konka coffee
KONKA

AMAKURU

UKWEZI

U Rwanda rwashyikirije u Burundi imirambo y’abarundi barasiwe i Rusizi

U Rwanda rwashyikirije u Burundi imirambo y’abarundi barasiwe i Rusizi
4-09-2016 saa 10:57' | By Chief Editor | Yasomwe n'abantu 5655 | Ibitekerezo 2

Kuwa Gatanu tariki 2 Nzeri 2016, abayobozi b’u Rwanda bo muri Bugarama mu karere ka Rusizi, bashyikirije umuyobozi w’Intara ya Cobitoke mu Burundi, imirambo ibiri y’abarundi baheruka kwicirwa aho muri Bugarama ku mupaka w’ibihugu byombi.

Mu rukerera rwa tariki 31 Kanama 2016, nibwo abagabo babiri b’abarundi bakomoka ahitwa Rugombo mu Burundi, barasiwe hafi y’umupaka w’ibihugu byombi ariko ku butaka bw’u Rwanda ahitwa i Ruhwa, nyuma yo kwambuka bitwikiriye igicuku bazanye ibicuruzwa mu Rwanda. Barashwe n’abasirikare b’u Rwanda, nyuma yo kubazwa abo ari bo bakanga gusubiza nk’uko byemejwe n’umuvugizi w’Igisirikare cy’u Rwanda, Lt Col René Ngendahimana.

Abarashwe ari NIYONKURU Fidèle w’imyaka 25 na NYABENDA Jérémie w’imyaka 23 bari abacuruzi b’imboga ziganjemo intoryi, bakaba bararashwe ku isaha ya saa cyenda n’iminota 40 zo mu rukerera aho bari bambukanye izo mboga bazizanye mu Rwanda. Bari kumwe n’abandi batatu, bo babashije guhita bacika basubira i Burundi.

Radio Ijwi ry’Amerika, ivuga ko imirambo y’aba bishwe yashyikirijwe u Burundi iri mu masanduku abiri, imirambo ikaba yarahise ijyanwa mu bitaro bya Rukana muri Komine Rugombo aho yasuzumwe mbere yo gushyingurwa.

Umuyobozi w’Intara ya Cibitoke, Joseph Iteriteka, yasabye ababuze ababo kwihangana, abizeza ko bagiye gukurikirana iyo dosiye. Uyu muhango kandi wanitabiriwe na Déogratias Ndikumana, Minisitiri w’umutekano w’imbere mu gihugu cy’u Burundi.


INKURU ZA :
Tanga Igitekerezo
Ibitekerezo 2
Ndayishimiye Néstor Kuya 28-10-2016

Abapfushije.Ababo,bakomezekwihangana.

ngabo fred pdg Kuya 4-09-2016

mbega ibyago Imana ibakire

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...