konka coffee
KONKA

AMAKURU

UKWEZI

Urusimbi ruzwi nk’Ibiryabarezi rugiye kongera kwemerwa mu Rwanda hose

Urusimbi ruzwi nk’Ibiryabarezi rugiye kongera kwemerwa mu Rwanda hose
28-07-2016 saa 07:11' | By Chief Editor | Yasomwe n'abantu 3148 | Ibitekerezo 3

Kuri uyu wa Gatatu tariki 27 Nyakanga 2016, nibwo Minisiteri y’Ubucuruzi n’inganda yatangaje ko yafashe icyemezo cyo kuba ihagaritse urusimbi rw’imikino y’amahirwe ikoresha ibimashini benshi bakunda kwita ’Ibiryabarezi’, gusa n’ubwo abatari bacye bari bagaragaje ko babyishimiye, mu minsi micye iyi mikino igiye kongera yemerwe.

Inkuru y’ihagarikwa ry’urusimbi rw’imikino y’amahirwe yahimbwe ibiryabarezi, yashimishije benshi mu banyarwanda bagaragazaga ko yajyaga igomesha urubyiruko ndetse ikaba yanasenya ingo kubera abagabo bamwe bubatse bajya bayisahuriramo imitungo bashaka indonke. Nyamara ibi byishimo ni iby’akanya gato, kuko iyi mikino igiye kongera gukomorerwa vuba aha.

Minisitiri w’Ubucuruzi n’Inganda, Francois Kanimba, yabwiye Radio Isango Star ko mu gihe kitarenze ibyumweru bibiri iyi mikino izongera igakomorerwa mu gihugu hose, cyane ko ari imikino isanzwe yemerwa n’amategeko y’u Rwanda, kandi abafite imashini zikinirwaho iyi mikino bakaba bakora ubucuruzi nk’ubundi bwose.

Minisitiri Kanimba avuga ko hari abajyaga batangiza ubu bucuruzi batabisabiye uburenganzira ndetse batahawe ibyangombwa bibemerera kubukora, ibyo bikaba ari byo bigiye gusuzumwa hanyuma mu gihe cya vuba abujuje ibisabwa bakongera gufungura uru rusimbi rw’imikino y’amahirwe.

Ibiryabarezi, ni izina ryahawe ibimashini by’imikino y’amahirwe (Slot machines) ikinirwaho urusimbi, aho ushaka kuyikina ashyira ahabugenewe igiceri cy’amafaranga 100, agategereza akareba ko ayahomba cyangwa akunguka agahabwa arenze ayo.


Tanga Igitekerezo
Ibitekerezo 3
Kamaramaza Kuya 28-07-2016

Birasanzwe mu kinyarwanda iby’abapfu biribwa n’abapfumu. Utegereje ko abandi aribo bazamenya aho uhombera n’aho wungukira, ushatse wisuure. Harya ubundi umureezi ni umuki? Uraririzwa n’iki rero?

john Kuya 28-07-2016

ubundi se haruwo bahamagara ngo azane igiceri cye? abo benci bari bishimiye ko uhagarara gukinwa nabarezi nyine.

Ruhago Kuya 28-07-2016

MUTUBWIYE YUKO ABANTU BENSHI BISHIMYE KUBERA YUKO UWO MUKINO WUBUJURA WAFUNZWE KUKO USHOBORA GUSENYA INGO, NONE MUWUSUBIJEHO MNYUMA YIMINSI IBIRI MUMAZE MUWUFUNZE?? UBWO MWARI MWABANJE KUBITEKEREZAHO CG NIBIMWE BITA IHUZAGURIKA?????

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA