konka coffee
KONKA

AMAKURU

UKWEZI

U Rwanda rwamaganye raporo ishinja Ingabo z’u Rwanda gukora ibikorwa by’iyicarubozo

U Rwanda rwamaganye raporo ishinja Ingabo z’u Rwanda gukora ibikorwa by’iyicarubozo
13-10-2017 saa 05:55' | By Chief Editor | Yasomwe n'abantu 3238 | Ibitekerezo 4

Raporo ya Human Rights Watch (HRW) yasohotse kuwa Kabiri tariki 10 Ukwakira 2017, yashinjaga igisirikare cy’u Rwanda gufunga binyuranyije n’amategeko abakekwaho gukorana n’imitwe irwanya ubutegetsi bw’u Rwanda cyane cyane FDLR, nk’umutwe wa gisirikare ugizwe n’abahunze igihugu nyuma yo gukora Jenoside yakorewe abatutsi. Ibi ariko Leta y’u Rwanda irabyamaganira kure, ikagaragaza ko ari raporo z’uyu muryango mpuzamahanga uvuga ko uharanira uburenganzira bwa muntu, nta kuri kuzirangwamo.

Iyi raporo ivuga ko yashingiwe ku buhamya bw’abantu basaga 100 bavuze ko bakorewe iyicarubozo ubwo bari bafungiwe mu bigo bya gisirikare bya Mukamira, Bigogwe, Mudende, Kami ndetse no ku cyicaro cya Minisiteri y’Ingabo z’u Rwanda kiri ku Kimihurura, bakavuga ko bahakubitiwe ndetse bakanakubitishwa amashanyarazi, bagasukwaho aside (acide) ndetse ngo bakanakorerwa ibindi bikorwa by’iyicarubozo bitandukanye byatumaga bemera ibyaha batakoze. Iyi raporo ya Human Rights Watch (HRW) ariko ntigaragaza amazina y’abo batangabuhamya.

Ibi Leta y’u Rwanda ibibona nk’akamenyero ka Human Rights Watch ko gushinja ibinyoma u Rwanda, nk’uko byemejwe na Johnston Busingye, Minisitiri w’Ubutabera mu Rwanda akaba n’Intumwa nkuru ya Leta. Yasobanuye ko u Rwanda rwasinye kandi rwubahiriza amasezerano yo kurwanya iyicarubozo, hakaba hari n’amategeko y’imbere mu gihugu arwanya ibikorwa nk’ibyo kandi agahana ababikora.

Minisitiri Johnston Busingye avuga ko ibyo Human Rights Watch ishinja u Rwanda ari ibinyoma bidafite kintu bishingiyeho, kandi bakaba ari ibintu badashobora no kubonera ibimentetso nyakuri bibigaragaza. Yagaragaje kandi ko iyi raporo, ari umugambi ukomeje wa Human Rights Watch w’ibikorwa bigamije gusebya Leta y’u Rwanda.

Leta y’u Rwanda ikunze kenshi kunenga raporo za Human Rights Watch, igaragaza ko buri gihe ziba zishaka kugaragaza u Rwanda mu isura ihabanye cyane n’iyo rufite nyakuri. Raporo zose za Human Rights Watch, ziba zigaragaza ko hari abatangabuhamya zavuganye nabo ariko nta na rimwe haragaragazwa abo batangabuhamya mu buryo bweruye, kimwe mu bishingirwaho bivugwa ko ziba ari ibihimbano bigamije kuharabika u Rwanda.


INKURU ZA :
Tanga Igitekerezo
Ibitekerezo 4
hakuzimana innocent Kuya 16-10-2017

Abo babivuga ni mubareke bavuga ibyo batazi kuko mu baturage b’ibihugu bitandukanye badafite umutekano; ab’u Rwanda ntibabarirwamo. Ariko ubundi uwo muryango ko utwandikaho ibibi gusa ubu koko nta byiza twagezeho muri gahunda zabo??

Subukino Gratien Kuya 14-10-2017

U Rwanda ni igihugu kigendera ku mategeko izo raporo z’ibinyoma turazamaganye

Subukino Gratien Kuya 14-10-2017

U Rwanda ni igihugu kigendera ku mategeko izo raporo z’ibinyoma turazamaganye

Subukino Gratien Kuya 14-10-2017

U Rwanda ni igihugu kigendera ku mategeko izo raporo z’ibinyoma turazamaganye

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...