konka coffee
KONKA

AMAKURU

UKWEZI

RGB yateye utwatsi iby’indorerezi zakumiriwe mu matora, inahakana iby’abana bitambitse Dr Frank mu kwiyamamaza

RGB yateye utwatsi iby’indorerezi zakumiriwe mu matora, inahakana iby’abana bitambitse Dr Frank mu kwiyamamaza
7-08-2017 saa 19:02' | By Akayezu Jean de Dieu | Yasomwe n'abantu 3823 | Ibitekerezo 5

Nyuma y’amatora y’umukuru w’igihugu bamwe mu bahatanaga bakunze kugaragaza imbogamizi bagiye bahura nazo haba mu bikorwa byo kwiyamamaza ndetse no mu bihe by’amatora, aho Dr Frank Habineza yagaragaje ko yahuye n’imbogamizi zinyuranye zirimo kuba yaroherejwe kwiyamamariza mu irimbi, kuba abana b’abanyeshuli baramwitambitse ndetse ngo n’ indorerezi zari zimuhagarariye hirya no hino mu gihugu zabanje kwangirwa kwinjira mu byumba by’itora ngo zikore akazi. Ubuyobozi bw’ikigo cy’Igihugu cy’Imiyoborere bwahakanye iby’iri kumirwa ndetse bunavuga ko aho byabaye ari amakosa y’indorerezi cyangwa uwazohereje.

Nyuma y’uko Dr Frank Habineza atsinzwe amatora y’umukuru w’igihugu yakunze kumvikana agaragaza ko mu rugendo yakoze rwo kwiyamamaza ndetse no mu bihe by’amatora yagiye abangamirwa aho yavuze ko atigeze yiyamamariza mu karere ka Nyagatare abitewe no kuba ubuyobozi bw’akarere bwaramwohereje kwiyamamariza mu irimbi nyuma y’uko aho yari yasabye kwiyamamariza bahamwimye.

Mu kiganiro yahaye itangazamakuru kuri uyu wa mbere tariki 07 Kanama 2017, Dr Usta Kayitesi Umuyobozi wungirije mu kigo cy’igihugu cy’imiyoborere (RGB) yavuze ko muri rusange amakuru yose bamaze gukusanya kugeza ubu agaragaza ko amatora yagenze neza.Dr Usta yanashimangiye ko n’ibibazo byagiye bigaragara mu bikorwa byabanjirije amatora birimo kwiyamamaza ko byahitaga bikemurwa mu maguru mashya.

Mu gusobanura imbogamizi zagaragajwe n’abakandida,Dr Kayitesi, yagize ati “Ikijyanye no kuba abakandida barabangamiwe nk’urugero rw’uwahawe kwiyamamariza mu irimbi bigatuma asubika ibikorwa bye, aho rwose twebwe twasanze ahantu bari bamuhaye n’ubwo hari bugufi y’irimbi ariko ntabwo hari mu irimbi nk’uko yabigaragaje.Bigendere hamwe ahandi byabaye ni mu karere ka Rubavu nabwo umukandida umwe yarabangamiwe ariko ibyo Leta yahise ibikurikirana kandi hari n’abandi bakurikiranwe n’ubutabera kugeza n’ubu.”

Agaruka ku kuba muri Kirehe Umukandida yitambitswe n’abana yagize ati “Icy’abana gushungera cyo namwe murabizi abana ni ibitangaza kuko uretse ko nta n’amakuru ahagije dufite ariko wenda umuntu yakwibaza ati kwiyamamaza byari byabereye mu ntera ingana gute ugereranije n’aho ishuli ryari riri cyangwa amasaha nabwo wasanga atari ahuye n’igihe bakwiye kuba bari mu ishuli, ibyo rero twe ntabwo twakwemeza ko abo bana babwiwe kuvuga gutyo si ibintu twabashije guhita dufata muri icyo gihe ngo tugireho amakuru ahagije”

Yakomeje agira ati “Ikijyanye n’indorerezi zakumiriwe kwinjira mu byumba by’itora aho ho natwe twari dufite indorerezi zacu hirya no hino mu gihugu ariko ikibazo cyabagaho hari zimwe mu ndorerezi zagiye zikora ibihabanye n’amategeko kuko nk’urugero hari abazaga badafite ibibaranga ko ari indorerezi ariko byageze nyuma bakabasha kwerekana ibyangombwa baza kwemererwa gukora akazi kabo mu ituze.”

Uyu muyobozi kandi yanavuze ko kuba uyu mukandida mu itangazo yasohoye ryaravugaga ko ibibazo byose yagiye ahura nabyo byagiye bihita bikemurwa na Komisiyo y’igihugu y’amatora anahamya ko ari ibintu na Afurika yose muri rusange n’andi mahanga bagakwiye kwigiraho uburyo amatora yo mu Rwanda yabaye mu mutuzo.


INKURU ZA :
Tanga Igitekerezo
Ibitekerezo 5
Mahoro Kuya 11-08-2017

Birababaje kbsa, urambwira ngo impinja zabana zihimbiye kuza kubwira umukandida ngo ntizimushaka ? Abayobozi bamwe murasetsa ibintu biri kuri YouTube nawe ukabihakana ? Aahhhh ubwo se ninde muntu waza mu irimbi ngo aje gushyigikira umukandida?hhhh

Mahame Kuya 11-08-2017

Ese uyu muyobozi ko ashinzwe imiyoborere myiza akaba ataravuze ko igihe cyo kwiyamamaza nta service zatangwaga mu nzego zibanze, ibiro by’utugari byabaga bikinze nk’iminsi 2 cg 3 ndetse no ku murenge ugasanga hari nka etat civil gusa ngo abandi bagiye kwiyamamaza, ese kwiyamamaza mu karere byahagarikaga akazi kose uhereye ku mashuri ndetse n’amasoko (Rulindo) ku mukandida umwe ukibaza niba kwiyamamaza bigomba guhagarika service zose.

Mugisha Kuya 9-08-2017

Inzego z ubuyobozi bw igihugu bikwiye gutandukana n’ubw’ishyaka.
Nawe se ba mudugudu, ba ex mutugali no mu mirenge nin’ abayobozi bishyaka meya nawe ni uko, ubwo se umuturage yajya mulindi shyaka rinyuranye n’iryumuyobozi wawe ukazabaliza he imibereho??
Niba uyoboye tandukanya kuba partisan no guha service official.

Rudomoro Kuya 8-08-2017

Ntawe utatsindwa ariko kubyakira byo ni insobe uzi inote zahahiriye ariko yegereye kagame ntiyabura Aho amuhengeka

mbarimombazi Kuya 8-08-2017

ahubwo uyu muyobozi wagirango ntamaso agira cyangwa se ntabona niba atizera television zo mu rwanda ajye kuri youtube arebe ibyo abo bana bakoraga bigaragara ko batumwe batojwe bari banafite amabendera ya FPR so aho gutumiza abanyamakuru bangana gutyo ubabeshya jya uceceka

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...