konka coffee
KONKA

AMAKURU

UKWEZI

Umujyi wa Kigali wabaye uwa mbere mu mijyi ishamaje kurusha indi mu karere

Umujyi wa Kigali wabaye uwa mbere mu mijyi ishamaje kurusha indi mu karere
14-09-2016 saa 09:58' | By Chief Editor | Yasomwe n'abantu 4914 | Ibitekerezo 6

Umurwa mukuru w’u Rwanda ari wo mujyi wa Kigali, ubu niwo mujyi wa mbere ubereye ijisho kandi ukurura ba mukerarugendo kurusha indi mijyi yose iri mu karere ka Afurika y’Uburasirazuba, ukaba uza imbere y’imijyi nka Kampala, Nairobi, Bujumbura, Dar Es Salaam, Dodoma n’indi yo muri aka karere.

Mu nama nyafurika ya Kane yigaga ku bijyanye no guteza imbere ibijyanye n’amahoteli (Fourth Annual Africa Hotel Expansion Summit and Hospitality Round Table), yabereye mu mujyi wa Dar Es Salaam muri Tanzania kuva tariki 8 kugeza tariki 9 Nzeri 2016, mu nyubako ya Julius Nyerere Convention Centre, niho byemerejwe ko umujyi wa Kigali ari wo mujyi ubereye ijisho kandi ushamaje kurusha indi muri aka karere.

Ikinyamakuru ETurboNews kivuga ko muri iyi nama byemejwe ko u Rwanda ari igihugu gihiga ibindi byinshi ku mugabane wa Afurika mu bijyanye n’iterambere mu by’amahoteli n’ubukerarugendo, hakiyongeraho kuba abashoramari mpuzamahanga, abayobozi b’ibigo by’ubucuruzi bikomeye n’abatekereza kubyaza umusaruro ibijyanye n’amahoteli n’ibijyanye nabyo, usanga bose bahanze amaso u Rwanda by’umwihariko umurwa mukuru warwo, ari wo mujyi wa Kigali.

Kuba mu myaka micye ishize umujyi wa Kigali warakiriye inama mpuzamahanga nyinshi kandi abasaga miliyoni imwe bakaba basura uyu mujyi mu mwaka, nabyo bishimangira umwihariko w’uyu mujyi mu bijyanye no kuba ubereye ijisho kandi ukurura cyane abanyamahanga.

Muri uyu mwaka wa 2016, nyuma y’amanama mpuzamahanga menshi yabereye i Kigali, mu kwezi k’Ukwakira, kuva tariki 4 kugeza tariki 6, i Kigali hazanabera inama nyafuriza iziga ku bijyanye n’ishoramari mu by’amahoteli (Africa Hotel Investment Forum). Mu kwezi k’Ugushingo kandi i Kigali hazabera inama y’ishyirahamwe nyafurika ry’ibijyanye no gutwara abantu n’ibintu.


INKURU ZA :
Tanga Igitekerezo
Ibitekerezo 6
Bahati jean bosco Kuya 12-05-2017

nanjye aho ndi nkurikirana amakuru y’ iwacu kandi nkunda igihugu cyanyibarutse nabagituye nukuri ibyo twagrzeho birashimishije ntawabirenza ingohi aho turi tugerageza guhesha isura nziza urwagasabo nikuri bintera ishimwe iyo ndi gutaka ubwiza bw’igihugu cyacu kdi mbona bibateye ishema n’amatsiko yo kuza kuhareba abo twabashije kuzana barashimye kdi baremera nukuri nagahebuzo pe ex : hari byinshi bamaze kutwigiraho bitandukanye nukuri mukomerze aho natwe tuzajya tubabera abambassadeur beza aho turi ;mugite ibihe byiza kdi Imana ibarinde

felicien Kuya 18-09-2016

Kadogo

felicien Kuya 18-09-2016

Kadogo

Vumiliya Kuya 15-09-2016

umugi wacu uteye amabengeza ariko abanyarwanda ntibafite ubushobozi bwo kuwubamo.Abubaka iriya miturirwa bose bafite ikibazo cy’amadeni ya za bank ndetse bamwe bakaba baratse inguzanyo hanze y’u Rwanda.None niba batabona ubwishyu kuko nta bantu bazikoreramo bizagenda bite?Ese banki niziteza cyamunara abazazigura bazazikoresha iki abazubatse batabonye.Uzambonera igisubuzo kitarizo kuzisenya azambwire kuko no kuzitaho bitoroshye mu gihe utazaba ufite ubushobozi bwo kwishyura inguzanyo.Murakoze

Vumiliya Kuya 15-09-2016

umugi wacu uteye amabengeza ariko abanyarwanda ntibafite ubushobozi bwo kuwubamo.Abubaka iriya miturirwa bose bafite ikibazo cy’amadeni ya za bank ndetse bamwe bakaba baratse inguzanyo hanze y’u Rwanda.None niba batabona ubwishyu kuko nta bantu bazikoreramo bizagenda bite?Ese banki niziteza cyamunara abazazigura bazazikoresha iki abazubatse batabonye.Uzambonera igisubuzo kitarizo kuzisenya azambwire kuko no kuzitaho bitoroshye mu gihe utazaba ufite ubushobozi bwo kwishyura inguzanyo.Murakoze

isi mm Kuya 14-09-2016

icyoninicyo kugirubuyobozi bwiza bivuga

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...