konka coffee
KONKA

AMAKURU

UKWEZI

Perezida Kagame yagaragaje ko Afurika ikeneye kongera umubare w’urubyiruko rwiga Kaminuza

Perezida Kagame yagaragaje ko Afurika ikeneye kongera umubare w’urubyiruko rwiga Kaminuza
5-07-2017 saa 14:52' | By Vincent Nsengiyumva | Yasomwe n'abantu 1923 | Ibitekerezo 3

Atangiza inama y’iminsi ibiri igamije kuzamura ireme ry’uburezi mu mashuri makuru na za Kaminuza muri Afurika bigendanye n’intego z’iterambere rirambye (SDGs),Kuri uyu wa Gatatu tariki ya 5 Nyakanga, Perezida Kagame yavuze ko ibihugu by’Afurika bikwiye kongera umubare w’abagana aya mashuri kuko umubare w’abayagana ari muto cyane ugereranyije n’ubumenyi ndetse n’ubushobozi bikenewe mu kuzamura uyu mugabane.

Perezida Kagame avuga ko kuba abanyafurika bajya kwiga muri kaminuza bajya kungana na ¼ cy’abajya kwiga muri Kaminuza ku isi akabishingiraho avuga ko uyu mubare ukiri muto cyane ugereranyije n’ibyo uyu mugabane wifuza kugeraho.

Umukuru w’igihugu avuga ko intego z’ikinyagihumbi (MDGs) zasize hari intambwe imaze guterwa mu burezi bwo muri Africa, akabishingiraho avuga ko ibi bigaragaza ko n’ibindi bishobora kugerwaho mu gihe hagize igikorwa.

Perezida Kagame yagaragaje ko urubyiruko rwo ku mugabane wa Afurika rworoherejwe kubona uburezi bujyanye n’igihe rwatera imbere rukoresheje impano rwifitemo zitandukanye maze bikagirira inyungu rubanda nyamwinshi.

Yakomeje avuga ko Afurika ikeneye abarangiza kaminuza benshi bafite ubumenyi n’ubushobozi bituma bafasha mu guteza imbere umugabane

Yagize ati “Aba ni bake cyane ku bakenewe kugira ngo turandure ubukene burundu, dunaharanire agaciro kacu nk’abantu.”

Yakomeje avuga ko hari ikizere kuko ngo byatangiye gukurikiranwa no gushyirwa mu buryo kugira ngo Afuri igere ku burezi buri wese yifuza.

Umukuru w’igihugu abona ko ibi byagerwaho ari uko Guverinoma z’ibihugu bya Africa zikoranye n’abashoramari maze bagafatanya kuzamura ireme ry’uburezi .

Yagize ati “Ubushobozi bwose zaba zifite, leta ntacyo zageraho zonyine. Uruhare rwa buri wese ni ngombwa.”

Urutonde rw’uko Kaminuza zikurikirana ku Isi mu 2016, rugaragaza ko Kaminuza za mbere 100 ku Isi harimo imwe yo muri Afurika y’Epfo gusa, naho mu 1000 za mbere ku Isi hakabamo 10 zo muri Afurika, muri zo umunani zikaba zibarizwa mu gihugu kimwe cya Afurika y’Epfo.


INKURU ZA :
Tanga Igitekerezo
Ibitekerezo 3
sima Kuya 11-07-2017

uvuze ukuripe sha gushegira ushira

kanakuze Kuya 7-07-2017

rudomoro we humura ijuru rizatabara.akarengane gashire

rudomoro Kuya 6-07-2017

ABIZIZO KAMINUZA SE BAHABWA AKAHE GACIRO HANO MU RWANDA!!!! NTUSANGA ABA PRIMERIERS CG ILLETRES BAZI GUPFUKAMIRIZA, GUTUGA, NO KURONDWA ARIBO BIFITIYE IMIRIMO, NGAHO NGO NI SYSTEM NICYAMA KIBA CYABIGENNYE, MUKADUSHUKA MUTWIRUKANSA MU BIZAMINI NAHO MWAMAZE KUBITEKINIKA KERA!!!!! MWAKWEMEYE IMYIGARAGAMBYO MUKAREBA ABANTU TWISHORA MU MIHNDA MURIKI GIHUGU!!!!!!!!!!!!!!!!!!!!!!! TWARASHIZE MUSAZA NTIMUKADUKINE KU MUBYIMBA RWOSE

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...