konka coffee
KONKA

AMAKURU

UKWEZI

Umubano w’u Rwanda n’u Bufaransa waba ugiye guhindura isura kubwa Perezida Macron

Umubano w’u Rwanda n’u Bufaransa waba ugiye guhindura isura kubwa Perezida Macron
19-09-2017 saa 09:28' | By Chief Editor | Yasomwe n'abantu 4720 | Ibitekerezo

Perezida Paul Kagame Kagame w’u Rwanda, yahuriye i New York muri Leta Zunze Ubumwe za Amerika na Emmanuel Macron w’u Bubafaransa, aho bitabiriye inama y’Umuryango w’Abibumbye, maze bagirana ibiganiro ku bijyanye n’Umubano, ubufatanye n’ubuhahirane bw’ibihugu byombi. Iki ni ikintu gikomeye cyane, gica amarenga yo kuzahuka k’umubano w’ibihugu byombi waherukaga kuba mwiza mu myaka yashize.

Kuva mu mpera z’umwaka ushize wa 2016 ubwo abacamanza b’Abafaransa batangazaga ko bagiye kongera gutangira iperereza ku waba yarahanuye indege ya Habyarimana Juvenal wahoze ari Perezida w’u Rwanda kandi bakagaragaza ko bazaha agaciro ubuhamya bwa Kayumba Nyamwasa utavuga rumwe n’Ubutegetsi bwa Perezida Kagame ndetse akaba anamushinja kuba ari we wabigizemo uruhare, umubano w’u Rwanda n’u Bufaransa wongeye kuzamba.

Byaje guhumira ku mirari ubwo Komisiyo y’igihugu yo kurwanya Jenoside (CNLG) yashyiraga ku mugaragaro urutonde rwa bamwe mu basirikare bakuru b’Abafaransa bagize uruhare mu itegurwa n’ishyirwa mu bikorwa rya Jenocide yakorewe abatutsi muri Mata 1994. Nyuma y’ishyirwa hanze ry’uru rutonde, hari hitezwe icyo Perezida uzatorerwa kuyobora u Bufaransa azabikoraho, kandi aho bigeze ubu biratanga icyizere.

JPEG - 96.5 kb

Perezida Kagame na Emmanuel Macron mu mujyi wa New York

Perezida Paul Kagame yari aherutse gutangaza ko Abafaransa ari bo bakwiye kugezwa imbere y’Ubutabera kubera uruhare bagize muri Jenoside yakorewe abatutsi. Ntawabura kuvuga ko ubu umubano w’ibihugu byombi utari wifashe neza, ndetse mu gihe cy’ubutegetsi bwa Perezida Francois Hollande nta ntambwe igaragara yatewe mu mibanire myiza y’ibihugu byombi, n’ubwo guhura kwa Perezida Kagame na Macron w’u Bufaransa bitanga icyizere gifatika cyo kuzahuka k’umubano w’ibihugu byombi.

Umubano w’u Rwanda n’u Bufaransa, waherukaga kuba mwiza ku gihe cy’ubutegetsi bwa Perezida Nicolas Sarkozy. Tariki 27 Gashyantare 2015, Perezida Paul Kagame yagiye mu Bufaransa mu nama yari yateguwe na UNESCO, icyo gihe akaba nta muyobozi mukuru w’igihugu cy’u Bufaransa yabashije guhura nawe, ahubwo yahuye anagirana ibiganiro n’uwahoze ari Perezida w’iki gihugu Nicolas Sarkozy utavuga rumwe n’ubutegetsi buriho muri iki gihugu, buhagarariwe na Perezida Francois Hollande.

JPEG - 54.8 kb

Ubwo Nicolas Sarkozy, hari intambwe yari imaze guterwa mu mibanire y’ibihugu byombi

Ubwo yabazwaga na Jeune Afrique impamvu yashatse guhura na we, Perezida Kagame yagaragaje ko ashima cyane uburyo Nicolas Sarkozy yari afite ubushake mu kunoza umubano w’ibihugu byombi. Perezida Kagame yagize ati: "Inshuti duhuriyeho zambwiye ko yabonekaga kandi ko dushobora guhura. Igihe yari akiri ku ntebe y’ubuyobozi, Sarkozy yagize ubushake n’ishyaka mu kugabanya ukutumvikana kwari hagati y’u Bufaransa n’u Rwanda. Nashakaga kongera kubimubwira, twabivuzeho byose, tuvuga ku ntera yari imaze guterwa..."

Ubutegetsi bushya bwa Macron, bushobora no guha ubutabera Abanyarwanda ku bijyanye n’uruhare Abafaransa bashinjwa muri Jenoside yakorewe abatutsi, bikaba byanajyana no gusaba imbabazi nk’uko Papa Francis aherutse kubikora mu izina rya Kiliziya Gatolika, ku bw’abihaye Imana bagize uruhare mu bwicanyi ndengakamere bwa Jenoside yakorewe abatutsi mu Rwanda.

JPEG - 96.5 kb

INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...