konka coffee
KONKA

AMAKURU

UKWEZI

U Rwanda rwahumurije imiryango yabuze ababo mu bitero byagabwe mu Bwongereza

U Rwanda rwahumurije imiryango yabuze ababo mu bitero byagabwe mu Bwongereza
5-06-2017 saa 08:43' | By Vincent Nsengiyumva | Yasomwe n'abantu 2055 | Ibitekerezo

Minisitiri w’ububanyi n’amahanga w’u Rwanda akaba n’umuvugizi wa Leta, Louise Mushikiwabo, yatangaje ko yifatanyije n’ababuriye ababo mu bitero by’iterabwoba byagabwe mu mujyi wa London mu Bwongereza mu ijoro ryo kuwa Gatandatu rishyira ku Cyumweru.

Abinyujije ku rubuga rwa Twitter, Minisitiri Louise Mushikiwabo yihanganishije bikomeye imiryango yabuze ababo mu bitero byabaye mu mpera z’iki cyumweru gishize ndetse n’igihugu cy’u Bwongereza muri rusange.

Igitero cyagabwe mu murwa mukuru wa London mu Bwongereza mu ijoro ryo ku wa Gatandatu cyahitanye abantu 8 abasaga 50 barakomereka bikabije.

Min Mushikiwabo kandi yanafashe mu mugongo nababuriye ababo mu bitero byagabwe i Kabul muri Afghanistan ku wa Gatandatu bigahitana abantu barindwi ubwo bari mu muhango wo gushyingura umuhungu w’umuSenateri wari wishwe na Police ku wa Gatanu ubwo yari mu myigaragambyo y’abasabaga leta kugira icyo ikora igakumira ibitero bimaze iminsi bigabwa mu gihugu.

Mu butumwa Minisitiri Mushikiwabo yanditse ku rukuta rwe rwa Twitter, yavuze ko u Rwanda rwababajwe bikomeye n’ibitero biri kugabwa hirya no hino ku Isi maze avuga ko yihanganishije imiryango yose yaburiye ababo mu murwa mukuru wa London mu Bwongereza ndetse n’i Kabul muri Afghanistan

Yagize ati “Mu Rwanda twababajwe bikomeye n’ibitero by’ibisasu mu Mujyi wa London n’I Kabul, imitima yacu iri kumwe namwe.”

Mu mezi atatu gusa u Bwongerezabumaze kugabwaho n’ibitero by’iterabwoba inshuro 3 bigahitana abantu kandi bikigambwa n’umutwe w’iterabwoba wa Islamic State.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...