konka coffee
KONKA

AMAKURU

UKWEZI

Umunyarwanda yafashwe nk’amata y’abashyitsi i Bamako abikesha kuba uwo ’kwa Kagame’

Umunyarwanda yafashwe nk’amata y’abashyitsi i Bamako abikesha kuba uwo ’kwa Kagame’
21-04-2017 saa 11:22' | By Chief Editor | Yasomwe n'abantu 15559 | Ibitekerezo 2

Umunyamakuru w’Umunyarwanda yafashwe nk’amata y’abashyitsi ubwo yageraga i Bamako mu gihugu cya Mali, abwirwa ko ibyo arimo gukorerwa byose abikesha kuba aturuka mu gihugu cyo kwa Perezida Paul Kagame nk’uko babyivugiye mu mvugo yabo.

Vital Karangwa, umunyamakuru wa Radio Flash FM na Flash TV, yishimiye uburyo yageze mu mujyi wa Bamako agafatwa neza n’abantu batandukanye bamugaragarije ko bazi kandi bakunda Perezida w’u Rwanda, Paul Kagame, by’umwihariko umwogoshi wamwogoshe we akaba yaramugaragarije uburyo Paul Kagame ari Perezida w’Indashyikirwa.

Umunyamakuru Vital Karangwa, kuri uyu wa Kane tariki 20 Mata 2017, yasangije abamukurikira ku rubuga rwa Twitter bimwe mu byiza yaboneye mu mujyi wa Bamako, umurwa mukuru w’igihugu cya Mali. Hari aho yagize ati: "Uyu mwogoshi yamaze kunyogosha ubwanwa uyu munsi, arangije ampa icyayi ambwira ngo ni uko ndi uwo kwa Kagame, Perezida mwiza. Yanangabanyirije bidasanzwe igiciro ku gakoresho kogosha ubwanwa naguze muri salo ye, nabwo ngo ni uko ndi uwo kwa Kagame Perezida mwiza."

Umunyamakuru Vital Karangwa (uhagaze inyuma) yafashwe neza abikesha kuba ari uwo mu gihugu kiyoborwa na Kagame

Si ubwa mbere abanyamahanga batandukanye bagaragaje ko bazi kandi bakunda cyane Perezida Kagame n’imiyoborere ye. Mu minsi ishize hari inkuru Ikinyamakuru Ukwezi.com cyabagejejeho y’umugabo wo mu gihugu cya Kenya, wise umwana we w’umuhungu ’Kagame’, abitewe n’ukuntu akunda Perezida w’u Rwanda Paul Kagame, akanakunda uburyo ayobora abaturage be.

Ubwo ikinyamakuru Ukwezi.com cyamenyaga iby’uyu mwana witwa Kagame, twashatse kumenya inkomoko y’iri zina cyane ko atari izina risanzwe ku banyakenya, tubasha kugirana ikiganiro cyihariye na Caesar Handa ari we Se w’uyu mwana, maze adusobanurira uburyo yise uyu mwana we izina ’Kagame’ abitewe n’uburyo akunda imiyoborere ya Perezida w’u Rwanda, Paul Kagame.

Kagame Benji yahawe izina rya Perezida w’u Rwanda kubera uburyo Se amukunda akanashima imiyoborere ye

Caesar Handa, aganira n’ikinyamakuru Ukwezi.com, mu magambo ye y’icyongereza, tugenekereje mu Kinyarwanda yagize ati: "Nshima cyane imiyoborere ihamye ya Perezida Kagame ishingiye ku iterambere, iterambere naryo rishingiye ku mikoreshereze myiza y’umutungo w’igihugu kandi iciye mu mucyo n’ikinyabupfura, byose bigakorwa mu nyungu z’abaturage. Nkunda cyane uburyo ari intangarugero mu miyoborere, n’uburyo yakoresheje ububasha bwe mu kugarura amahoro no kugira u Rwanda igihugu kigendera ku mategeko."

Caesar Handa, umubyeyi wa Kagame Benji


INKURU ZA :
Tanga Igitekerezo
Ibitekerezo 2
Natacha Kuya 22-04-2017

Nanjye hari umu senegalais twabaye inshuti kuri tweeter kuko yabonye ko ndi umunyarwanda. Yatangiye amvugisha mu cyongereza nyuma biramugora yandika mu gifaransa nabwo ndamusubiza, aratangara ambaza niba mvuga byose mbivuga, ndamusobanurira ko urubyiruko rwose ari bilingue. Yarambwiye ngo nkunda Prezida wanyu cyane, ngo "c’est mon idole"... Bref. .Jye nabasaba ko ubutaha mwakora ubushashatsi mukaturebera ibintu byose n’abantu bose bitiriwe Kagame. Urugero : Umuhanda muri Malawi, Tanzania, hari n’umuturage wa Remera

Bukuru Prosper Kuya 21-04-2017

Abayobozi bi Burundi kuki bashaka kwicha abo bayoboye babichisha inzara? PAM igura ibiryo ahariho hose,cyane cyane ahegereye aho babigemura,ibibozo bya politiki n,Urwanda bihuriyehe ninzara yica abantu mu Burundi? Ubutegetsi bw,Iburundi bwisubireho bureke ibiryo bihabwe abashonje,naho politiki hagati y,Urwanda n,Uburundi ikomeze kuko abaturage barazirubusa.Muve muribyo murimo mujye aho abandi bali.Niyo nzara nabayobozi bayiteye baca umubano nibihugu baturanye. Guhahirana kurashira,none dore ingaruka zibaye.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...