konka coffee
KONKA

AMAKURU

UKWEZI

Rubavu: Abanyamuryango ba FPR barahiye gushyigikira Perezida wahinduye ubuzima bwabo

Rubavu: Abanyamuryango ba FPR barahiye gushyigikira Perezida wahinduye ubuzima bwabo
12-09-2017 saa 07:35' | By Mukwaya Olivier | Yasomwe n'abantu 1381 | Ibitekerezo

Abanyamuryango ba RPF INKOTANYI bo mu mujyi wa Gisenyi mu karere ka Rubavu, baravuga ko bazakomeza gusigasira umutekano wo musingi w’iterambere bagejejweho na Nyakubahwa Kagame Paul, Perezida wa Repubulika y’u Rwanda uherutse gutorerwa kuyobora indi manda.

Aba banyamuryango ba FPR INKOTANYI bo mu murenge wa Gisenyi mu Karere ka Rubavu, bavuga ko kuba Nyakubahwa Kagame Paul yaregukanye intsinzi ku mwanya wa Perezida wa Repubulika y’u Rwanda byabakomereje icyizere cyo gukomeza kuba mu Rwanda rufite umutekano usesuye, rutuwe n’abantu bunze ubumwe kandi bahuriza hamwe mu gukora ibikorwa bibateza imbere. Aba banyamuryango bavuga ko biteguye gukomeza kumushyigikira muri gahunda y’ibikorwa biteganyijwe muri iyi manda y’imyaka irindwi.

Uwitwa Makuza Jean Claude aragira ati: "Yatugejeje kuri byinshi birimo girink, VUP, imihanda myiza, aduha umutekano,... nta kuntu tutakwishima kuko yatwijeje ko azatwongera ibindi"

Uwambajimana Charles we aragira ati: "Twese turabyishimiye cyane kuko yatugejeje kuri byinshi ubu aho tugiye gushyira imbaraga ni mu gutanga serivisi nziza ku nzego zose uhereye mu mudugudu, akagari, umurenge kugeza mu karere tugafatanya tugatanga serivisi nziza haba mu buvuzi, ubucuruzi n’ibindi, nitubigeraho tuzaba twituye nyakubahwa Perezida wa Repubulika".

Rucakabungo Pascal, Chairman w’umuryango wa FPR mu karere ka Rubavu, avuga ko n’ubwo ibikenewe gukorwa ari byinshi ngo icy’ingenzi bazakora bashyigikira Perezida bitoreye ni uko bazakomeza kubumbatira umutekano n’ubumwe bw’abanyarwanda.

Aragira ati: "Ibyo tugiye gushyiramo imbaraga cyane cyane inzego z’umuryango ni ugukangurira abanyarwanda ko aribo bagomba kwiyubakira igihugu basigasira ibyo bagejejweho na Perezida Kagame, tubumbatira ubumwe bwacu kuko ariyo ntwari izadufasha kwiteza imbere."

Mu bikorwa byishimirwa n’abanyamuryango ba FPR INKOTANYI mu murenge wa Gisenyi, ni gahunda ya girinka munyarwanda yatumye abenshi babasha kubona amata, ibikorwaremezo birimo imihanda, amashuri n’amavuriro byiyongereye no kwishyira ukizana kwa buri muturarwanda.
Twabibutsa ko abaturage bo mu murenge wa Gisenyi batoye Paul Kagame ku majwi 98.7%.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...