konka coffee
KONKA

AMAKURU

UKWEZI

Perezida Kagame yongeye kugaruka ku by’uko hakwiye gushakwa umusimbura ku butegetsi

Perezida Kagame yongeye kugaruka ku by’uko hakwiye gushakwa umusimbura ku butegetsi
17-06-2017 saa 15:03' | By Chief Editor | Yasomwe n'abantu 8082 | Ibitekerezo 3

Kuri uyu wa Gatandatu tariki 17 Kamena 2017, ubwo Perezida Paul Kagame yari amaze kwemezwa nk’umukandida ugomba guhagararira ishyaka rya FPR Inkotanyi mu matora y’Umukuru w’Igihugu azaba muri Kanama uyu mwaka, yagarutse ku kuba abanyamuryango b’iri shyaka abereye umuyobozi mukuru, bakwiye gutangira gutekereza ibyo kuzashaka undi uzamusimbura ku butegetsi, ndetse agaragaza ko no kuba yemejwe atari ko byari byarateguwe ndetse nta n’uruhare yabigizemo.

Mu ijambo rye, Perezida Kagame yavuze ko yagakwiye kuba ahari kimwe n’abandi bayobozi bakuru b’ishyaka, bashakisha undi mukandida ukwiye kubahagararira aho kuba ari we ukomeza gutangwa nk’umukandida. Yagize ati: "Ubundi twagakwiye kuba aha nk’ubuyobozi bwa RPF dushaka umukandida uzaduhagararira, akazi kanjye kakabaye ari ako gutanga inkoni."

Perezida Kagame yatowe n’imbaga yari mu ngoro ya FPR Inkotanyi, yemezwa nk’umukandida uzarihagararira

Perezida Kagame yavuze ko yagiye abyifuza uko ariko ntibimukundire, anagaruka ku kuba abanyamuryango ba FPR Inkotanyi baramusabye ko yakongera kwiyamamaza, ariko ibyo akaba atarabigizemo urundi ruhare uretse urwo kubyemera kuko yabonaga hafi y’abanyarwanda bose babishaka. Ibi ariko yagaragaje ko bikwiye guhinduka, ndetse ko mu myaka 7 iri mbere bagakwiye kuba batekereza undi uzatangwa nk’umukandida w’ishyaka.

Perezida Paul Kagame ati: "Mu myaka irindwi iri imbere, dukore ibintu mu buryo butandukanye n’ubusanzwe, dukore cyane kurushaho, dushaka uburyo hazabaho guhindura [umuyobozi]... Icyo nshaka ko twumvikana ni uko iyi myaka 7 iri imbere yatubera umwanya mwiza wo gutekereza ku hazaza h’igihugu cyacu...Tugomba gukorana byaba ngombwa tugakuba kabiri umuhate wacu kugira ngo dukemure ibyatumye munsaba gukomeza inshingano zo kuyobora igihugu."

Iyi ni ingoro ya FPR Inkotanyi yanatashwe kuri uyu wa Gatandatu, iri i Rusororo mu karere ka Gasabo

Ibi si ubwa mbere Umukuru w’Igihugu abigarutseho. Mu kiganiro yagiranye n’ikinyamakuru Jeune Afrique tariki 4 Gicurasi 2017, Perezida Paul Kagame yabajijwe niba naramuka atorewe kongera kuyobora u Rwanda muri Kanama uyu mwaka izaba ari ye manda ya nyuma, maze asubiza ko rwose nta kabuza azanabigarukaho yiyamamaza akabisobanura neza.

Perezida Kagame ati: "Ni ko mbitekereza, ndetse bishoboka ko nzanabisobanura neza vuba mu gihe nzaba natangiye kwiyamamaza. Hari isezerano hagati yanjye n’ishyaka rya FPR ndetse no hagati yanjye n’abaturage. Bashatse ko habaho referandumu mu kwezi k’Ukuboza 2015 ngo nkomeze, ndabibemerera. Ariko igihe kirageze ngo mbabwire ko bagomba gutangira gutekereza undi utari njye."

Hari hashize igihe Perezida Kagame avuze ko n’umuryango we wifuza ko yawuba hafi kurushaho kuko akazi ko kuba umukuru w’igihugu, umufasha we n’abana be babona kamwiharira. Ibi Perezida Kagame yabitangaje muri Werurwe 2015 ubwo yabazwaga n’umunyamakuru wa Jeune Afrique niba icyemezo cyo kongera kwiyamamaza kireba abaturage gusa we kitamureba.

Icyo gihe Perezida Kagame yasubije agira ati: "Yego ariko icyo gihe ntikiragera kandi hari ibindi bizashingirwaho. Urugero umugore wanjye n’abana banjye bifuza ko nababa hafi kurushaho. Batekereza ko aka kazi kanyiharira, ko cyari cyo gihe ngo mbe ndi mu rugo. Simbarenganya, kuko iyaba ari njye gusa wihitiramo, ubuzima bwanjye bwashoboraga kuba bwaranjyanye mu nzira itandukanye n’iyangejeje aha. Ariko amateka n’ibyabaye ntibyashatse ko nita ku muryango wanjye gusa. Hari ibyo umuntu agomba gukora kandi adashobora guhunga atanakwiye guhunga."

Perezida Kagame kandi muri Gicurasi yanavuze ko abibwira ko ntawundi waboneka wamusimbura nta gifatika bafite babishingiraho kuko ibyagezweho bishobora kugumaho Kagame ahari cyangwa adahari. Yasobanuye ko impinduka zabayeho mu gihugu mu nzego zitandukanye, zasigiye byinshi abaturage birimo ubunararibonye n’amasomo atandukanye.


INKURU ZA :
Tanga Igitekerezo
Ibitekerezo 3
Abdul Kuya 19-06-2017

Kagame arabishoboye rwose.None se wowe wiyita Mahoro;urashingira ku byavuzwe na Samantha kuko ari umuzungu?urwo rwego twararurenze;iyo ushoboye uba ushoboye.Niba uri uwa kera;ni nde wundi uzi wakoze nk’ibyo Kagame yakoze kdi mu gihugu hose?Ni akahe gace wavuga ko yatonesheje kuruta abandi?Reka ubujiji Kagame ni Rudasumbwa kandi nitugerayo tuzongera tubimusabe;kabone n’ubwo yatuyobora agendera ku kabando twabyemera.

lg Kuya 19-06-2017

uriyita mahoro kandi udateze no kuyagira, imvugo nibitekerezo byawe ahubwo bigaragaza ko ali wowe uziyahura niba utishwe numutima injiji mbi ni wowe u rwanda, mwibwiraga ko aru, rwanyu mwe nyine iyo utaba, impumyi wakabaye waramaze gusobanukirwa, aho agejeje igihugu ntiwibwire ko kugisenya bizaborohera niba akurambiye wowe uzagende,

Mahoro Kuya 17-06-2017

Abaturage b’u Rwanda mwavuze ko nta wundi muntu wabayobora uretse Kagame, ubuse noneho ko abigaritse murakora iki? Murongera mwikorere ibiseke cyangwa muriyahura nkuko bamwe bavugaga ngo batayobowe na Kagame bakwiyahura?Injiji gusa. U Rwanda rwahozeho kandi ruzahoraho. Kandi umuzungu witwa Samantha yaravuze ngo "Nta muntu kamara ubaho ".

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...