konka coffee
KONKA

AMAKURU

UKWEZI

Ruhango: Abayobozi benshi beguriye rimwe bikekwa ko bananiwe kuzuza inshingano zabo

Ruhango: Abayobozi benshi beguriye rimwe bikekwa ko bananiwe kuzuza inshingano zabo
1-10-2017 saa 17:02' | By Akayezu Jean de Dieu | Yasomwe n'abantu 3424 | Ibitekerezo 4

Abayobozi 8 bakoraga mu nzego zitandukanye z’akarere ka Ruhango beguye ku mirimo yabo bavuga ko ari ku mpamvu zabo bwite. Gusa ngo ubu bwegure bwabo buje nyuma yo kuganirizwa n’ubuyobozi bw’akarere ku mikorere yabo bagasanga nabo ubwabo badashoboye bityo bagafata umwanzuro wo kwegura.

Aba bayobozi beguye barimo uwitwa Kamanzi Eric wari umukozi w’akarere ushinzwe imyubakire, Habineza Emmanuel wari ukuriye Serivisi z’ubutaka mu karere, abashinzwe ubutaka mu mirenge ya Ntongwe na Ruhango, umuyobozi wa DASSO mu murenge wa Mwendo, Gitifu w’akagari ka Rwoga n’uwari umwungirije, ndetse n’umuyobozi wungirije mu kagari ka Gafunzo ko mu murenge wa Mwendo.

Mu kiganiro yagiranye n’Ikinyamakuru Ukwezi.com, Umunyamabanga Nshingwabikorwa w’aka karere ka Ruhango, Madamu Uwimana Fortunée, yavuze ko ubusanzwe ubuyobozi buberaho abaturage bityo rero umuyobozi udashoboye gukorera no gufasha abaturage ubundi umutimanama we iyo utanangiye aba akwiye kubivuga bagashyiraho undi ari nabyo bayabaye kuri aba beguye.

Gitifu Fortunee yagize ati “Ubusanzwe nk’abayobobozi tuyoborana tugira umwanya wo kwicara tukisuzuma tukarebera hamwe niba koko twarujuje inshingano dufite zo gukorera abaturage bityo rero iyo muri twe hari uwisanze atarabishoboye burya iyo bibaye ngombwa aba akwiye kureka kunangira umutima agaha inshingano abazishoboye ari nabyo bariya bayobozi bakoze”

Madamu Uwimana Fortunée, Gitifu w’aka karere ka Ruhango kandi yavuze ko bahita nk’ubuyobozi baterana na Njyanama bagasuzuma ubwegure bw’aba bayobozi niba koko ari impamvu zabo bwite basanga nta kindi kibyihishe inyuma bagatanga amatangazo y’akazi abashoboye bakaza gupiganwa ubundi n’aba beguye bakazatumizwaho bagakora ihererekanyabubasha abaturage bagakomeza guhabwa serivisi nziza nk’uko biba biri mu cyerekezo cy’u Rwanda n’abanyarwanda.


INKURU ZA :
Tanga Igitekerezo
Ibitekerezo 4
mukiza Kuya 2-10-2017

ego ko nonese ko mbona bibaye tour du rwanda!!!!!
amaherezo ,inzira ni munzu nabandi murarye muri menge!!!!!!

Kalisa Bosco Kuya 2-10-2017

Nibyo niba bananiwe kuzuza inshingano zabo ngo bakorere abaturage ibijyanye n’ibyo baba bararahiriye nta wundi muti uretse guhigamira ababishoboye bakabikora. Mboneyeho umwanya wo kubashimira kuba baragize ubutwari bwo kwegura hakiri kare bakanga ko imirimo ikomeza kwangirika.

Kalisa Bosco Kuya 2-10-2017

Nibyo niba bananiwe kuzuza inshingano zabo ngo bakorere abaturage ibijyanye n’ibyo baba bararahiriye nta wundi muti uretse guhigamira ababishoboye bakabikora. Mboneyeho umwanya wo kubashimira kuba baragize ubutwari bwo kwegura hakiri kare bakanga ko imirimo ikomeza kwangirika.

Nshimiyimana Kuya 1-10-2017

Hakwiye gukorwa igenzurwa ricukumbuye ku mpamvu zituma abayobozi binzego zibanze basezera my mirimo bakora bikitwa kwegura ku mpamvu zabo bwira ! Nge nkekako nabandi bazananirwa nihatagaragara ikibyihishe inyuma

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...