konka coffee
KONKA

AMAKURU

UKWEZI

Umulisa yirukanywe na Perezida Kagame ataracukurisha ubwato Abadage batabye mu Kivu

Umulisa yirukanywe na Perezida Kagame ataracukurisha ubwato Abadage batabye mu Kivu
13-10-2016 saa 07:28' | By Chief Editor | Yasomwe n'abantu 16599 | Ibitekerezo 3

Umulisa Alphonse wari usanzwe ari Umuyobozi Mukuru w’Ingoro z’Umurage z’Amateka y’u Rwanda, yirukanywe kuri uyu mwanya kubera amakosa akomeye yakoze mu kazi, akaba yakuwe ku kazi atarabasha gucukurisha ubwato Abadage batabye mu Kiyaga cya Kivu, isezerano yari amaze igihe ahaye Abanyarwanda.

Inama y’Abaminisitiri yateranye kuri uyu wa Gatatu tariki 12 Ukwakira 2016, yemeje Iteka rya Perezida ryirukana Burundu mu Bakozi ba Leta Bwana Umulisa Alphonse, wari Umuyobozi Mukuru w’Ikigo cy’Ingoro z’Igihugu z’Umurage w’u Rwanda kubera amakosa akomeye yakoze mu kazi.

N’ubwo aya makosa akomeye yakoze mu kazi atatangajwe mu byemezo by’Inama y’Abaminisitiri, hari ibizwi aregwa kuko yafunzwe muri Gicurasi uyu mwaka akurikiranyweho ibyaha bitatu birimo kunyereza umutungo wa Leta, gutanga amasoko ya Leta mu buryo bunyuranyije n’amategeko ndetse no kwangiza ibya Leta.

JPEG - 54.4 kb

Uretse kwirukanwa no gukurikiranwa n’ubutabera, Umulisa Alphonse hari n’ibyo yemereye abanyarwanda agiye atarabasha kugeraho, muri ibyo hakaba harimo igikorwa yari yiyemeje cyo gufatanya n’u Budage gutaburura ubwato bwatabwe n’Abadage mu kiyaga cya Kivu mu gihe cy’intambara ya mbere y’isi yose.

Ubu bwato butabye ku nkengero z’ikiyaga cya Kivu mu mudugudu wa Kagugu, mu Kagari ka Musure, mu Murenge wa Mushubati mu Karere ka Rutsiro, bukaba bwaratabwe n’Abadage mu Kivu nyuma yo gutsindwa intambara ya mbere y’isi kugirango Ababibiligi batazabwitwarira. Abaturage bahaturiye bemeza ko bajya babona imishumi y’ubwo bwato.

Muri 2014, Alphonse Umulisa yatangaje ko intara ya Rhenanie Palatinat yo mu Budage bafitanye imikoranire myiza bakaba bagiye no gufatanya gutaburura ubwo bwato mu kiyaga cya Kivu. Icyo gihe mu magambo ye yagize ati: "Ubu mu minsi ya vuba bagiye gutangira kudufasha kuvana mu Kiyaga cya Kivu ubwato bwarwanye mu Ntambara ya Mbere y’Isi."

Muri Nzeri 2014 kandi, ubwo Habineza Joseph wari Minisitiri w’Umuco na Siporo yasuraga ingoro ndangamurage yari yuzuye mu karere ka Karongi, yeretswe ubu bwato maze nabwo Alphonse Umulisa avuga ko harimo gushakishwa uburyo ubwo bwato bwazakurwa mu Kivu noneho bugashyirwa mu mutungo bazajya berekana cyane ko ngo bubitse amateka akomeye hagati y’u Rwanda n’u Budage.

JPEG - 132.1 kb

Umulisa Alphonse (urimo kumwenyura) yari Umuyobozi Mukuru w’Ingoro z’Umurage z’Amateka y’u Rwanda

Icyo gihe yavuze ko barimo kuvugana na Minisiteri y’Ingabo kugira ngo bashakire hamwe uko ubwo bwato bwakurwa mu Kivu dore ko ngo bivugwa ko bwafashaga Abadage cyane mu ntambara ya mbere y’isi yose. Ibi Umulisa Alphonse yongeye kubisubiramo mu mpera za 2015 ariko yarinze afungwa ndetse anirukanwa burundu mu bakozi ba Leta atabigezeho.


INKURU ZA :
Tanga Igitekerezo
Ibitekerezo 3
Muligo Kuya 9-05-2017

Uyu mugabo asigaye asenga cyane, kwa Bishop Rugagi. Imana izamubabariria.

BWANAKWELI INNOCENT Kuya 21-10-2016

Uwo mugabo azabazwe neza .yabuze iki ngo yuzuze inshingano ze?

Ruberanziza Kuya 13-10-2016

Ko abafite amakosa nk’aye muri kino gihugu ko ari benshi akaba ariwe wirukanywe wenyine?Buriya wasanga yarariye wenyine yibagirwa ibifi binini:Niba bataramugeza mabuso narebe umupaka anyuramo byihuse.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
  • Hakizimana Deo ariko beza twakwifurije ivyiza. None Imana iragusubije ugiye kuja muri élection ya miss supranational izabera muri Pologne ikazahuza abakobwa bazaba bavuye mubihugu 80 vyo kwisi, isumba Kure iya Rwabigwi wakurenganije izuba riva. Madame docteur uwamahoro Jeanne wakoze vyose kugira utorwe ni umuntu akunda ukuri kandi yerekanye ko adakunda akarenganyo, ndetse ko nawe ari mubabajwe nakarenganyo wagiriwe. komeza wigirire ikizere, kuko uzaserukira u Rwanda bikwiye kandi urabikwiriye, ntutinye, abakurwanije Bose nibabone ko agati kateretswe n’Imana kadahungabanywa numuyaga, harya ngo waratukanye? Bihorere kuko batararenganywa, umunsi barenganijwe bo bazavuga ibisumba ivvo wavuze inshuru igihumbi! Ntago watukanye ntibakagufate uko atari, ahubwo wakoresheje imvugo ikarishe ubitewe nishavu watewe nuwakurenganije, Hama rero jewe icantangaje gushika nubu, abantu benshi aho kureba uwakurenganije ngo bamubaze impamvu yakurenganije, bibasiye wewe! nakumiro! Ntibigutangaze abisi Nuko bameze, bakunda kurenganya gusumba kurenganura, Ariko rero Imana yerekanye ko iri kuruhande rwawe Kera nkiri mwishure hari umwalimu yatubwiraga ngo IVYIZA BIRI IMBERE ! Rindira gato na wewe ivyiza biri imbere! Usubire urabe muma commentaires yakozwe kuri iyi dossier yawe. Umengo Turi babiri gusa twiyemeje kugushigikira tutarya umunwa! Reba ivyo jewe hamwe nuwitwa " ROSE " twakwanditseko muma taliki ya 11/02/2017 na 12/02/2017 wahindutse umwana wacu ! Twishimiye cane ko Jéhovah akurenganuye, Ngaho komera (Jéhovah = Allah mwidini yawe !)

    ">Habiba, Turi bake ariko beza twakwifurije ivyiza. None Imana iragusubije ugiye kuja muri (...)
  • Hakizimana Deo ariko beza twakwifurije ivyiza. None Imana iragusubije ugiye kuja muri élection ya miss supranational izabera muri Pologne ikazahuza abakobwa bazaba bavuye mubihugu 80 vyo kwisi, isumba Kure iya Rwabigwi wakurenganije izuba riva. Madame docteur uwamahoro Jeanne wakoze vyose kugira utorwe ni umuntu akunda ukuri kandi yerekanye ko adakunda akarenganyo, ndetse ko nawe ari mubabajwe nakarenganyo wagiriwe. komeza wigirire ikizere, kuko uzaserukira u Rwanda bikwiye kandi urabikwiriye, ntutinye, abakurwanije Bose nibabone ko agati kateretswe n’Imana kadahungabanywa numuyaga, harya ngo waratukanye? Bihorere kuko batararenganywa, umunsi barenganijwe bo bazavuga ibisumba ivvo wavuze inshuru igihumbi! Ntago watukanye ntibakagufate uko atari, ahubwo wakoresheje imvugo ikarishe ubitewe nishavu watewe nuwakurenganije, Hama rero jewe icantangaje gushika nubu, abantu benshi aho kureba uwakurenganije ngo bamubaze impamvu yakurenganije, bibasiye wewe! nakumiro! Ntibigutangaze abisi Nuko bameze, bakunda kurenganya gusumba kurenganura, Ariko rero Imana yerekanye ko iri kuruhande rwawe Kera nkiri mwishure hari umwalimu yatubwiraga ngo IVYIZA BIRI IMBERE ! Rindira gato na wewe ivyiza biri imbere! Usubire urabe muma commentaires yakozwe kuri iyi dossier yawe. Umengo Turi babiri gusa twiyemeje kugushigikira tutarya umunwa! Reba ivyo jewe hamwe nuwitwa " ROSE " twakwanditseko muma taliki ya 11/02/2017 na 12/02/2017 wahindutse umwana wacu ! Twishimiye cane ko Jéhovah akurenganuye, Ngaho komera (Jéhovah = Allah mwidini yawe !)

    ">Habiba, Turi bake ariko beza twakwifurije ivyiza. None Imana iragusubije ugiye kuja muri (...)
  • IZINDI NKURU WASOMA