konka coffee
KONKA

AMAKURU

UKWEZI

U Rwanda rwahakanye kuba mu mugambi wo gushyigikira uwo rushaka ko asimbura Museveni

U Rwanda rwahakanye kuba mu mugambi wo gushyigikira uwo rushaka ko asimbura Museveni
2-10-2017 saa 17:49' | By Chief Editor | Yasomwe n'abantu 7620 | Ibitekerezo

Leta y’u Rwanda, yamaganiye kure kuba mu mugambi wo gushyigikira General Kale Kayihura ngo azasimbure Perezida Yoweri Kaguta Museveni umaze imyaka 31 ayobora igihugu cya Uganda, ndetse ngo abavuga ko u Rwanda rwaba rufite uwo mugambi ni abo kugendera kure.

Mu kiganiro Ambasaderi w’u Rwanda muri Uganda, Major General (Rtd) Frank Mugambage yagiranye n’Ikinyamakuru ChimpReports kuri iki Cyumweru, yasobanuye ko u Rwanda rudashobora kuba mu mugambi nk’uwo kuko nta n’icyo rupanga na General Kale Kayihura. Yagize ati: Ntacyo dukorana na Gen Kale... Abo barwanya Gen Kale Kayihura bazahora bashaka kuzana ibyo bidafite ishingiro, ni ibintu bikwiye kwamaganwa ntibihabwe agaciro.

Mu gihugu cya Uganda, muri zimwe mu nzego z’ubuyobozi no mu bitangazamakuru, hashize igihe havugwa iby’ayo makuru y’uko u Rwanda rwaba rushyigikiye General Kayihura uyobora Polisi ya Uganda ariko ngo ibi ambasaderi Mugambage abibona nk’ibihimbano bidafite ikintu na kimwe bishingiyeho.

Mugambage ati: Intego na gahunda by’u Rwanda ni ugushaka iterambere no gukomeza gukorana n’abaturanyi, kugirango tugere ku ntego dusangiye zirimo izo kubungabunga umutekano no kugera ku bikorwaremezo biduhuza kurushaho bituganisha mu iterambere.

Ambasaderi Mugambage kandi yanamaganye iby’uko u Rwanda rwaba rushishikajwe no kureba uzayobora Uganda nyuma ya Perezida Museveni, aha akaba agira ati: "Icyo ni ikinyoma. Ni gute u Rwanda rwaba rushishikajwe n’uyobora Uganda? Ibyo ni ibireba abagande. U Rwanda rufite byinshi byo gukora, ibyo bindi byose tubibona mu binyamakuru ariko nta bihari mu by’ukuri".


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...