konka coffee
KONKA

AMAKURU

UKWEZI

Perezida Kagame yahawe igihembo akesha kugirana umubano mwiza n’Abayahudi

Perezida Kagame yahawe igihembo akesha kugirana umubano mwiza n’Abayahudi
22-05-2017 saa 12:01' | By Vincent Nsengiyumva | Yasomwe n'abantu 1207 | Ibitekerezo

Perezida wa Repubulika y’u Rwanda, Paul Kagame, yahawe igihembo gikomeye kitwa “Dr.Miriam&Sheldon Adelson Award”, akesha kuba yaragize uruhare rukomeye mu mibanire myiza y’u Rwanda n’Abayahudi, akaba yagishyikirijwe ubwo yari yitabiriye ibirori byitwa “Annual Champions of Jewish Values Award Gala” byabereye mu mujyi wa New York muri Leta Zunze Ubumwe za Amerika.

Mu ijambo yahise ageza ku bitabiriye ibyo birori, Perezida Kagame yavuze ko Abanyarwanda n’Abayahudi bafitanye umubano wihariye cyane ko hari byinshi bahuriyeho bibatera imbaraga ndetse no kunoza ubutabera.

Yagize ati “Duhuje amateka twembi adufasha kumva neza ubutabera nyabwo ndetse no kutavangura.”

Perezeda Kagame yanavuze ko nk’ibihugu bisangiye amateka akomeye bagomba gukomeza gushyira imbaraga mu kurwanya abahakana n’abapfobya Jenoside mu rwego rwo kugirango hatazagira n’ahandi byongera kuba. Yanavuze ko buri wese akwiye guhagurukira abagifite kamere yuzuye urwango maze bakarwanywa.

Perezida Kagame kandi yagaragaje ko kwemera icyaha ukicuza ari intambwe ikomeye iganisha ku mahoro ndetse anashimangira ko ariyo nzira yafashije Abanyarwanda kongera kwiyubakira ubumwe n’ubwiyunge.

Umukuru w’Igihugu yagarutse ku muyahudi Elie Wiesel warokotse Jenoside yakorewe Abayahudi, avuga ko yatanze ubutumwa bukomeye ku Isi yose abunyujije mu bitabo bitandukanye yanditse bivuga kuri Jenoside.

Yagize ati “Yagaragaje agaciro ka muntu mbere y’ibindi byose. Urwango ntirushobora kuzigera ruhabwa intebe kabone n’iyo uwaba abikora yaba yitwaje amayeri akomeye.”

Perezida Kagame yakomeje avuga ko amahoro yubakira ku bwubahane ndetse no kwita kuri mugenzi wawe

Yagize ati “Buri munsi Abanyarwanda baba bashishikajwe na gahunda zishobora guteza imbere ubumwe bw’igihugu.”

JPEG - 92.6 kb

Perezida Kagame ashyikirizwa igihembo

JPEG - 64.9 kb

Nyuma yo gushyikirizwa igihembo Perezida Kagame yagejeje ijambo ku bari bitabiriye uyu muhango

JPEG - 160 kb

Ibi birori byari byitabriwe n’abantu benshi cyane


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...