konka coffee
KONKA

AMAKURU

UKWEZI

Perezida Kagame yagaragaje ibyitezwe ku kibuga cy’indege cya Bugesera yatangirije inyubako

Perezida Kagame yagaragaje ibyitezwe ku kibuga cy’indege cya Bugesera yatangirije inyubako
9-08-2017 saa 13:41' | By Akayezu Jean de Dieu | Yasomwe n'abantu 5638 | Ibitekerezo 3

Perezida Kagame uherutse gutorerwa gukomeza kuyobora u Rwanda yavuze ko Ikibuga cy’indege cya Bugesera kizagira uruhare runini mu gihindura imibereho no kwihutisha iterambere ry’abanyarwanda no korohereza abashoramari bo muri Afurika. Perezida Kagame kandi yanashimangiye ko imirimo yo kubaka iki kibuga izihutishwa

Ibi Perezida Kagame yabigarutseho kuri uyu wa Kabiri tariki 09 Kanama 2017 ubwo yashyiraga ibuye ry’ifatizo ahagiye kubakwa ikibuga cy’indege mpuzamahanga kizubakwa mu karere ka Bugesera mu ntara y’Uburasirazuba. Mu butumwa yatanze akimara gushyira iri buye fatizo ahagiye kubakwa iki kibuga, Perezida Kagame yavuze ko n’ubwo u Rwanda atari igihugu kinini ariko ku bufatanye no gushyira hamwe kw’abarutuye hazabaho guharanira ko Abanyarwanda baba beza kandi bagera kuri byinshi byiza.

Aha yagize ati “N’Ubwo u Rwanda ari igihugu gito ariko twe tuzaharanira kuba beza bashoboka kandi bagera kuri byinshi byiza, ikindi kandi uyu ni umushinga twategereje igihe kirekire nizere ko twese tuzafatanya kugirango urangire neza iki kibuga gikoreshwe”

Perezida Kagame kandi yashimangiye ko imirimo yo kubaka iki kibuga cy’indege izihutishwa, aha akaba yagize ati “Iki kibuga cy’indege ntabwo kizaba ’nka ya mabati’. Iri buye ry’ifatizo ni intangiriro y’ibikorwa ikindi Ikibuga cy’indege cya Bugesera kizafasha mu kongera ubukungu bw’u Rwanda ndetse n’ubuhahirane mu karere duherereyemo kandi ndashaka kubwira abanyarwanda badutegerejeho byinshi ko muri uyu mushinga tutazabatenguha. Tuzakora neza nk’uko bisanzwe, nizeye ko mu mezi make ari imbere tuzaba twagarutse hano gutaha no gutangiza ibikorwa by’iki kibuga cy’indege.

Perezida Kagame kandi yashimiye abafatanyabikorwa bagize uruhare muri uyu mushinga wo kubaka iki kibuga cy’indege cya Bugesera cyatangiye kubakwa ku mugaragaro, anaboneraho kuvuga ko n’ubwo ikibuga cy’indege cya Kanombe gikomeje gutera imbere, ariko iki kibuga cya Bugesera gifite umwanya munini mu ntumbero igihugu gifite.

Iby’ingenzi wamenya kuri iki kibuga cy’indege

Iki kibuga cy’indege kigiye kubakwa mu mirenge ya Gashora na Ririma yo mu Karere ka Bugesera kikaba gifite ahakirirwa abagenzi hari ku murambararo wa metero kare ibihumbi 30. Ikindi kandi iki kibuga kizaba gifite aho abagenzi binjirira n’aho basohokera 22, gifite imiryango 10 izajya yifashishwa mu gusaka abinjira n’abasohoka, kizaba gifite imiryango cyangwa ibiraro 10 indege zifatiraho abagenzi.

Mu bindi kizaba gifite kontwari 10 zakirirwaho abajya n’abava mu mahanga kizaba kinafite ikoranabuhanga rigezweho ku rwego rw’isi, kizaba gifite ahakorerwa ubucuruzi hahagije ndetse n’umuhanda indege ihagurukiramo ufite uburebure bwa metero 3.750 ku bugari bwa metero 45


Kizatwara akayabo k’amafaranga

Amafanga azakoreshwa mu kucyubaka ni miliyoni 818 z’amadolari y’Amerika. Yakubaka inyubako za Kigali Convention Center (KCC) hafi eshatu. Giteganya kuzajya cyakira abagenzi miliyoni 1,7 buri mwaka. Bikaba biteganyijwe ko kizatangira gukoreshwa mu mpera za 2018, aho hazaba hamaze kurangira icyiciro cya mbere kizatwara miliyoni 414 z’amadolari y’Amerika.

Iki kibuga kikaba kigiye kubakwa na Sosiyete ya Mota Engil yo muri Portugal isanzwe ifite ubunararibonye mu kubaka ibibuga by’indege. Iyi sosiyete ikaba yarasinyanye amasezerano y’imikoranire na Leta y’u Rwanda mu mwaka wa 2016. Perezida Kagame watorewe kuyobora u Rwanda ashyira ibuye ry’ifatizo ahagiye kubakwa ikibuga cy’indege cya Bugesera/Photo:Village Urugwiro
Igishushanyo mbonera kigaragaza uko ikibuga cy’indege cya Bugesera kizaba kimeze kimaze kuzura/Photo:Twitter


INKURU ZA :
Tanga Igitekerezo
Ibitekerezo 3
Charles Kuya 11-08-2017

Harabura gahunda ya gari ya moshi..!! None yazaba nka ya mabati?? . Muli 2011Kagame ,yatubwiyeko guhera 2014 kugeza 2016 tuzaba twujulijwe iyo gari ya moshi none muli 2017 ntanubwo ili mubyihutirwa.
Muli 2013 ministre Jeo arongera ngo mili 2016, stade ya gahanga izakira imikino mpuza mahanga .Amashyi ngo kaci kaci

Innocent Kuya 9-08-2017

komerezaho ntwari dukunda, twagutoye tuzirikana umutima ukunda igihugu ufite.

NDAYISHIMIYE Ephrem Kuya 9-08-2017

Iteka ryose umusaza wacu tumurinyuma .

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...