konka coffee
KONKA

AMAKURU

UKWEZI

Twagiramungu (Rukokoma) yavuze ku makuru y’uko yapfuye, anashimangira ko atazapfa vuba

Twagiramungu (Rukokoma) yavuze ku makuru y’uko yapfuye, anashimangira ko atazapfa vuba
28-09-2017 saa 08:34' | By Vincent Nsengiyumva | Yasomwe n'abantu 9248 | Ibitekerezo 4

Umunyapolitiki utavuga rumwe na Leta y’ u Rwanda wigeze no kuba Minisitiri w’ intebe, Faustin Twagiramungu bakunda guhimba Rukokoma, yanyomoje amakuru avuga ko yitabye Imana tariki 14 Nzeli 2017 ndetse anashimangira ko atazapfa vuba.

Ibi Twagiramungu abitangaje nyuma y’iminsi mike ku mbuga nkoranyambaga ndertse no mu binyamakuru bitandukanye byandikira kuri Murandasi bitangaje ko uyu mukambwe yaba yarapfuye maze urupfu rwe rukagirwa ibanga.

Mu kiganiro yagiranye na BBC kuri uyu wa Gatatu tariki ya 27 Nzeri 2017, Twagiramungu Faustin yikomye bikomeye abakwirakwije ayo makuru ndetse anagaragaza ko nta gahunda afite yo kuba yapfa vuba.

Yagize ati " Njyewe ndi muzima,kereka niba baravuze undi Twagiramungu Faustin naho ubundi njyewe ndi muzima.Kereka niba bashobora gutanga irindi tangazo bemeza ahari ko nazutse kuko ndi muzima."

Twagiramungu wumvikanye yikoma cyane iby’ayo makuru yanavuze ko ngo hari abifuza ko yapfa maze ashimangira ko nta gahunda afitanye n’urupfu ko ahubwo atazapfa.

Ati " Abo babyifuza umenya ntazapfa bazategereza igihe kirekire. Njyewe rero ndi kumwe na Mungu kandi ntekereza ko nzaramba."

Ubwo umunyamakuru yamubazaga niba koko nawe yarumvise ayo makuru n’aho yaba yarayumvise, Twagiramungu yamusubije ko nawe yayumvise koko.

Yagize ati " Ayo makuru nanjye nayumvise nk’uko nawe wayumvise, kuko nta wigeze antumaho kuko urumva ko ubwo nari nanapfuye ntibari kuvuga ko bantumyeho, n’iyo nari ndi i kuzimu ntawari kubimbwira."

Twagiramungu Faustin yabaye Minisitri w’ intebe w’ u Rwanda mu kuva mu mwaka w’i 1994 kugeza 1995,yaje kwiyamamariza mu matora muri 2003 ku mwanya wa Perezida aho yaje gutsindwa na Perezida Paul Kagame bari bahatanye icyo gihe.


INKURU ZA :
Tanga Igitekerezo
Ibitekerezo 4
pts Kuya 1-10-2017

Nta cymuzi

fz Kuya 30-09-2017

wowe wiyise Rujugiro,ngo azayobora u Rwanda yewe binyuze muyihe nzira c huuum uratangaje,najye areka gusaza yanduranyije cyane

zongo Kuya 30-09-2017

Ubwo c azakiyobora ryari yaragitaye? Ntiyabaye PM bikamunanira, niyisazire neza

Rujugiro Kuya 28-09-2017

Nyamara uyu musaza azarama kandi hari icyo Imana yamuvuzeho ntabwo azapfa ibyahanuwe bidasohoye kandi nubwo bitinze ariko uyu mukambwe azayobora igihugu cy’u Rwanda

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...