konka coffee
KONKA

AMAKURU

UKWEZI

Ubuyobozi bwa gereza bwasobanuye ibya Ingabire Victoire umaze igihe atagemurirwa

Ubuyobozi bwa gereza bwasobanuye ibya Ingabire Victoire umaze igihe atagemurirwa
14-09-2017 saa 11:59' | By Chief Editor | Yasomwe n'abantu 14169 | Ibitekerezo 2

Ubuyobozi bw’urwego rw’amagereza mu Rwanda, buramagana amakuru yatangajwe n’abo mu ishyaka rya FDU Inkingi ritemewe gukorera mu Rwanda, ryari ryagaragaje ko umuyobozi w’iri shyaka wanarishinze, Ingabire Victoire Umuhoza ufungiwe muri gereza ya Kigali izwi nka 1930, yaba amaze icyumweru cyose atarya. Ubuyobozi bwa gereza bwasobanuye kandi impamvu atagemurirwa bunashimangira ko nta kibazo na gito afite.

Kuri uyu wa Gatatu tariki 13 Nzeri 2017, nibwo abo mu ishyaka rya FDU Inkingi ritemerewe gukorera mu Rwanda, batangiye gukwirakwiza ku mbuga nkoranyambaga amatangazo avuga ko Ingabire Victoire amaze icyumweru yarishwe n’inzara, kuko bavuga ko uwamugemuriraga ari mu baherutse gutabwa muri yombi na Polisi bashinjwa kuba mu mutwe ugamije guhungabanya umutekano w’igihugu.

JPEG - 45 kb

Ingabire Victoire Umuhoza ufungiwe muri gereza izwi nka 1930

Nyamara mu kiganiro Ikinyamakuru Ukwezi.com cyagiranye na CIP Sengabo Hillary, umuvugizi w’amagereza mu Rwanda, yasobanuye uko byifashe n’icyabuze ngo Ingabire Victoire aba atagemurirwa nk’ibisanzwe. Mu bisobanuro bye, CIP Sengabo yabwiye Ikinyamakuru Ukwezi.com ko ubusanzwe imfungwa n’abagororwa bagaburirwa na Leta, ariko mu gihe hari ugaragaje impapuro za muganga zemeza ko kubera uburwayi atabasha kurya ibyo bahabwa muri gereza, ngo uwo yemererwa kujya agemurirwa amafunguro atamubangamira mu burwayi bwe.

CIP Sengabo akomeza asobanura ko na Ingabire Victoire asanzwe agemurirwa, ariko mu minsi ishize uwamugemuriraga akaba atazi uko byamugendekeye, kuko n’ibyo gutabwa muri yombi ngo atabizi icyo yamenye ari uko atakiboneka, bityo ngo Ingabire yasabwe gutanga amazina y’undi uzajya umugemurira ariko uwo yatanze ngo ntaragera ku buyobozi bwa gereza, cyane ko hari ibisabwa kugirango abyemererwe.

CIP Sengabo Hillary ati: "Si Ingabire gusa, niko bigenda no ku bandi bose. Umuntu wemerewe kukugemurira ashobora kugira impamvu zimutunguye, ashobora no kujya mu mahanga, ashobora no kurwara, ashobora no kuba atagifite ubwo bushake cyangwa ubushobozi bwo kuba yaza kugemurira umugororwa. Uko bigenda rero, uwo mugororwa asimbuza wa muntu, we ubwe abimenyesha gereza, hanyuma uwo yatanze agasabwa amafoto n’imyirondoro ye kugirango ahabwe ikarita azajya yinjiriraho, kugirango nihagira n’ikiba azabibazwe. Ubwose amuzaniye ibyo kurya bihumanye? Ni uburyo bwa security (umutekano). Hanyuma rero Ingabire, umuntu yamenyekanishije ko ari we uzaza, ntabwo araza kugemura urumva si ku ruhande rwacu. Ikindi cya kabiri ntabwo yishwe n’inzara, abafunzwe bose bagemurirwa na gereza kandi ubushobozi bwo kubagaburira burahari. Nanakubwira ko kugeza uyu munsi, kuba batari baza abo mu muryango we, Ingabire nta kibazo anafite, ntatera amahane cyangwa ngo yigaragambye kuko nta kibazo cy’inzara afite".

JPEG - 112.1 kb

CIP Sengabo Hillary, umuvugizi w’urwego rw’amagereza mu Rwanda

CIP Sengabo Hillary agaragaza ko hari abo mu ishyaka rya FDU Inkingi bakora ibintu biba bitaturutse kuri Ingabire Victoire ubwe ndetse batanamugezeho ngo bumve icyo atekereza. Avuga ko n’ubu uwashaka kumusura yamusura ariko ibijyanye no kugemurirwa, Ingabire Victoire ubwe akaba agikorana n’ubuyobozi bwa gereza ngo uwo uzajya amugemurira aboneke, kandi hagati aho akaba afashwa na gereza uko bikwiye.


INKURU ZA :
Tanga Igitekerezo
Ibitekerezo 2
respect Kuya 15-09-2017

bajyebamenyako Imana ibareba ibyo bakora bibi byose.
Uwumvako azagira imyaka 100 ari kwisi azamenyeko arugabo.
Imana izabampere ibibakwiye.

h Kuya 14-09-2017

Abantu bafunzwe bishwe ninzara. rwamagana barashize uwitwa james uhayobora yabicishije Inzara ubundi akirirwa abakoresha imirimo y, agahato aho aba yatsindiye amasoka

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...