwana w’uyu mugabo mu gihe yiyamazaga, maze uwo mwana akamusaba ko yazafunguza umubyeyi we.

Ndayisenga Yassini yari amaze amezi 8 afungiwe muri gereza ya Nyarugenge, ariko yagombaga kumara imyaka ibiri muri gereza kuko ari cyo gihano yakatiwe azira icyaha cyo gucuruza, gukwirakwiza no gukoresha ibiyobyabwenge. Mu gihe Perezida Kagame yajyaga kwiyamamaza i Nyamirambo, yabonye uyu mwana maze aza kumwinjiza mu modoka baraganira. Uyu mwana witwa Igisubizo Swaliha Yassini yari kumwe na nyina icyo gihe.

Nyuma uyu mubyeyi ndetse n’uyu mukobwa we Igisubizo Swaliha Yassini baje gutangariza abanyamakuru ko mu byo uyu mwana yaganiriye na Perezida Kagame, harimo kuba yaramusabye ko yazafunguza Se umubyara, Ndayisenga Yassini, ari nabyo umukuru w’igihugu yashyize mu ngiro kuri iki Cyumweru.

JPEG - 69.4 kb

Nyina w’uyu mwana yavuze ko iyi foto bayifotowe na Ange Kagame, umukobwa wa Perezida

Mu kiganiro Ikinyamakuru Ukwezi.com cyagiranye na CIP Sengabo Hillary, umuvugizi w’Urwego rw’Amagereza mu Rwanda, yashimangiye iby’aya makuru ndetse avuga ko umuryango wa Ndayisenga Yassini wazindukiye kuri gereza ya Mageragere kwakira uyu mugabo, kandi ngo na nyuma yaho barateganya gukora ibirori bidasanzwe byo kubyishimira.

JPEG - 40.1 kb

Aha nyina w’uyu mwana n’undi mwana bavukana bari bategerereje se kuri gereza ngo batahane

REBA VIDEO Y’IKIGANIRO UYU MWANA NA NYINA BAGIRANYE N’ABANYAMAKURU HANO:


INKURU ZA :
Tanga Igitekerezo
Ibitekerezo 7
wooww Kuya 18-09-2017

Amashyii kuri PK

celestin Kuya 18-09-2017

nukuri dushimiye president wacu kubwizo mbabazi yatanze.

Majyambere Philbert Kuya 18-09-2017

Ntawabura kugira ikiniga kibyishimo gikomoka kuburyo Kagame ari Umuyobozi Udasanzwe muri iyi si dutuye, Imana ikomeze Ingoma ye

Natus Kuya 17-09-2017

Amahirwe ntagwira bose ibaze nawe gusohoka muri Gereza bitegetswe n’umukuru w’igihugu,noneho P Kagame,Ahhaaa....rwose ndumva ntacyo navugana nababagabo baba barinze Gereza !Ni ugusohoka bibwiriza bagatera Salut vuba vuba nimodoka hafi aho yo kungeza iwanjye. Ahubwo bakansaba na numero ya phone kugirango nzajye mbavuganira. Mbega byizaaa! Afite n’akana keza kigikundiro.kazamukiza tegereza nibindi bizaza..

betty Kuya 17-09-2017

Na Yesu yatavuze ngo nimureke abana bannsange! H..E yagize neza ni umubyeyi ubereye abana b’ uRwanda

Kiki Kuya 17-09-2017

Sha bajyabavugango umwanzi ntakabyaroe, nibyokoko. Sibwumwanawe wimyaka4 gusa amufunguje yarikuzaborera muburoko? Akubereye igisubizo koko wariwaramwiseneza. Mazenawe umubabarire ntuzasubire mubiyobyabwenge, ahubwufatananyena polisi kubirwanya uyerekenabandi mwafatanyaga nabakiliyabanyu bose tubihashye niwomusanzu tugutezeho

John Kuya 17-09-2017

ni byiza cyane

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...