konka coffee
KONKA

AMAKURU

UKWEZI

Perezida Kagame yavuze ko Abaminisitiri bazitwara nabi bazashyirwa ku ka rubanda

Perezida Kagame yavuze  ko Abaminisitiri bazitwara nabi bazashyirwa ku ka rubanda
31-08-2017 saa 14:46' | By Vincent Nsengiyumva | Yasomwe n'abantu 2703 | Ibitekerezo 1

Perezida Paul Kagame yavuze ko hari Minisiteri zikigaragaramo imikorere idahwitse aho abaziyobora badakorana hagati yabo bikabaintandaro y’ibihombo bya hato na hato ku gihugu kuko uko ibintu bitinda gukorwa ariko birushaho guhenda.Yanashimangiye ko abazajya bagaragaraho amakosa bazajya bashyirwa ku karubanda.

Perezida Kagame yabigarutseho kuri uyu wa Kane, tariki ya 31 Kanama 2017, ubwo yakiraga indahiro z’abaminisitiri bashya n’abanyamabanga ba leta, muri guverinoma yshyizweho mu ijoro ryo kuri uyu wa Gatatu tariki ya 30 Kanama.

Ubwo yamaraga kwakira indahiro, Perezida Kagame yabibukije ko akazi bagiye gukora katoroshye ariko ko ubundi ari ibintu bisanzwe bikorwa n’abantu yongeraho ko mu gihe habayeho imikoranire myiza hagati y’abo n’abo bakorana bigomba gutanga umusaruro bitezweho.

Perezida Kagame yanenze Abayobozi ba za Minisiteri bakigaragaraho imikorere idahwitse kandi haba hakozwe ibishoboka byose kugira ngo babe bakikosora ariko bikanga bigakomeza kubagaragaraho.

Yagize ati "[....] Nabonye hano hari za Minisiteri zirimo aba Minisitiri batatu (umwe, n’abanyamabanga ba Leta) mukaba muri aho tuganira ugasanga ukwezi, amezi atandatu, umwaka, basa nk’aho badakorana. No kuvugana bikaba ari ikibazo.Bari mu nzu imwe bayobora Minisiteri imwe ariko ubwo rero birumvikana, niba ba Minisitiri batatu batavugana ubwo bavugana n’abakozi babo?"

Yunzemo ati "Mbivugiye aha mu ruhame kuko ntabwo tutabivuga. Twabivugiye mu mwiherero, imyiherero muzi ibaye uko ingana. Nta nama ya leta turangiza ibyo tutabivuze. Nta ruhame nk’uru bitavugwamo, nagira ngo mbisubiremo n’uyu munsi ubutaha ubwo ni ukuzavuga amazina dufata n’ibyemezo.”

Perezida Kagame yakomeje avuga ko kuvugana n’abo bakorana nta kiguzi bibasaba ku buryo nabyo byababera umutwaro bikabananira kubishyira mu bikorwa.

Yanaboneyeho gusaba abayobozi ba za Minisiteri y’Uburezi,iy’Ubuzima n’iy’Ibikorwaremezo guhindura imikorere maze bakagira umuco wo kuganira no gukorera hamwe kugira ngo bagere kubyo bitezweho.


INKURU ZA :
Tanga Igitekerezo
Ibitekerezo 1
Mbazumutima Kuya 31-08-2017

Nikoko Ministri w’uburezi akemure ikibazo cy’abana baheze mu gihirahiro bakavutswa uburenganzira bwo kwiga. Abigaga i gitwe (labo) banze kuhafungura, leta ibarangira muri KHI, bariyandikisha, ariko amaso yaheze mu kirere. Bagiye no muri INES, barabakira ariko HEC yaritambitse ngo bategereze Gitwe babanze babemerere cyangwa babahakanire. Nonese uburenganzira bw’umwana burihe? Murakoze.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...