konka coffee
KONKA

AMAKURU

UKWEZI

Turashaka ko kunyereza ibya rubanda bijya mu kiciro kimwe no kwica umuntu -Min. Busingye

Turashaka ko kunyereza ibya rubanda bijya mu kiciro kimwe no kwica umuntu -Min. Busingye
26-10-2017 saa 20:24' | By Vincent Nsengiyumva | Yasomwe n'abantu 2023 | Ibitekerezo 13

Minisitiri w’Ubutabera akaba n’Intumwa ya Leta, Johnston Busingye, yavuze ko abayobozi bazajya banyereza ibya rubanda bagiye kujya bahanwa kimwe n’abakoze ibyaha ndengakamere nko kwica umuntu.

Ibi Minisitiri Busingye yabigarutseho kuri uyu wa Kane tariki ya 26 Ukwakira 2017, mu nama yahuje Minisiteri y’Ubutabera n’abayobozi bashinzwe imutungo mu nzego zitandukanye za leta, aho yashimangiye ko ibyaha bijyanye no gucunga nabi umutungo wa leta bigiye gushyirirwaho ibihano bikakaye cyane.

Minisitiri Busingye yavuze ko nta mpamvu n’imwe yakagombye gutuma umuyobozi runaka aryama agasinzira mu gihe Umugenzuzi w’Imari yagaragaje ko mu kigo ayobora harimo ibibazo by’ikoreshwa nabi ry’umutungo wa Leta, anongeraho ko abakora ibi byaha bagiye kuzajya bahanwa kimwe n’uwishe umuntu.

Yagize ati “ Niba uri muri Minisiteri cyangwa ahandi hantu Umugenzuzi wa Leta akagaragaza ko ibintu bitifashe neza,vayo,vayo rwose kuko aho tugeze nirwo rugendo Sweden yagenze, nirwo rugendo Finland yakoze nirwo rugendo bariya bose bakoze. Aho tugeze mu rwego rw’amategeko, ubu bya byaha byitwaga ibyaha ndengakamere bikwiye guhabwa abantu bakoze ibihano bikomeye kandi dushaka no kubiganisha mu mutungo wa rubanda.Turashaka ko kunyereza ibya rubanda bijya mu cyiciro kimwe no kwica umuntu.”

Yunzemo ati “Nta yindi mpamvu twaba twarashoye imari, twaba twariyubatse iyi myaka yose, twaba twarateye intambwe nk’abanyarwanda twese, twaba twarigishije abantu noneho bakaturusha ubwenge kure cyane hanyuma umuntu nk’uyu Umugenzuzi wa Leta akamusangaho ibyaha byo kunyereza umutungo, hanyuma akagenda akaryama agasinzira,oya!”

Minisitiri yongeye kwibutsa abayobozi bo mu nzego zitandukanye ko kurwanya abanyereza imitungo ya Leta atari iby’Umugenzuzi wa Leta na Minisiteri y’Ubutabera gusa ko ahubwo ari inshingano za buri muyobozi.

Ati “Nk’abayobozi bo mu nzego zitandukanye mureke dufatanye kuko iyi ntambara nta wayirwana wenyine.Twese dushyire hamwe n’ubona ibintu bigenda nabi, bicumbagira, wibuke ngo niba ukorera ahantu bikagaragara ko harimo gukoresha nabi umutungo wa Leta, ugomba kuhava kuko ntacyo uba ugikorayo.”

Minisitiri Busingye yanenze ibigo bimwe na bimwe bihora bigaragaramo imikorere idahwitse, kunyereza imitungo ya Leta no kuyikoresha nabi ku buryo bigera n’aho abantu babigeraho bakavuga ngo birasanzwe hariya, avuga ko biba bigagaza ubuyobozi bubi bw’ibyo bigo cyangwa izo Minisiteri.

Minisitiri yavuze ko ibi byaha Leta ytabihagurukiye ku buryo budasanzwe ku buryo umuntu wese uzajya agaragarwaho kunyereza umutungo wa rubanda azajya akanirwa urumukwiye ku buryo n’undi wese wabitekerezaga bizajya bimuha isomo.


INKURU ZA :
Tanga Igitekerezo
Ibitekerezo 13
Kamanzi Kuya 31-10-2017

Reka minister abivuge nuko bamaze kuyamaramo ntacyo bakiramira. Nta rwego na rumwe rutarimo ikibazo cyo kunyereza ubwo utarabonye aye yarihombeye.

Vuguziga Kuya 30-10-2017

Mutangirire kubifi binini

Ibanga Kuya 29-10-2017

Umutungo wacu ugomba gucungwa neza; ugakoreshwa icyo wagenewe kandi ku gihe. Kuwunyereza rero sibyiza. Ibyo Minister avuga turabishyigikiye. Hongerewe ububasha abagenzuzi bimari numutungo kuburyo bashyikiriza abanyereje Umutungo ubutabera; abayobozi bakigishwa kudakingira ikibaba bagenzi babo babikora byacika burundu. Murakoze

Pierrot Kuya 28-10-2017

Iki gitekerezo cya Hon. Minister ko numva gishobora kuba gihabanye n’ingingo y’Itegeko Nshinga uvuga ko agaciro ka Muntu ari ntagereranywa, ubu ntihakenewe ibisobanuro ngo urujijo ruveho!

Pierrot Kuya 28-10-2017

Iki gitekerezo cya Hon. Minister ko numva gishobora kuba gihabanye n’ingingo y’Itegeko Nshinga uvuga ko agaciro ka Muntu ari ntagereranywa, ubu ntihakenewe ibisobanuro ngo urujijo ruveho!

moise Kuya 28-10-2017

Turakwemera

moise Kuya 28-10-2017

Turakwemera

Big Kuya 28-10-2017

Kora ndore irutwa kure cyane na vuga numve bwana were! Karugarama aracyaguhiga rwose...

Economist Kuya 27-10-2017

Let me first, nshimire Hon.minister , ibi bigaragaza agaciro muha icyaha cyo junyereza ibya rubanda.ubundi bigoye kubona igihano waha uwanyereje ibyarubanda. Gusa ni ugukomeza kwigisha ucyetswe agakurikiranwa hakiri Kare

Economist Kuya 27-10-2017

Let me first, nshimire Hon.minister , ibi bigaragaza agaciro muha icyaha cyo junyereza ibya rubanda.ubundi bigoye kubona igihano waha uwanyereje ibyarubanda. Gusa ni ugukomeza kwigisha ucyetswe agakurikiranwa hakiri Kare

Economist Kuya 27-10-2017

Let me first, nshimire Hon.minister , ibi bigaragaza agaciro muha icyaha cyo junyereza ibya rubanda.ubundi bigoye kubona igihano waha uwanyereje ibyarubanda. Gusa ni ugukomeza kwigisha ucyetswe agakurikiranwa hakiri Kare

chacha Kuya 27-10-2017

njyewe ndumva uyu muyobozi yarengereye,sindi muri izo nzego bavuga ariko dufashe amafaranga yanyerejwe tukayagereranya numuntu winchwe uko nukwambura umuntu agaciro ke.ni urugero natangaga,ese unyereza umuntu ngo ko yashaka ubwishyu mumitungo ye nikimwe no kwica umuntu. kunyereza umutungo sibyaha byindenga kamere.

kaka Kuya 27-10-2017

Harabo mutazashobora gutunga nurutoki

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...