konka coffee
KONKA

AMAKURU

UKWEZI

U Rwanda rwemeye kugoboka Abanyafurika bari gucururizwa muri Libya

U Rwanda rwemeye kugoboka Abanyafurika bari gucururizwa muri Libya
22-11-2017 saa 11:27' | By Vincent Nsengiyumva | Yasomwe n'abantu 7978 | Ibitekerezo 2

Leta y’u Rwanda yatangaje ko iri gushaka uburyo bushoboka bwo gutanga ubufasha ndetse no gushaka uko rwakakira Abanyafurika bakomeje gucururizwa muri Libiya.

Ibi byatangajwe na Minisitiri w’Ububanyi n’Amahanga akaba n’Umuvugizi wa Leta, Madamu Louise Mushikiwabo, aho yavuze ko n’ubwo u Rwanda ari ruto, rugifite indangagaciro n’umutima ufasha ku buryo rutabura kugoboka bamwe mu Banyafurika barimo gucururizwa muri Libia bakajyanwa mu bikorwa by’ubucakara.

Abinyujije ku rukuta rwe rwa Twitter, Louise Mushiki wabo yavuze ko Abanyarwanda bagirira impuhwe abari mu byago byo kutagira aho bita iwabo kubera amateka y’ubuhunzi banyuzemo.

Yagize ati “Ku banyafurika bari gucuruzwa muri Libya, u Rwanda ni ruto, ariko tuzababonera umwanya (aho kubacumbikira).”

Bamwe mu bayobozi b’ibihugu byo muri Afurika bagaragaje ko batishimiye ibikorwa bya kinyamaswa biri gukorerwa Abanyafurika bari mu gihugu cya Libiya, aho ngo bakwiye gufatwa bagakurikiranwa.

BBC iherutse gutangaza ko bamwe mubo yagerageje kuganira nabo bari gukorerwa ibi bikorwa by’urukozasoni bayibwiye ko ubuzima bubagoye cyane ku buryo bakoreshwa imirimo ivunanye ndetse kubona ibyo kurya bikaba ari intambara.

BBC ikomeza ivuga ko aba banyafurika bari gucururizwa muri Libiya, ni ababa baturutse mu bihugu bitandukanye bakanyura muri iki gihugu bishakira inzira banyuramo ibageza i Burayi banyuze mu Nyanja ya Méditerranée, babura inzira bagafatwa n’abacuruza abantu muri iki gihugu bakababika bacucitse mu nzu zagenewe kubikwamo ibicuruzwa.

Abenshi mu bisanga muri ubu buzima ni ababa baturutse mu bihugu byabo bahunze ibibazo bitandukanye bishingiye ku mvururu za politike, ibibazo by’ubukungu n’ibindi bitandukanye aho ngo biganjemo abo muri Niger, Mali, Nigeria na Ghana .

Bamwe mu bimukira bafungiranwe mu nkambi muri Libiya aho bagurishirizwa mu cyamunara


INKURU ZA :
Tanga Igitekerezo
Ibitekerezo 2
Ramba Kuya 24-11-2017

Longlive Rwanda. May God continue to bless this country. I love this Lady our Minister Mushikiwabo. Papa Ivan wakoze to support iki kyemezo. we all Africans and human beings. After all namuntu ufite contrat kuri iyi isi

ndahayo Kuya 24-11-2017

ibihugu muvuze byose ko ndumva nta kibazo bifite bya politiki n’intambara cg mwibeshye ibihugu

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...