konka coffee
KONKA

AMAKURU

UKWEZI

Ubuzima bw’ubuhunzi butera umujinya ariko bugatera n’ishyaka - Perezida Kagame

Ubuzima bw’ubuhunzi butera umujinya ariko bugatera n’ishyaka - Perezida Kagame
26-05-2016 saa 20:25' | By Chief Editor | Yasomwe n'abantu 2204 | Ibitekerezo 2

Kuri uyu wa Kane tariki 26 Gicurasi 2016, Perezida wa Repubulika y’u Rwanda, Paul Kagame, yakiriye abanyeshuri basaga 30 bo muri Kaminuza ya Wharton, abaganiriza byinshi ku mateka y’u Rwanda n’ubuzima bw’ubuhunzi yabayemo.

Jenoside yabaye mu Rwanda mu 1994 yatumye abantu benshi ku isi bamenya u Rwanda kubera amabi yarubayemo, ariko nyuma yayo amahanga noneho yagiye amenya iki gihugu cy’imisozi igihumbi kubera iterambere no kwiyubaka bidasanzwe rwabashije kugeraho. Ubwiwe amateka y’u Rwanda akabona n’aho ruri ubu ararutangarira, bikaba ari nako byagenze kuri aba banyeshuri bo muri Leta Zunze Ubumwe za Amerika bakiriwe na Perezida Kagame.

Perezida Paul Kagame yabasobanuriye uburyo amateka mabi y’u Rwanda ari yo abanyarwanda bakuyemo isomo ryo kwiyubaka. Yagize ati: "Abantu bishyize hamwe baravuga bati dushobora gukora ibihambaye nidutegura neza ahazaza hacu iby’ahashize tukabyirengagiza. Twiyumvishaga ndetse ko tugomba gushyira imbaraga mu iterambere kurushaho bitewe n’aho twari tuvuye ndetse n’aho twifuzaga kugera. Mu myaka 22 ishize twabonye ibintu bibi abantu bafite ubushobozi bwo gukora, uyu munsi nabwo ubona ibyiza ba bantu bashobora gukora."

Agaruka ku buzima bubi yabayemo ubwo yari impunzi mu gihugu cya Uganda, Perezida Kagame yavuze ko ubuzima bw’ubuhunzi butera umujinya ariko nanone bugatera ishyaka. Yagize ati: Kuba impunzi bikubakamo umujinya ariko nanone bikakubakamo ishyaka, ugashaka gusubira iwanyu ngo urwane ubaza impamvu bagufata gutyo".

Perezida Kagame avuga ko byashoboka ko abanyarwanda bungukiye mu bihe bikomeye banyuzemo, ubu bakaba barabashije kubaka amateka mashya.


INKURU ZA :
Tanga Igitekerezo
Ibitekerezo 2
kalisa claude Kuya 27-05-2016

Ibyo nyakubahwa president wacu avuga nukuri ubuzima bubi bwubuhunzi ntibuzasubire kumunyarwanda Ku banyarwanda tukuri inyuma mukurwana urugamba rwiterambere naho abo bitanezeza nka Faustin ndeba aho biramureba bikomeze bimurye ariko kubabazwa niterambere ryabanyarwanda nawe uri umunyarwanda biteye agahinda

Fausti Ntirushwa Kuya 26-05-2016

Ageyibuko ko umusi abonawe agirimpunzi, biyubatsemo umujinya avuga igihuru kizamubyarira igihunyira.
Kuvuga ibintu bibabaje nkuku udatekereje
Kumikorere yawe nabyo bigaragaza
Ubuhubutsi. Ntimunyongere igitekerezo
Ndabasabye murekegitambuke.
Thank you.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...