konka coffee
KONKA

AMAKURU

UKWEZI

Umugambi wo kwiyamamariza kuba Perezida watumye Mpayimana Philippe atandukana n’umugore?

Umugambi wo kwiyamamariza kuba Perezida watumye Mpayimana Philippe atandukana n’umugore?
7-05-2017 saa 09:31' | By Chief Editor | Yasomwe n'abantu 10567 | Ibitekerezo 6

Mpayimana Philippe umaze igihe atangaje ko aziyamamaza mu matora ya Perezida wa Repubulika y’u Rwanda azaba muri Kanama uyu mwaka, yagiye avuga kenshi ko ari umugabo wubatse ufite umugore babyaranye abana bane nyamara ikinyamakuru Ukwezi.com gifite amakuru yizewe avuga uyu mugore we batandukanye kandi bikavugwa ko umugambi wo kwiyamamaza uri mu byakuruye impaka zatumye bashwana bakagera ubwo batandukana.

Ubwo Mpayimana Philippe yari akiri mu Bufaransa, nyuma gato yo gutangaza ko ashaka kwiyamamaza ku mwanya w’Umukuru w’Igihugu, yabwiye ikinyamakuru Ukwezi.com ko ari umugabo wubatse ufite umugore n’abana bane. Ntiyakunze guhishura iby’uko yatandukanye n’uwo mugore we kuko tariki 24 Gashyantare 2017 yaganiriye n’ikinyamakuru Ukwezi.com ku bijyanye n’ifoto ye ahetse umwana, agatangaza ibintu byagaragazaga ko akibana n’uyu mugore we.

JPEG - 45.6 kb

Icyo gihe yabajijwe niba aramutse abaye Perezida yakomeza kujya aheka abana be nk’uko bisanzwe, maze mu gusubiza agira ati: "Imibereho mu rugo rwanjye n’umugore n’abana banjye biratureba twenyine, naba Perezida cyangwa ntari we, nzakomeza kuba umubyeyi nk’abandi. Buri mwana wese abona se ari Perezida. Kuba perezida w’igihugu bishobora no gutangirira mu rugo rwawe, igihe ukora ibishimisha umwana n’umugore, ushobora no gushimisha abandi bantu."

Nyamara amakuru ikinyamakuru Ukwezi.com gikesha abantu bo mu muryango w’uwahoze ari umugore we, ashimangira ko mu myaka yashize ubwo Mpayimana Philippe yabwiraga umugore we ko ashaka gukora politiki ndetse akazaniyamamariza kuba Perezida, ibyo bitanyuze uwo mugore we bikaza no gutuma batandukana. Umwe muri bo yagize ati: "Byashoboka ko n’ubundi bari bafite ibindi bapfa kuko n’ubundi wabonaga harimo agatotsi, ariko Mpayimana akimara kujya mu bya politiki no kuvuga ko ashaka kuzaba Perezida, umugore we yahise avuga ko yitandukanyije na we ndetse n’umuryango muri rusange ntabwo wamushyigikiye. Wenda siyo mpamvu yonyine yatumye batandukana ariko biri mu byabatanyije."

JPEG - 71.7 kb

Mu kiganiro Mpayimana Philippe yagiranye n’ikinyamakuru Ukwezi.com, yemereye umunyamakuru ko yatandukanye n’umugore we ariko ntiyemera iby’uko byatewe n’umugambi yari afite wo kujya muri politiki akaniyamamariza kuba Perezida.

Mpayimana Philippe ati: "Nonese ko twatandukanye nyine urabona ibyo nabikoraho iki? Nonese ko twatandukanye urumva hari uruhushya nagombaga kumusaba?... Abantu batandukana kubera impamvu zabo, ntaho bihuriye no kujya muri Politiki kandi n’iyo byanaba byo umuntu wese afite uburenganzira bwe. Ikibazo gusa njyewe nashimye, niba ababaye ikibazo cye nzakitaho nk’uko nzita ku by’abanyarwanda bose... Nonese umuntu mwatandukana muri 2012 ukajya muri politiki muri 2017 noneho bigahuzwa gute? Uzabane neza impamvu twatandukanye... Abantu bagira uko babana bakagira n’uko batandukana."

JPEG - 144.5 kb

Hari kandi abantu ba hafi mu muryango wa Mpayimana Philippe n’uwari umugore we, bahamirije ikinyamakuru Ukwezi.com ko na nyuma yo kutumva ibintu kimwe bagatandukana, ubwo uyu mugabo yageraga mu Rwanda aje kwiyamamaza, uwari umugore we n’abo mu muryango we bahise bakora inama bagaragaza byeruye ko bitandukanyije na Mpayimana na gahunda ze zo kwiyamamariza kuyobora igihugu.


INKURU ZA :
Tanga Igitekerezo
Ibitekerezo 6
kamujyi Kuya 16-05-2017

mugabo inzarambi ni mumutwe
nawatekereza kuyobora ashonje

MUGABO Kuya 15-05-2017

Uyu mugabo aragaragara nk’uwishwe n’inzara

Omar Kuya 13-05-2017

@Lil, ibi ntaho niba bihuriye. Hari impamvu nyinshi zituma umugore n’ umugabo batandukana. Woe rero wibwira ko ibyo bibazo bikemurwa uko utekereza uribeshya.Tuzi abantu benshi babaye perezida kdi baratandukanye n’ abagore, cg bakajya gutandukana bakiri Ku ngoma. Ex: uribuka igihe Michelle Obama yatangaje ko Obama bagiye gutandukana kuko yamucaga inyuma, ibi ntaho byari bihuriye na politike ya USA. Icyo mbona ahubwo ushobora kuba utumva mgt.y’ urugo. Ngaho ihurira n’ India mirimo.Thx

cameroun Kuya 12-05-2017

Wowe se urikumwohereza ngo najye gukemura ibye ngo agaruke. Wowe aho uri wakemuye ibyawe mukubana kumugore numugabo hari byinshi umwe abona kurundi iyo abona ko atabibona umwe afata ikemezo cyane ko usaba icyemezo niwe uba ufite ikibazo kuko niwe usaba divorce mujye mutandukanya amagambo hariya afite uburenganzira bwe erega ntimukumve kwiyamamaza ngo mwumve ko ariko gutsinda ko ariko kuba president buriwese aba afite aho ashaka kugera munshingano ze no kugerageza amahirwe ye kwiyamamaza siko gukuraho kagame kwiyamamaza sukugaya ibyo akora tujye tubyumva kimwe ntimukumve ngo runaka aje kwiyamamaza ngo mutangire mukanure amaso mumusebye mube mwamugirira nabi bangahe biyamamaje inshuro zirenga nicumi guvernoment zigahinduka nkinshuro 100 wawundi akiyamamaza ntawuramautora rwose tuge tugerageza kumva ibintu kimwe kandi tubyakire bizajya biduha amahoro ahubwo mujye murwanya abifuza kuza bamena amaraso byoooô murakoze Banyarwanda

Umusomyi Kuya 8-05-2017

None ko Trump ayoboye USA ntiyatandukanye numugore wambere ndabwira wowe Lily rwose ibyo mungo ntaho bihurira Nigihugu

lily Kuya 7-05-2017

nonese wakemura ibibazo byigihugu warananiwe gukemura ibyo mu rugo rwawe. subirana numugore nabana hanyuma uzaze wiyamamaze nyuma. ijya kurisha ihera ku rugo. murakoze

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...