konka coffee
KONKA

AMAKURU

UKWEZI

Umuhungu w’umwe mu bashinze RTLM yatunguwe n’ibyo yakorewe ageze mu Rwanda

Umuhungu w’umwe mu bashinze RTLM yatunguwe n’ibyo yakorewe ageze mu Rwanda
1-06-2016 saa 09:43' | By Chief Editor | Yasomwe n'abantu 11355 | Ibitekerezo 11

Kuri uyu wa 31 Gicurasi 2016, umuhungu w’umuherwe Nyagasaza Mathias usanzwe yibera i Texas muri Leta Zunze Ubumwe za Amerika, yashyikirijwe n’umuyobozi w’akarere ka Rubavu imitungo y’umuryango we iri mu mujyi wa Gisenyi nyuma y’uko bari barayiriganyijwe n’abayiyitiriraga bayibohoje nyuma ya Jenoside.

Janvier Busogi, ni umuhungu wa Nyagasaza Mathias, umwe mu baherwe bari bakomeye ku Gisenyi mbere ya Jenoside yakorewe abatutsi. Nyagasaza kandi n’ubwo yapfuye, yari yarahamwe n’ibyaha bya Jenoside, kuko uretse kuba yari muramu wa Col Theoneste Bagosora wakatiwe n’urukiko mpanabyaha rwa Arusha, nawe ubwe ari mu banyamigabane bashinze Radio RTLM yabibye amacakubiri ikanashishikariza abahutu kwica abatutsi.

Janvier Bugosi usanzwe yibera muri Leta Zunze Ubumwe za Amerika, kuri uyu wa Kabiri yahawe n’umuyobozi w’akarere ka Rubavu, Sinamenye Jeremie, impapuro z’imitungo irimo ubutaka bwari bwarabohojwe na Kajeguhakwa, hagashyirwa sitasiyo ya lisansi ya "Engen".

Umuyobozi w’akarere ka Rubavu ashyikiriza Janvier Busogi impapuro z’umutungo

Amaze guhabwa ibyangombwa by’iyi mitungo, Janvier Busogi yivugiye ko bari baragize ubwoba bwo kuza gukurikirana imitungo yabo, kuko hari ibihuha byababwiraga ko nibagaruka mu Rwanda bazabagirira nabi, nyamara ahubwo akaba yaratunguwe n’urugwiro bamwakiranye.

Sinamenye Jeremie uyobora akarere ka Rubavu yasobanuye ko buri wese afite uburenganzira ku mutungo we

Yashimangiye ko yatunguwe n’ibyo yakorewe, mu minsi micye agasubizwa imitungo y’umuryango we ndetse n’ibyangombwa byayo, kandi ibi akabikorerwa nta kumugora kubayemo ahubwo bamufasha ngo bikemuke vuba. Asaba n’abandi bari hanze kutumva ibihuha, kuko mu Rwanda hari umutekano kandi uburenganzira bwa buri wese bukaba bwubahirizwa.

Olivier Mukwaya


INKURU ZA :
Tanga Igitekerezo
Ibitekerezo 11
Rugaju Kuya 4-06-2016

Ndumva mushaka gutwara ibyabandi kubusa hari uwo gacaca itishyuye mwamenyereye kurya mutavunitse mushigaje kwirya. Musubire kuragira.

gisa Kuya 2-06-2016

Iyo nterahamwe se bayifunze

VAVA Kuya 2-06-2016

NIBYIZA KABISA IMANA ISHIMWE

John Kuya 2-06-2016

Ndashima iki gikorwa. Ariko ndanagaya abantu bagaya iki gikorwa. Ubwo se abo mu mutwe wabo hari ubwenge burimo ra? Vraiment biragaragara ko leta yacu ikoresha ukuri . Ahubwo uwo wari warabohoje akwiye no kwishyura ibintu byabandi yakoresheje igihe kitari gito

sadiq Kuya 1-06-2016

Nimubaduteze ntakundi ntanisoni ubwose Rtlm murayishimye

Theo Kuya 1-06-2016

Ariko kucyi abanyarwanda bamwe na bamwe mugifiti Ideogies uyumu Gabo wasubijwe ibye mwumvishe we hari genocide yasize akoze?ahaaa ngewe uko byumva icyaha cyakozwe nase we ararengana kdi icyaha nigatozi kuwagikoze ntawuzahanirwa icyaha cyundi?

Binando Kuya 1-06-2016

Ariko se, ibi nibiki!

Uwo ngo ni Mathias, ntaho atandukaniye na Kabuga cg abandi baherwe bashoye imari zabo mukwica ubwoko Imana yiremeye.

Ngaho noneho nibanahamagaze Kean Luc habyarimana bamuhe ibyiwabo!

nzamwita serge Kuya 1-06-2016

Leta iri kuuteza interahamwe nabicanyi kabisa, ubuse ibyo basize basenye bari kugaruka bakabyubaka, barikuza bahabwa ibyabo bitigeze bikorwaho. ariko se twebwe basenyeye tukiba ku gahinga ninde tuzabaza. uyu se na benewabo basize basenye u rwanda, bica abantu. none biraza biraritse urutwe ngo babasubize ibyabo. huuum nzaba ndora

Icyonibaza Kuya 1-06-2016

Niba uwomuherwe yarashinze RTLM atari itekinika ryikinyamakuru, iyo mitungoye yagafashije abacitse kwicumu !! Nahubundi byaba ari gupfobya g jenoside.

Theo Kuya 1-06-2016

Ubu rero Rujugiro aje yahabwa ibye byose?......

Theo Kuya 1-06-2016

Ubu rero Rujugiro aje yahabwa ibye byose?......

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...