konka coffee
KONKA

AMAKURU

UKWEZI

Perezida Nkurunziza wavuze ko asengera Perezida Kagame, ajya anasengera igihugu cye?

Perezida Nkurunziza wavuze ko asengera Perezida Kagame, ajya anasengera igihugu cye?
23-09-2016 saa 12:05' | By Chief Editor | Yasomwe n'abantu 10762 | Ibitekerezo 6

Igihugu cy’u Burundi, gikomeje kurangwamo ubwicanyi bwa hato na hato, kunyereza no kunyonga abatavuga rumwe n’ubutegetsi bwa Perezida Pierre Nkurunziza ndetse no guhonyora uburenganzira bwa muntu. Nyamara Perezida w’iki gihugu uzwiho kuba umunyamasengesho cyane, ntacyo akora ngo ibibazo byugarije abarundi birimo n’umubare munini w’impunzi ziri mu bihugu by’abaturanyi, bibe byashakirwa umuti. Nyuma yo kuvuga ko asengera Perezida Paul Kagame w’u Rwanda, ntawabura kwibaza niba ajya afata umwanya akanasengera igihugu cye.

Ubusanzwe mu myizerere ye, Perezida Pierre Nkurunziza ni umurokore, cyangwa abo bakunze kwita abakirisitu bavutse ubwa kabiri. Tariki 30 Ukuboza 2015, nibwo yabajijwe n’abanyamakuru iby’umubano w’u Rwanda n’u Burundi ndetse n’uwe na Perezida Paul Kagame w’u Rwanda, maze mu gusubiza avuga ko we ari umuyobozi washyizweho n’Imana, kandi akaba asengera cyane Perezida Paul Kagame.

Icyo gihe Perezida Nkurunziza yavugaga ko u Burundi bwifuza umubano mwiza n’u Rwanda, ndetse ko nta kibi na kimwe kizava mu Burundi kijya kubangamira u Rwanda. Ibi ariko byagaragaye nk’ibinyoma, kuko hashize igihe u Burundi bwibasira mu buryo bweruye u Rwanda ndetse na Perezida Paul Kagame, ibi na Perezida Kagame akaba aherutse kubigarukaho akavuga ko kumutuka nta kintu na gito bishobora kumutwara.

Ubutegetsi bw’u Burundi, bwagiye bushinja u Rwanda guhungabanya umutekano w’iki gihugu ndetse bugaragaza mu buryo bweruye ko budashaka umubano n’u Rwanda, kuko bwanahagaritse ubuhahirane ubu bikaba bitagishoboka ko abanyarwanda batega imodoka zijya mu Burundi mu buryo bworoshye, ndetse n’ibicuruzwa bishobora kuva mu Rwanda bijya mu Burundi ariko ntabiva i Burundi biza mu Rwanda.

Kuva imvururu ziri mu Burundi zatangira, iby’amasengesho ya Pierre Nkurunziza byatangiye kujya bikomozwaho n’abantu batandukanye barimo n’abayobozi bakomeye, hibazwa impamvu ataba intangarugero nk’umuntu usenga, ngo atekereze akarengane n’akababaro abaturage be bahura nako bitewe n’ubutegetsi bwe. Niba koko asengera Perezida Kagame nk’uko yabyivugiye, byaba byiza kurushaho anasengeye igihugu cye n’abaturage bacyo barimo impunzi zirenga 250.000 zibangamiwe n’ubuzima bw’ubuhunzi.

Gusa abemera Imana batandukanye, bajya bavuga ko amasengesho asubizwa igihe cyageze, bityo niba anasengera igihugu cye byaba ari amahire kandi abantu bategereza ko Imana izumva gusenga kwe ibibazo by’u Burundi bikabonerwa ibisubizo bihamye.


INKURU ZA :
Tanga Igitekerezo
Ibitekerezo 6
Iranzi Didison Kuya 25-01-2017

Imana irakunda uburundi nabakirongoye vyaribonekeje. nicogituma nubu ukuri kuriko kuratsinda ikinyoma.

NIYOKWIZERA Kuya 23-01-2017

UBURUNDI NTIBUZIGERA BURONKA AMAHORO!

nana Kuya 2-11-2016

twe natureke yirwaneho ibyacu Imana ibihoramo kdi dufite umubyeyi utwitayeho aramusengera atisengeye? yewe nkurunziza we byarakuyobeye pe senga usaba Imana imbabazi zibyo wakoze kdi ugikora kugeza nubu

gogo Kuya 29-09-2016

nagirango usenga yihutira ibihangayikishije cyane naho twebwe nabe aturetse na muzehe wacu dukunda watuzuye twarapfuye

habimana Kuya 27-09-2016

Na M7 yabwiye Habyarimana ko nta kibi cyaturuka iwe mu gihe akiri ku butegetsi.Politike ni ukwemera biratandukanye,niba amusengera ni byiza gusa icyifuzo ashyira imbere y’Imana niwe ukizi.Ushobora gusengera kubaka cg gusenya,noneho Imana igatanga igisubizo gikwiriye.

habimana Kuya 27-09-2016

Na M7 yabwiye Habyarimana ko nta kibi cyaturuka iwe mu gihe akiri ku butegetsi.Politike ni ukwemera biratandukanye,niba amusengera ni byiza gusa icyifuzo ashyira imbere y’Imana niwe ukizi.Ushobora gusengera kubaka cg gusenya,noneho Imana igatanga igisubizo gikwiriye.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...