konka coffee
KONKA

AMAKURU

UKWEZI

Ubundi ahantu inkotanyi zahuriye hakunze kuboneka amahirwe – Kagame

Ubundi ahantu inkotanyi zahuriye hakunze kuboneka amahirwe – Kagame
23-07-2017 saa 14:08' | By Vincent Nsengiyumva | Yasomwe n'abantu 3543 | Ibitekerezo 2

Umukandida wa FPR Inkotanyi, Paul Kagame yashimangiye ko ahantu hose uyu muryango wahuriye hakunze kuboneka amahirwe adasanzwe. Ibi yabivuze anatanga ingero z’imvura imaze iminsi 2 igwa muri iyi ntara y’Uburasirazuba amazemo iminsi 2 yiyamamarizamo mu gihe iki gihe turimo ari icy’izuba rikabije.

Ibi yabigarutsehokuri iki cyumweru tariki ya 23 Nyakanga 2017 ubwo yitabiraga ibikorwa byo kwiyamamaza mu Karere ka Ngoma nyuma yo kuva mu karere ka Kirehe nako ko muri iyi Ntara y’u Burasirazuba.

Kagame yabwiye abaturage bo mu karere ka Ngoma ko akarere kabo kakiri inyuma mu iterambere ugereranyije n’aho utundi turere tugeze, maze yizeza abatuye aka karere ko hagiye gushyirwa imbaraga mu kubaka umujyi ukomeye w’aka karere kagahindura isura ku buryo bugaragarira buri wese.

Yagize ati “Uyu mujyi wanyu wa Ngoma ndashaka ko uhindura isura kuko hari isura ugifite ubu bisa nk’ibya kera. Ariko kuba bimeze bitya nanjye mbona ko hari ibyo twakagombye gukora tutakoze. Aba bayobozi dukorana nimurangiza kuduha icyizere cyanyu ku itariki 4 Kanama ndumva aribyo nzaheraho mbabaza.”

Kagame kandi yanashimangiye ko umuryango wa FPR Inkotanyi ahantu wateraniye hose hakunze kuba hari amahirwe adasanzwe nk’uko bigenda bigaragara ahantu henshi hatadukanye.

Yagize ati "Ubundi muri aya mezi nta mvura igwa, ariko ndabona muri Ngoma n’ahandi muri iyi Ntara y’Uburasirazuba imvura yaguye. Ubundi ahantu Inkotanyi zahuriye hakunze kuba amahirwe."


INKURU ZA :
Tanga Igitekerezo
Ibitekerezo 2
ndagijimana Kuya 23-07-2017

komera cyane nyakubahwa nkunda uburyo witangira kino gihugu uko ushoboye kose .hari ikintu kinyanga munda nkunva naniwe kucyihanganira , ni ikubona umuntu wahunze urwanda akakubwira ko ubu amaze imyaka 23 cg 15 cg 10 ariko adakandagira ku butaka bwurwanda ariko akakubwira ko agomba kuzajya aguha amakuru yigigugu urimo utembera uko ushatse , ibyo bintu mubona bidateye iseseme koko nagasuzuguro ? ese abanyarwanda bari mugihugu ni ibicucu kuburyo badashobora gusobanukirwa nibyo babona bikaba ngobwa ko babisobanurirwa numuntu umaze imyaka nimyaniko hanze yigihugu. ? kandi ikintangaza kurushaho nuko ayo makuru yuzuyemo ibinyoma byinshi bategereza ngo itangaza makuru ryo murwanda ribanze riyatangaze kuko niryo riri kuri site hanyuma bo ngo bakigira abasesenguzi basesengura ubusa ngo ni ibyo basomye mu bitangaza makuru byo mu rwanda kandi ibyo byose bakaba bategereje ngo twe abari mugihugu tubatege amatwi twemere ibyo bavuga ko ari ukuri , birababaje ntakindi ntawabona uko abivuga , kuko hari nabagwa muri uwo mutego koko kubwo kudashishoza akunva koko ari ukuri . ariko ukuri kunyura mwiziko ntigushye nejejwe nimbaga yabanyarwanda ndikubona iri kuza gushyigikira uyu muyobozi wumuhanga imana yatwihereyeho nkimpano amahanga yo agasigara arabya indimi cg agononwa . rwanda tera imbere

Phils Kuya 23-07-2017

Ibyo HE avuga nibyo 100%.Mwibuke amafu yiriwe Muhanga!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...