konka coffee
KONKA

AMAKURU

UKWEZI

Perezida Kagame yavuze ku byo kuzakorana na Dr Frank Habineza na Mpayimana Philippe

Perezida Kagame yavuze ku byo kuzakorana na Dr Frank Habineza na Mpayimana Philippe
9-08-2017 saa 06:17' | By Akayezu Jean de Dieu | Yasomwe n'abantu 22838 | Ibitekerezo 7

Perezida Paul Kagame uherutse gutsinda amatora yavuze ko n’ubwo yashyigikiwe n’amashyaka 8 yose ariko n’abo bari bahanganye hari icyizere cyo kuba bazakorana kuko mu Rwanda hari umwanya wo gukorana na buri wese mu rugamba rwo guteza imbere igihugu.

Ibi Perezida Kagame yabigarutseho mu kiganiro cyihariye yagiranye n’umunyamakuru Samson Kasumba wa NBS TV, Televiziyo imwe mu zikomeye mu gihugu cya Uganda. Muri iki kiganiro Perezida Kagame yagarutse ku isomo ashobora kuba akuye mu matora ndetse anavuga ku cyo yumva Afurika cyangwa Isi yose ikwiye kwigira ku matora yo mu Rwanda, aho yavuze ko Abanyarwanda bafite ubudasa n’umwihariko mu guhitamo uko babaho n’uko bayoborwa ari naryo somo yifuza ko n’amahanga yakuramo.

Nk’uko yakomeje kugenda abivugira hirya no hino ubwo yari mu bikorwa byo kwiyamamaza, n’ubundi Perezida Kagame yavuze ko agiye gukoresha imbaraga zikubye kabiri izo yari asanzwe akoresha mu guteza imbere u Rwanda n’Abanyarwanda. Perezida Kagame yabwiye uyu munyamakuru ko ibintu bitatu mu byo yasezeranyije abanyarwanda yiteguye gushyira mu bikorwa harimo guhanga uburyo bwinshi bw’akazi kuburyo nta munyarwanda n’umwe uzasigara mu nzira y’iterambere, gushyira imbaraga mu buhinzi n’ubworozi ndetse no gushora imari mu baturage bahabwa ubumenyi bujyanye n’ubukenewe ku isoko ry’umurimo ndetse no gukomeza gushyira imbaraga mu miyoborere myiza.

Abajijwe ko kuba yarashyigikiwe n’amashyaka 8 mu bikorwa byo kwiyamamaza biha amahirwe abakandida bari bahanganye nawe ari bo Dr Frank Habineza na Mpayimana Philippe yo kuba bazakorana, Perezida Kagame yagize ati “Nibyo rwose ndatekereza ko hariho uburyo bwo gukorana n’umuntu wese kandi niko bisanzwe hano mu Rwanda ushatse gutanga umusanzu wese tumuha umwanya nta kibazo rwose”

Perezida Kagame kandi yabajijwe ku kuba ikigega Agaciro cyashyizweho nawe afatanyije n’abanyarwanda kizagera ku ntego cyashyiriweho cyangwa niba Abanyarwanda biteguye kumufasha mu kugera kuri iyo ntego. Aha mu gusubiza yagize ati “Ndakeka biteguye kandi niba warakurikiranye neza hari indirimbo abanyarwanda bafite ivuga ko nta ntambara yabatera ubwoba, bivuze ko rero biteguye... Rero akazi njyewe mfite kandi nari nsanzwe mfite ni ukububakamo icyizere cy’uko bafite ubushobozi ubwabo kandi n’inzira twanyuzemo inyemerera kwizera ko abanyarwanda bashoboye kwishakamo ibisubizo”

Muri iki kiganiro kandi Perezida Kagame yongeye kugaruka ku kuba iyo adasabwa n’abanyarwanda ngo yongere yiyamamaze yari afite gukomeza gukorera igihugu mu mirimo inyuranye nk’uko na mbere y’uko aba Perezida yari asanzwe atanga umusanzu mu kubaka igihugu. Perezida Kagame aganira na Samson Kasumba, Umunyamakuru wa NBS akaba n’impuguke mu bya Politiki


INKURU ZA :
Tanga Igitekerezo
Ibitekerezo 7
byukusenge bernard Kuya 14-08-2017

umusaza numusaza yatugejejeho byishi kd nibindibacyaza murakoze.

Patrice Kuya 11-08-2017

Barafinda na madamu we.bazahabwe umwanya kuko.numvise bafite ibitekerezo.madamu.we bamugire ministry wumuryango..barafinda ahabwe kuyobora ministeri 2:ushinzwe ubushakashatsi nubuhinzi...hahahhh

JOSIANE Kuya 9-08-2017

who is number first as well as paul kagame?

Issa Butera Kuya 9-08-2017

perezida wacu turakwemera,

nta wagusimbura, nta wagusimbura.

tukuri inyuma mu Rugamba rwo kuzamura igihugu cyacu cy’u Rwanda .

Issa Butera Kuya 9-08-2017

perezida wacu turakwemera,

nta wagusimbura, nta wagusimbura.

tukuri inyuma mu Rugamba rwo kuzamura igihugu cyacu cy’u Rwanda .

Papy Kuya 9-08-2017

Proud of u mr President

Paster Kuya 9-08-2017

Aba bagabo muzabahe akazi ntako batagize

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...