konka coffee
KONKA

AMAKURU

UKWEZI

Perezida Kagame yasabye Abanyarwanda kureka umuco wo guhora bateze amaboko

Perezida Kagame yasabye Abanyarwanda kureka umuco wo guhora bateze amaboko
4-07-2017 saa 15:15' | By Vincent Nsengiyumva | Yasomwe n'abantu 2390 | Ibitekerezo

Perezida kagame yasabye Abanyarwanda kureka umuco mubi wo guhora bateze amaboko ngo kuko iyo hahandi uhora utezeho amaramuko habuze igikurikiraho ni ugupfa. Aha yanashimangiraga ko kwigira no kwishakira ibisubizo ari imwe mu nzira yo kwibohora.

Ibi Perezida Paul Kagame yabigarutseho ku gicamunsi cyo kuri uyu wa Kabiri tariki ya 4 Nyakanga 2017, ubwo yari yitabiriye umuhango wo kwizihiza umunsi mukuru wo kwibohora ku nshuro ya 23 wabereye mu Karere ka Nyabihu mu Murenge wa Syhira aho abaturage baturutse mu ntara z’Uburengerazuba n’Amajyaruguru baje kuhizihiriza uyu munsi.

Perezida Kagame yabwiye abaturage bari bitabiriye uyu munsi ko urugamba rwo kwibohora hakubiyemo byinshi birimo kurwanya ubuyobozi bubi akaba yabashimiye ko babigezeho.

Perezida kandi yakomeje abibutsa ko hakiri urundi rugamba rwo kurwanya byinshi bibi basigiwe na bwa buyobozi bubi birimo ubukene n’inzara n’ibindi byinshi bibazitira mu iterambere ari nabyo bituma bahora bateze amaboko.

Yagize ati “ Ubukene, inzara, uburwayi gusonza ntushobore kwigaburira, n’ugira amikoro agahora ayateze ku bandi , baba batabonetse bigenda gute [abaza abitabiriye iki gikorwa] iyo bitabonetse witaba Imana.”

Umukuru w’igihugu yanavuze ko u Rwanda ubu ruri mu gice cya Kabiri cyo kwibohora aho Abanyarwanda bose bari mu rugamba rwo kwivanaho ibibi byose u Rwanda rwasigiwe n’ubuyobozi bubi baruyoboye mu myaka yashize.

Avuga ko urugamba rwo gukuraho ubutegetsi bubi n’ibyaburanze rwarangiye. Ati “Ibyo kwikiza ubuyobozi bubi n’abayobozi babi byarabaye.”

Perezida Kagame uvuga ko iyo urugamba rw’amasasu rurangiye hakurikiraho urwo kubaka ibyasenywe n’imiyoborere mibi no kuziba icyuho basize, avuga ko mu myaka 23 ishize hari byinshi byakozwe muri uru rugamba.

JPEG - 472.5 kb

Abaturage ibihumbi n’ibihumbi bari bategereje kumva ijambo ry’umukuru w’igihugu

JPEG - 503.4 kb

Ibyisimo byari byose mu murenge wa Shyira


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA