konka coffee
KONKA

AMAKURU

UKWEZI

Ubunini budasanzwe bwa dosiye bwatumye isomwa ry’urubanza rw’abo kwa Rwigara risubikwa

Ubunini budasanzwe bwa dosiye bwatumye isomwa ry’urubanza rw’abo kwa Rwigara risubikwa
20-10-2017 saa 15:41' | By Chief Editor | Yasomwe n'abantu 7479 | Ibitekerezo 7

Kuri uyu wa Gatanu tariki 20 Ukwakira 2017, ku isaha ya saa cyenda z’igicamunsi, nibwo byari byitezwe ko hasomwa urubanza ku ifungwa n’ifungurwa ry’agateganyo, ruregwamo Mukangemanyi Adeline Rwigara, Uwamahoro Anne Rwigara na Diane Nshimiyimana Rwigara, ariko ubunini bwa dosiye bwatumye isomwa ry’urubanza risubikwa.

Diane Rwigara wenyine akurikiranyweho icyaha cyo gukora no gukoresha inyandiko mpimbano ariko bose uko ari batatu bahurira ku cyaha cyo kugambirira guteza imvururu cyangwa imidugararo muri rubanda. Umubyeyi wabo Mukangemanyi Rwigara Adeline we yihariye icyaha cy’ivangura no gukurura amacakubiri.

Ubwo imbaga y’abantu bari bageze ku rukiko rwisumbuye rwa Nyarugenge, byahise bitangazwa ko urubanza rudasomwa kuko ngo dosiye z’abaregwa zabaye nini cyane bituma abacamanza batarangiza kuzisesengura zose ngo bahuze ibyo Ubushinjacyaha bwasabaga n’ibyo abaregwa n’ababunganira basabaga, umwanzuro w’urubanza ukaba uzamenyekana kuwa Mbere tariki 23 Ukwakira 2017.

Ubushinjacyaha kuwa Gatatu mu gihe cy’iburanisha, bwari bwasabye ko abaregwa bafungwa kuko bakomeje gukurikiranwa bari hanze bashobora gutoroka cyangwa bagasibanganya ibimenyetso. Nyuma umucamanza yahaye ijambo Adeline Mukangemanyi Rwigara maze ati: "Nyakubahwa mucamanza, twatoroka dute? Twagenda n’amaguru? Nta cyangomwa na kimwe dufite, nta n’indangamuntu, baraje ibintu byose baratwara, icyitwa igipapuro cyose, amafaranga yose twari dufite mu rugo barayatwaye na konti zacu zose barazifunga, ubwo twatoroka dute koko? Twagenda n’amaguru... Dore aho duhagaze aha nyakubahwa mucamanza, nta cyaha dufite twishinja, ni uko nyine tutirenganya, iyo dushaka gutoroka tuba twaratorotse tugifite ibyangombwa, njyewe maze imyaka 5 ntarava muri uyu mujyi na rimwe"

Diane Rwigara nawe yavuze ko adashobora gutoroka cyangwa gusibanganya ibimenyetso kuko kuba nta cyangombwa na kimwe afite, nta n’indangamuntu, atumva aho yatorokera n’uko yatoroka. Yavuze kandi ko urugo rwabo rusanzwe rugoswe, ngo akaba atanafite telefone yatuma abasha kugira abo avugana nabo, akaba atari nawe washyize amashusho kuri Youtube kuburyo yayakuraho, ngo yumva akwiye gufungurwa kuko arengana.

Anne Rwigara nawe yavuze ko kuba we na nyina n’umuvandimwe we bamaze hafi amezi abiri bafunzwe bazira ubusa, ngo urukiko rudakwiye kubafungura by’agateganyo gusa ahubwo ngo rukwiye kubafungura burundu bikarangira bagasubira mu buzima busanzwe, akavuga ko yizeye ko ubutebera bavuze kuva kera noneho bwaba bugiye kuboneka.

Me Buhuru Pierre Celestin, ahawe ijambo yavuze ko abo yunganira barengana, agaragaza ko ibyo Diane Rwigara aregwa bishingirwa ku byo yavuze mu kiganiro n’abanyamakuru, nta na hamwe hagaragaramo icyateje imvururu muri rubanda, ndetse ko icyo gukora no gukoresha impapuro mpimbano, yagisobanuye bihagije ko kidakwiye kumuhama. Muri rusange, yasobanuye ko umucamanza akwiye gufata icyemezo, abaregwa bakarekurwa nta yandi mananiza.


INKURU ZA :
Tanga Igitekerezo
Ibitekerezo 7
LULU Kuya 23-10-2017

ABANYARWANDA TWIFUZAKO ABO BAGORE BAREKURWA KUKO RWOSE KUVA KERA ABAGORE BAGIRAMAGAMBO SO MURUHURE IMITIMA YACU NYABUNA TWARAHUNGABANYE KUBERA IBYO

Jean Paul Muhire Kuya 23-10-2017

Mbona babarekuru kuko byatanga amahoro mumitima yabanyarwanda beshi,ikindi kandi ibyo bavuze babitewe nagahinda nokuba arabagore,so babarekure nibyo twifuza

Jean Paul Muhire Kuya 23-10-2017

Mbona babarekuru kuko byatanga amahoro mumitima yabanyarwanda beshi,ikindi kandi ibyo bavuze babitewe nagahinda nokuba arabagore,so babarekure nibyo twifuza

Kunda Kuya 21-10-2017

Umutekano w’Igihugu si ikintu kijenjekerwa mwa bantu mwe, numvise umu avocat avuga ko kujya muri telephone yumuntu ntaburenganzira bw’urukiko ari amakosa ndumirwa, nibaza niba koko yaba yunva uburemere bwo kurengera umutekano/umudendezo w’igihugu.

Ariko ntakintu kinshimishije nko kumva mu rukiko abitiriwe aya majwi babyiyemerera,ntakubihakana ngo babyite ko ari amajwi yahimbwe nkuko abari babashyigikiye basakuje hose mubinyamakuru no kuma radio yabo ngo niteknika rya DMI, nizindi bla bla nyinshi, numvise mbabariye abafana bo kwa Rwigara. ahubwo bashimire imana, bashimire n’ubuyobozi bw’u Rwanda rugifite uruhengekero nimbabazi kubana bayo bose, kuko mubindi bihugu abantu nkaba iyo bamenyekanye hari ibifatika nkibi ntawumenya iherezo ryabo.

ibindi niby’urukiko bizaterwa nuko abaregwa baziregura abavoka babo bakabasha kwemeza umucamanza ko ibirego bidafite ishingiro cyangwa bakabinanirwa ubushinjacyaha bukaba aribwo bwemeza ukuri kwabwo. Naho ubundi kugambirira guteza akaga igihugu cyari kimaze gutekana nyuma ya Jenoside abanyarwanda benshi (sibose uko mbibona) n’abanyamahanga benshi (sibose kuko hari abo bidashimishije); sibyo gushyigikira cyangwa kujenjekerwa na gato.

kiki Kuya 21-10-2017

mureke barye ukundi kwezi umuteto ubavemo babone ko byose bishoboka urebeko haruzongera gushongoboka

Nizeyimana Alphonse Kuya 20-10-2017

Diane, Anne na Adeline birakwiye ko basubizwa murugo iwabo . Imana niyo Nkuru ibihe byose!

dada Kuya 20-10-2017

Abokwa Rwigara bashatse babareka.nubundi abagore bagiramagambo menshi.barahubutse kandi nabobahaboneye isomo.ntabwo abongabo bahungabanya igihugu nkurikije aho urwanda rugeze.forgive you will be forgiven

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...