konka coffee
KONKA

AMAKURU

UKWEZI

Perezida Kagame yavuze iby’impano yahawe na Papa Francis n’iby’uko Imana itaha i Rwanda

Perezida Kagame yavuze iby’impano yahawe na Papa Francis n’iby’uko Imana itaha i Rwanda
10-09-2017 saa 16:51' | By Akayezu Jean de Dieu | Yasomwe n'abantu 3973 | Ibitekerezo 3

Perezida Kagame yongeye kwibutsa Abanyarwanda ko icyo basabwa ari ukurinda urugendo rukomeye igihugu kirimo baba abato n’abakuru, avuga ko ibihe bikomeye igihugu cyanyuzemo bafite inshingano y’uko bitazasubira, ku buryo “Imana izakomeza kwirirwa ahandi igataha i Rwanda nk’uko yari isanzwe ibikora.”

Ubwo yagezaga ijambo ku bitabiriye amasengesho yo gusengera igihugu, Perezida Kagame yagarutse ku buhamya bwigeze gutangwa n’umwe mu barokotse Jenoside yakorewe Abatutsi muri Mata 1994, aho muri ubu buhamya yagarutse ku buryo muri biriya bihe yibazaga niba koko Imana yari ikirirwa ahandi igataha i Rwanda nk’uko bisanzwe. Icyo gihe Perezida Kagame avuga ko nawe yongeye kwibaza kuri ubu buhamya bwatanze n’uyu munyarwanda.

Aha ni naho yahereye avuga ku mpano yahawe na Papa Francis ubwo aheruka i Vatican mu ruzinduko yagiriyeyo mu kwezi kwa Werurwe uyu mwaka i Roma mu Butaliyani.

Perezida Kagame yagize ati “Mu kwezi kwa gatatu, nagiye gusura Papa, ngeze i Vatican, turakirwa neza tugira n’ibiganiro byiza. Nyuma yaho duhana impano. Ibyo nari narateguriye Papa ndabimuha mubwira n’icyo bivuze, arangije na we ampa impano ambwira n’icyo ivuze, yari impano nziza, ni nk’ifoto ariko yashushanyijwe n’umuntu, ansobanurira ko ari inzira iva mu icuraburindi, mu butayu, ijya ahera imyaka, aharumbutse, ahari ibyiza gusa. Arangije arambwira ngo icyo abimpereye ni uko azi ko ari rwo rugendo igihugu cyacu kirimo.”

Muri aya masengesho yabaye mu gitondo cyo kuri iki Cyumweru Tariki 10 Nzeri 2017, Abanyarwanda barimo abanyamadini banyuranye ndetse n’abayobozi bakuru b’igihugu hashimwe ibyagenze neza mu matora ya Perezida wa Repubulika yabaye muri Kanama, Perezida Kagame yavuze ko hari amateka u Rwanda rwagize rukaba urutararwa n’Imana, ku buryo n’Imana yageze aho ikaruhunga, ariko ubu ibintu bimaze guhinduka.


INKURU ZA :
Tanga Igitekerezo
Ibitekerezo 3
Nd.j. Felix Kuya 12-09-2017

Nibyo koko ubuyobozi ni ugukora, Pereda ibyadukangurira nukuri.

Nd.j. Felix Kuya 12-09-2017

Nibyo koko ubuyobozi ni ugukora, Pereda ibyadukangurira nukuri.

brnjamin Kuya 12-09-2017

manayanjye mubyukuri ruswa iri munzego zibanze uziko udashobora kubaka inzu NGO irinde yuzura udatanze nibura 500000

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...