konka coffee
KONKA

AMAKURU

UKWEZI

Prof. Romain Murenzi wari Minisitiri mu Rwanda, yagizwe umuyobozi ukomeye muri UNESCO

Prof. Romain Murenzi wari Minisitiri mu Rwanda, yagizwe umuyobozi ukomeye muri UNESCO
2-06-2016 saa 19:01' | By Chief Editor | Yasomwe n'abantu 4664 | Ibitekerezo 4

Prof. Romain Murenzi wigeze kuba Minisitiri w’uburezi, ubumenyi, ikoranabuhanga n’ubushakashatsi mu Rwanda, yagizwe umuyobozi ukomeye mu ishami ry’umuryango w’Abibumbye ryita ku burezi n’umuco rizwi nka UNESCO.

Kuri uyu wa Gatatu tariki 1 Kamena 2016, nibwo Prof. Romain Murenzi yatangiye akazi ke nk’umuyobozi w’ishami rya UNESCO rishinzwe kubaka ubushobozi no kugena ibijyanye n’ubumenyi, uyu mwanya akaba aherutse kuwuhabwa n’umuyobozi mukuru wa UNESCO, Irina Bokova.

Prof. Romain Murenzi, ni umwe mu banyarwanda bize amashuri menshi ajyanye n’ubumenyi n’ikoranabuhanga kandi abifitemo uburambe bw’imyaka irenga 30, muri iyo myaka hakaba harimo n’iyo yakoreye Leta y’u Rwanda.

Romain Murenzi wavukiye mu Rwanda muri Gashyantare 1959, yabonye impamyabumenyi y’icyiciro cya kabiri cya Kaminuza mu 1982 ayikuye muri Kaminuza nkuru y’u Burundi, mu 1986 aza kubona impamyabumenyi y’icyiciro cya gatatu cya kaminuza mu bijyanye n’ubugenge (Phyisics) yakuye muri Kaminuza Gaturika ya Louvain mu Bubiligi, maze mu 1990 aza no kuhakura impamyabumenyi y’ikirenga (PhD).

JPEG - 187.9 kb

Murenzi yabaye umwarimu w’ubugenge muri Kaminuza ya Clark Atlanta muri Leta Zunze Ubumwe za Amerika, guhera mu 1993 kugeza muri 2001. Muri icyo gihe yigishaga muri iyo Kaminuza, imyaka ibiri ya nyuma, kuva mu 1999 kugeza muri 2001, yafatanyaga kwigisha no kuyobora agashami (Department) k’ubugenge.

Muri 2001, nibwo Perezida Paul Kagame yamugiriye icyizere amwinjiza muri Guverinoma, aba Minisitiri w’Uburezi, Ubumenyi, Ikoranabuhanga n’Ubushakashatsi. Guhera muri Werurwe 2006 kugeza muri Nyakanga 2009, Prof. Romain Murenzi yari Minisitiri mu biro bya Perezida ushinzwe Ubumenyi, Ikoranabuhanga n’Ubushakashatsi, akaba yari anafite inshingano zo guteza imbere ikoranabuhanga n’itumanaho. Muri icyo gihe, Romain Murenzi yagize uruhare rugaragara mu guteza imbere ubumenyi n’ikoranabuhanga.

JPEG - 671 kb

Muri 2009, Murenzi yavuye mu Rwanda agiye gukora mu kigo cy’Abanyamerika gishinzwe guteza imbere ubumenyi n’ikoranabuhanga. Muri 2013, ku mpamyabumenyi yari asanganywe yongeyeho iy’icyiciro cya gatatu cya Kaminuza mu by’amategeko, bikomatanye n’ikoranabuhanga n’itumanaho. Iyi yayikuye muri Kaminuza ya Strathclyde mu Bwongereza.

Prof. Romain Murenzi kandi azwiho kuba yaranditse ibitabo byinshi birimo amasomo ajyanye n’ubumenyi n’ikoranabuhanga, akaba yarananditse kenshi ibijyanye n’ikoranabuhanga mu binyamakuru bitandukanye byo hirya no hino ku isi.


INKURU ZA :
Tanga Igitekerezo
Ibitekerezo 4
celestin Kuya 3-06-2016

Nishimiye kuba niga kuri Kaminuza SE Murenzi yizeho

Developin Kuya 3-06-2016

Felicitation kuri Prof.MURENZI

uweragerace Kuya 3-06-2016

Felecitation Prof. Murenzi

uweragerace Kuya 3-06-2016

Felecitation Prof. Murenzi

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...