konka coffee
KONKA

AMAKURU

UKWEZI

Sinkeneye kwemeza Obama, Trump cyangwa undi w’i Burayi - Perezida Kagame

Sinkeneye kwemeza Obama, Trump cyangwa undi w’i Burayi - Perezida Kagame
14-08-2017 saa 12:44' | By Chief Editor | Yasomwe n'abantu 7442 | Ibitekerezo 9

Paul Kagame uherutse gutorerwa gukomeza kuyobora u Rwanda, yatangaje ko adakeneye kwemeza Barack Obama wahoze ayobora Leta Zunze Ubumwe za Amerika, Donald Trump wamusimbuye cyangwa undi wese wo mu Burengerazuba bw’isi, anagaragaza ko nta mpamvu asanga akwiye kubaho nk’abanyamahanga.

Ibi Perezida Paul Kagame yabitangaje mu kiganiro yagiranye n’ikinyamakuru Daily Telegraph cyo mu gihugu cy’u Bwongereza, ubwo yari abajijwe ibijyanye n’uko hari abamushinja kuba yarashatse kuguma ku butegetsi ndetse n’icyo yumva azakora kugirango yemeze umuryango mpuzamahanga ko mu Rwanda hari ubwisanzure busesuye muri Demokarasi.

Perezida Kagame yavuze ko intego y’abashaka gushyira igitutu ku Rwanda na Perezida warwo, we ayibona mu isura y’uko baba bavuga bati: "Mureke twotse igitutu uyu mugabo kugeza igihe bizamuremerera bikamurenga...". Aha ninaho Perezida Kagame yahereye avuga ko adakeneye kwemeza Obama, Trump cyangwa abandi bose b’i Burayi.

Perezida Kagame ati: "Sinkeneye kwemeza Obama cyangwa Trump, cyangwa undi uwo ari we wese wo mu Burayi. Simbikeneye ibyo, kuko byaba bimariye iki? Ntacyo bimariye, kubemeza ko ngiye kubasha kubaho ubuzima nk’ubwabo? Oya, ahubwo mbere ya byose, ninde wababwiye ko mfite inzozi zo kubaho ubuzima nk’ubwabo? Sinshaka kubaho nk’Abongereza, Abanyamerika cyangwa Abafaransa, ibyo ni ibyabo... Ndashaka kubaho nk’Umunyarwanda, nk’Umunyafurika, sinshaka guhinduka ikindi icyo ari cyo cyose"

Perezida Kagame yavuze ko ibyo bavuze ku Rwanda mu myaka 20 ishize ari nabyo bakivuga kugeza ubu, akavuga ko bigaragara ko ikibazo ari bo kiriho kitari ku ruhande rw’u Rwanda.


INKURU ZA :
Tanga Igitekerezo
Ibitekerezo 9
Bugingo Kuya 16-08-2017

Karamage ibyo uvuga ni ukuri. Mzee wacu baramurenganya hari benshi bamaze igihe kumurusha kandi ntihagire icyo bavuga. Bazamuziza akarimi ke nka Kadafi. Bariya bose baricecekera. Ikindi nuko ababwiza inani ariko akongera agafata imfashanyo yabo.

Bugingo Kuya 16-08-2017

Karamage ibyo uvuga ni ukuri. Mzee wacu baramurenganya hari benshi bamaze igihe kumurusha kandi ntihagire icyo bavuga. Bazamuziza akarimi ke nka Kadafi. Bariya bose baricecekera. Ikindi nuko ababwiza inani ariko akongera agafata imfashanyo yabo.

Peter Kuya 15-08-2017

Komeza utsinde!

Peter Kuya 15-08-2017

Komeza utsinde!

Christian Kuya 14-08-2017

Utyooooooo. Jya ubabwira. abantu twese dufite ubwenge kandi ntampamvu yokumva ko tugomba kubaho uko babishaka. turi abantu,tuzi ibidufitiye imumamaro. ariko njyewe rimwe na rimwe binkora ahantu kbs,ukumva umuntu araje ngo ugomba kubaho hutya nkaho ari imana yacu ra ntanisoni.Jya ubabwira,dukeneye ubwubahane muri byose ibyo bindi bajye bibigumana iwabo

Jean claude tidy Kuya 14-08-2017

Wao genda muzehe wacu ubaha ukuri nuko batumva pe nge ndagukunda uburyo ubaha ukuri rwose batureke twiyubakire u Rwanda rwacu batuvaneho stress pe muzehe wacu bawace bazavuga baruhe ariko Imana ikunda abanyarwanda izagumya idufashe twikomereze twiyubakire ibyo twagezeho nawe muzehe wacu twemera

Twin Yeah Kuya 14-08-2017

Ariko aba banyamakuru bakorera biriya bihugu by,ibihangange ko mbona iteka ari bo bagira uruhare runini mu kwatsa umuriro mu bihugu by,Africa nk,uko Amerika n’ u Bulayi baba babyifuza? Ubu Mzee koko ageze noneho ku gice cyo guhora yisobanura ku matora yakozwe indorerezi zabo zireba!!! Twaragowe ariko Umusaza yihangane kuko turi kumwe n,Imana kandi bo yarabihishe!!

Dnfjf Kuya 14-08-2017

Perezida wacu dukunda, abo bazungu nimubareke twiyubakire igihugu cyacu.

karamage Kuya 14-08-2017

hari ikintu maze iminsi ntekerezaho nkibaza impavu abazungu bashaka kuzonga kagame ngo nave kubutegetsi kandi atariwe uyoboye igihe kirekire muri africa kuko urebye hari nabamukubye kabiri mu myaka bayoboye . urugero ni nka ngwema wa guinne paul biya wa cameroun idris deby wa chad desantos wa angila nubwo akuweho nubusaza nuburwayi nabandi ba president benshi muri africa . muri make demokarasi ni urwitwazo rwabazungu ngo bakureho uwo bashaka kuko kuribo niyo wamaraho imyaka 50 ukorera mu nyungu zabo ntacyo biba bitwaye ahubwo uba uri infura urugero ni nka omar bongo wamaze imyaka 40 avomerera abafaransa umutungo wigihugu cye . muri make iyo ubangamiye inyungu zabo hano kuri uyu mugabane nkuko kagame abikora nkibi byo kwigira ari kuzana muri african union bakwanga urunuka bakaguhurira ho bakurwanya nkibyo bakoreye ba sankara ba lumumba nabandi benshi bifuzaga ko ibihugu byabo byihagararaho bigakomera kandi ntabandi bakoresha bakoresha ibisambo bindi byabanyafrika byikunda kurusha uko bikunda ibihugu byabo nka ba mobutu nka ba blaise kompaore . umenya murwanda barasanze hadanangiye bakabura aho bamenera hanyuma bagasigara bijujuta mu binyamakuru byabo gusa

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...