konka coffee
KONKA

AMAKURU

UKWEZI

Perezida Kagame yagennye usimbura Gasana Richard umaze igihe atavugwaho rumwe

Perezida Kagame yagennye usimbura Gasana Richard umaze igihe atavugwaho rumwe
5-10-2016 saa 08:26' | By Chief Editor | Yasomwe n'abantu 10767 | Ibitekerezo 6

Ambasaderi Eugene Richard Gasana wahagaritswe mu kazi ke n’Inama y’Abaminisitiri yateranye kuwa Gatatu tariki 10 Kanama 2016, ku mwanya w’Uhagarariye u Rwanda mu Muryango w’Abibumbye, yamaze gusimburwa kuri uyu mwanya nyuma y’igihe icyatumye akurwaho kitavugwaho rumwe.


style="display:block"
data-ad-client="ca-pub-5056468503741966"
data-ad-slot="2194852936"
data-ad-format="auto">

Mu bayobozi bashya bashyizweho na Perezida Paul Kagame kuri uyu wa Kabiri tariki 4 Ukwakira 2016, Ambasaderi Rugwabiza Valentine niwe wasimbuye Eugene Gasana Richard uherutse gukurwa ku mwanya w’Uhagarariye u Rwanda mu muryango w’Abibumbye. Hari hashize igihe gikabakaba amezi abiri u Rwanda rutarabona usimbura Gasana Richard.

JPEG - 212.3 kb

Ambasaderi Rugwabiza Valentine Uhagarariye u Rwanda mu muryango w’Abibumbye.

Ambasaderi Eugene Richard Gasana, amaze iminsi avugwaho byinshi bitandukanye birimo kuba yarahunze igihugu, ndetse hagiye havugwa impamvu zitandukanye zaba zaratumye yirukanwa. Mu zavuzwe cyane, harimo no kuba yarigeze kwibasira Leta Zunze Ubumwe za Amerika.

Tariki 21 Werurwe 2016, nibwo ku cyicaro cy’Umuryango w’Abibumbye mu mujyi wa New York habaye ibiganiro mbwirwaruhame by’Akanama k’Umuryango w’Abibumbye Gashinzwe Umutekano, byigaga ku kwirinda no gukemura amakimbirane mu Karere k’Ibiyaga Bigari. Muri ibi biganiro, Ambasaderi Samantha Power uhagarariye Amerika mu Muryango w’Abibumbye yanenze uburyo imiyoborere y’u Rwanda iteye.

Mbere na mbere Ambasaderi Samantha Power yashimye iterambere ry’u Rwanda n’intera rwateye mu kubungabunga amahoro mu bindi bihugu, ashima cyane ibyo u Rwanda rwagezeho nyuma ya Jenoside yakorewe Abatutsi, ariko anenga ibijyanye no kurengera uburenganzira n’ubwisanzure muri Politiki.

JPEG - 81.9 kb

Ambasaderi Samantha Power uhagarariye Amerika mu Muryango w’Abibumbye

Yavuze ko Leta Zunze Ubumwe za Amerika zishishikajwe no gukomeza ubufatanye n’u Rwanda, ariko anenga kuba hari ibitagenda neza mu bwisanzure n’urubuga mu bya Politiki, ubwisanzure no kwishyira ukizana kw’abaturage muri rusange n’ukw’itangazamakuru mu kujya impaka ku bijyanye na politiki no gutangaza ibibazo bihari, agaragaza kandi ko ibi byose bifite ingaruka zikomeye kuri ejo hazaza h’u Rwanda. Yanagarutse ku kuba u Rwanda rukwiye gutera imbere rugendeye ku kwimakaza amahame ya Demokarasi aho kugendera ku muntu umwe ari we Perezida Kagame.

Ambasaderi Eugene Richard Gasana wari uhagarariye u Rwanda mu Muryango w’Abibumbye, yanze kuripfana yamagana yivuye inyuma ibyatangajwe na mugenzi we Samantha Power, aho yavuze ko ibihugu bikomeye na Loni, ntacyo byakoze mu 1994 ubwo Jenoside yabaga mu Rwanda, bityo u Rwanda rukaba rutazemera umuntu wese washaka kwivanga no gutambamira amahitamo y’u Rwanda, by’umwihariko uwahangara Perezida Kagame ari intwari y’u Rwanda yahagaritse Jenoside ikanateza imbere abanyarwanda.

JPEG - 142.4 kb

Ambasaderi Gasana Richard Eugene

Yakomeje agira ati: “Tuzi ibifitiye akamaro u Rwanda n’Abanyarwanda, ntabwo ari ngombwa ko tubyemeranyaho , mukwiye kwemera amahitamo yacu. Hari byinshi dushobora kutavugaho rumwe n’igihugu cyanyu ariko nta kindi twabikoraho, ni ukubibarekera... mushaka kwivanga mu rubuga rwacu rwa politiki ariko nta muntu uzigera arwivangamo; ni iby’Abanyarwanda kandi bo bonyine. Ko abayobozi banyu babivuze neza ko demokarasi ari ubutegetsi bw’abaturage kandi bushyirwaho n’abaturage, mwaretse Abanyarwanda bakagira amahitamo yabo.”

Uku kutavuga rumwe kwa Ambasaderi Gasana Richard Eugene na Ambasaderi Samantha Power, byakomeje kuvugwa cyane mu bitangazamakuru mpuzamahanga, bamwe banabihinduramo ko Gasana yubahutse Samantha Power na Leta Zunze Ubumwe za Amerika ahagarariye.

Ambasaderi Gasana Richard Eugene w’imyaka 54 y’amavuko yahagaritswe ku kazi ke nyuma y’imyaka myinshi ahagararira u Rwanda n’inyungu zarwo mu bihugu bitandukanye birimo u Budage, Autriche, Bulgaria, u Burusiya, Hongiria, Pologne, Czech Republic na Romania. Kugeza kuri uyu wa Gatatu, yari ahagarariye u Rwanda mu Muryango w’Abibumbye.


INKURU ZA :
Tanga Igitekerezo
Ibitekerezo 6
betty Kuya 6-10-2016

Hhhhhhhhhhhh
hhhh.abanyamakuru ndabemera. Rata mujye.mwandika ibtuma mukomeza akazi. Ubwose wikozeho?

Mucyo Kuya 5-10-2016

Mwumve nkome !!!!

Turabizi erega , aliko muge muvugisha ukuli aho kwirengagiza ibyo muzi

JOAN Kuya 5-10-2016

Ibyo muvuze mubisobanuye neza nkabanyamakuru bu mwuga. Muzagende mwigishe bariya ngo ni RUSHYASHYA ya Burasa isebya abantu ikanabateranya.mwebwe muvuga ibiri byo muzi kandi mwasobanura bibaye ngombwa.

bwuzu Gyslaine Kuya 5-10-2016

hhhhh Politik ihora ari politik koko! icyo azize murakibindikiranyije kandi abenshi bakizi none ngo yaravuze? icyo yavuze kitari kiza kuri leta y’ uRwanda c nikihe? ahaaaaa! Cyakora nanjye ndi President namukura mu buyobozi ariko sinabeshya impamvu!!!!!!!!

ruberanziza Kuya 5-10-2016

imbwa yiganye inka kunnya mu rugo irabizira.Niba aribyo yazize ninde mutegetsi wacu utabivuga cg hari ubyemerewe kubivuga nutabyemerewe!

simple Kuya 5-10-2016

Hahahah hari izindi mpamvu utavuze nanjye ntazo mvuze_!!!!lol

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...