konka coffee
KONKA

AMAKURU

UKWEZI

U Rwanda rwatangiye urugamba rwo gucukura peteroli mu Kiyaga cya Kivu

U Rwanda rwatangiye urugamba rwo gucukura peteroli mu Kiyaga cya Kivu
24-04-2017 saa 09:51' | By Chief Editor | Yasomwe n'abantu 11260 | Ibitekerezo 3

U Rwanda na Repubulika Iharanira Demokarasi ya Kongo byamaze gushyira umukono ku masezerano y’ubufatanye bw’imyaka itanu, yo gukora ubushakashatsi bwimbitse no gushyira mu bikorwa iby’ubucukuzi bwa Peteroli mu kiyaga ibihugu byombi bihuriyeho cya Kivu, giherereye mu Burengerazuba bw’u Rwanda.

Aya masezerano yashyizweho umukono n’abayobozi bakuru b’ibihugu byombi hagati muri uku kwezi kwa Mata 2017 nk’uko ikinyamakuru The East African kibishimangira, ku ruhande rw’u Rwanda akaba yarasinywe na Minisitiri w’Umutungo Kamere, Vincent Biruta, naho ku ruhande rwa Repubulika Iharanira Demokarasi ya Kongo asinywa na Minisitiri ushinzwe ibijyanye n’ingufu, Aime Ngoi-Mukena.

Ibihugu byombi byemeranyijwe ku bufatanye mu bijyanye n’imisoro, akazi no kugura ibikoresho bizakoreshwa muri ubu bucukuzi bwa peteroli kimwe no gufatanya ibindi byose bizakenerwa muri ubwo bucukuzi.

Ibihugu byombi kandi byasinye amasezerano agaragaza ko ibijyanye n’ubucukuzi mu kiyaga cya Kivu no ku mpande zacyo ku mipaka y’ibi bihugu, ari ibikorwa bizakorwa mu bufatanye no gushyira hamwe kugirango ubu bucukuzi buzagerweho kandi bugende neza.

Aya masezerano yashyizweho umukono nyuma y’uko Leta y’u Rwanda ihaye uburenganzira ikigo cya Ngali Enery cyo gucukura peteroli, ndetse iki kigo kikaba cyaratangiye no gushyiraho itsinda n’ibikoresho bizifashishwa, biherereye mu murenge wa Gisenyi mu karere ka Rubavu.

Inama y’Abaminisitiri idasanzwe yateranye tariki 9 Ukuboza 2016, yemeje Umushinga w’Itegeko rishyiraho Ikigo Gishinzwe Mine, Ibikomoka kuri Peteroli na Gazi mu Rwanda, rikanagena inshingano, imiterere n’imikorere byacyo; ari nacyo kigomba gukurikirana iby’iryo cukurwa rya peteroli mu kiyaga cya Kivu.


INKURU ZA :
Tanga Igitekerezo
Ibitekerezo 3
Iringuyneza Fr Kuya 27-04-2017

It,good B.Se for This action

Gashema Godfrey Kuya 25-04-2017

Rwanda yacu iterimbere imanihamahoro abayobozi bacu nabanyarwanda bose murirusange

- Kuya 24-04-2017

Aya makuru niyo mba nifuza kumva ibindi ni iteshamutwe!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...