konka coffee
KONKA

AMAKURU

UKWEZI

Sano James uvuga ko yafungishijwe yatanze murumuna we nk’ingwate

Sano James uvuga ko yafungishijwe yatanze murumuna we nk’ingwate
14-09-2017 saa 13:45' | By Vincent Nsengiyumva | Yasomwe n'abantu 13437 | Ibitekerezo 7

Sano James wayoboraga WASAC na Emmanuel Kamanzi wa EDCL bashinjwa gukoresha nabi umutungo wa Leta, kuri uyu wa Kane nibwo bagejejwe imbere y’urukiko rw’ibanze rwa Nyarugunga, ubushinjacyaha bubasabira kuba bafunzwe iminsi 30 by’agateganyo.

Mu iburanisha rya mbere ku ifungwa n’ifungurwa ry’agateganyo, aba bagabo bombi bagejejwe imbere y’ubushinjacyaha batangira kwiregura ku byaha baregwa ariko bombi bumvikanye bahakana ibyaha bashinjwa.

Aba bagabo bombi batawe muri yombi mu ntangiriro z’uku kwezi bakurikiranyweho ibyaha bifitanye isano no gutanga amasoko ya Leta mu buryo bunyuranye n’amategeko.

Sano James wayoboraga WASAC arashinjwa ibyaha birimo ibyo gutanga amasoko mu buryo bunyuranyije n’amategeko no gukoresha nabi umutungo wa Leta mu gihe Emmanuel Kamanzi wa EDCL ashinjwa ibyaha 3 birimo gutanga isoko rya Leta binyuranyije n’amategeko, kunyereza umutungo wa Leta no gukoresha nabi umutungo ufitiye rubanda inyungu.

Umushinjacyaha yabwiye urukiko ko Sano yatumye WASAC yishyura amafaranga adakwiye agera kuri 945 504 000 y’ubukode bw’inzu WASAC ikoreramo mu gihe cy’imyaka itatu, ndetse anamushinja gutanga amasoko mu buryo bunyuranyije n’amategeko ibintu byaje gutuma abaturage batabona amazi.

Ubwo Sano James yireguraga yavuze ko ibyo ashinjwa byose ari ibinyoma ashimangira ko ahubwo ari abo bakorana ‘board’ iri inyuma y’ifungwa rye ngo kuko n’ubundi ibyabaga byose babaga babyemeje.

Yagize ati “Board, niyo iri inyuma yo kumfungisha kandi imyanzuro yose yemezwaga nayo. Ibyakorwaga byose byemezwaga na Board, abanyarwanda ntibumve ko arinjye watumye batabona amazi.”

Ku ifungwa n’ifungurwa ry’agateganyo, Ubushinjacyaha bwasabye ko Sano James yaba afunzwe iminsi 30 bitewe n’uburemere bw’ibyaha akurikiranyweho maze ahita asaba urukiko ko rwamurekura ngo kuko atacika ubutabera.

Mu gushimangira ko atazacika ubutabera , Sano yabwiye urukiko ko atanze murumuna we Taratibu Japhet nk’ingwate kugira ngo abizeze ko ntaho yahera abatoroka.

Abacamanza bahise babaza Taratibu Japhet niba koko afite imitungo yakwishyura ariya mafaranga Sano ashinjwa aramutse acitse, avuga ko afite inzu ebyiri zifite agaciro ka Miliyari imwe n’imodoka ebyiri nziza yemeza ko nta gushidikanya hagize ikibazo kivuka yabyishyira.

Biteganyijwe ko umwanzuro ku ifungwa n’ifungurwa ry’agateganyo kuri aba bayobozi bombi, uzasomwa kuwa 15 Nzeri 2017, saa saba.


James Sano ahakana ibyaha ashinjwa akavuga ko yagambaniwe n’abo bakoranaga


INKURU ZA :
Tanga Igitekerezo
Ibitekerezo 7
try Kuya 15-09-2017

Bagenzure cyane muri reg hari ahandi byabaye kubusumbane mumishahara kw’abakozi bigenze hariya? Uwomukurikirana akagukuba 3 kose kandi wareba icyakora ukakibura .

try Kuya 15-09-2017

Bagenzure cyane muri reg hari ahandi byabaye kubusumbane mumishahara kw’abakozi bigenze hariya? Uwomukurikirana akagukuba 3 kose kandi wareba icyakora ukakibura .

try Kuya 15-09-2017

Bagenzure cyane muri reg hari ahandi byabaye kubusumbane mumishahara kw’abakozi bigenze hariya? Uwomukurikirana akagukuba 3 kose kandi wareba icyakora ukakibura .

baligye Kuya 15-09-2017

J.Sano uyu abanyarwanda yahaye icyizere cyo kubakemurira ikibazo cyamazi maze amaso agahera mu kirere nibo bamuzi,naho abantu yahaye akazi nta kizamini bakoze hamwe nabo yongereye imishahara abandi bakaheba bo ntibabura kumuvuga imyato nyamara yarasesaguye umutungo wa leta.

Chaz Kuya 15-09-2017

MURUMUNA WA SANO NDAMWEMEYE NUMUGABO KOKO UZI KURWANIRA MUKURU WE ISHYAKA YEMEYE ATABANJE NOGUTINDIGANYA KO AZISHINGIRA MUKURU WE DORE ABA NIBO IGIHUGU GIKENEYE URUMUNTU WUMUGABO TARATIBU

Maurice Kuya 14-09-2017

Sano rwose muzi ari umunyakuri, ntamanyanga agaira kumutima we rwose njye uko muzi ntabwo yakora biriya byaha byose bavuze, ubucamanza bugenzure neza.

Rubona aimable Kuya 14-09-2017

Ubutabera bumurekure igihe cyose bazamuhamagarira azabitaba kandi SANO numunyakuri ndahamya ko ibyo ashinjwa nta shingiro.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...