konka coffee
KONKA

AMAKURU

UKWEZI

Urwego rugenzura itangazamakuru (RMC) rwaciwe amamiliyoni mu gihe rwugarijwe n’ubukene

Urwego rugenzura itangazamakuru (RMC) rwaciwe amamiliyoni mu gihe rwugarijwe n’ubukene
15-05-2017 saa 16:17' | By Chief Editor | Yasomwe n'abantu 7283 | Ibitekerezo 4

Urwego rw’Abanyamakuru bigenzura mu Rwanda (RMC) rumaze igihe rufite ibibazo by’ubukene ndetse byatumye hari bamwe mu bakozi barwo bashobora gukurwa mu kazi, none ibi byiyongereyeho n’amamiliyoni rwaciwe n’Urukiko nyuma yo gutsindwa urubanza rwaregwagamo n’uwahoze ari umukozi warwo warureze kumwirukana mu buryo budakurikije amategeko.

Urukiko rwisumbuye rwa Nyarugenge rwaciye urubanza Ndayisaba Julius yaregagamo urwego rw’abanyamakuru bigenzura (RMC) ashinja uru rwego kuba rwaramwirukanye mu buryo bunyuranyije n’amategeko, igihe yari Umunyamabanga Nshingwabikorwa warwo. Nyuma yo kubona ko uyu mukozi koko yirukanywe hadakurikijwe amategeko, urukiko rwahise rutegeka RMC kwishyura uyu Ndayisaba Julius amafaranga y’u Rwanda 7,139,000 kandi igatanga n’amagarama y’urubanza angana n’amafaranga y’u Rwanda 50.000.

Ndayisaba Julius, yabwiye ikinyamakuru Ukwezi.com ko yishimiye kuba ubutabera bwarakoze akazi kabwo, bukagaragaza ko n’iyo umuntu yarenganya undi ate haba hari urundi rwego ruzamurenganura.

Amakuru yizewe agera ku Kinyamakuru Ukwezi.com, ni uko RMC yaciwe aya mafaranga mu gihe n’ubundi ifite ibibazo by’ubukene ndetse ikaba imaze igihe no guhemba abakozi bayo bigorana, kuburyo byanabaye ngombwa ko bamwe mu bakozi bayo hatangira kwigwa uburyo bagabanywa, hagakorwa icyiswe kuvugurura inzego n’imikorere (Restructuring). Hari umwe mu bakozi b’uru rwego, wabwiye Ikinyamakuru Ukwezi.com ko kubona aya mafaranga baciwe bizagorana cyane, ngo kereka RMC nijurira ikabasha gutsinda Ndayisaba Julius nahubundi no kubona amafaranga akemura ibindi bibazo biragoranye..

Tariki 14 Mata 2017, abagize inama y’ubutegetsi ya RMC (Board) babonanye n’abakozi babamenyesha ko hari bamwe muri bo bazabura akazi ariko bagahabwa ibiteganywa n’amategeko birimo integuza n’imperekeza. Igiteye inkeke nk’uko umwe mu bakozi ba RMC abivuga, ni uko abari basanzwe bakurikirana itangazamakuru nk’inshingano y’ibanze y’uru rwego (Media Monitors) ari bo bakozi bashobora kuzahura n’icyo kibazo cyo kubura akazi.

Ubusanzwe, urwego rw’abanyamakuru bigenzura (RMC) rwari rufite abakozi 8 ariko batatu muri bo bagomba gusezererwa mu rwego rwo kugabanya abakozi hakorwa icyiswe kuvugurura inzego n’imikorere (Restructuring). Uru rwego kandi, nta nkunga rubona ubwarwo ahubwo inyuzwa mu kigo cy’igihugu cy’imiyoborere (RGB) ari nacyo cyabwiye uru rwego ko rugomba kugabanya amafaranga rukoresha kuko rwagaragazaga ko ayo rugenerwa avuye muri RGB ari nayo abaterankunga baba banyujijemo, adahagije kandi bigoye kuba yabafasha guhemba abakozi no gukemura ibindi bibazo bya buri munsi mu kazi bakora.

Umuyobozi mukuru wa RMC, Cleophas Barore, yemereye ikinyamakuru Ukwezi.com ko hari ibibazo by’ubukungu urwego ayobora rufite ariko avuga ko ari ibibazo bidakanganye cyane. Avuga ko bijya bibaho ko amikoro aba macye ndetse bakaba bashobora gutinda no guhemba abakozi ariko kugeza ubu bakaba batabarimo ibirarane. Ku bijyanye n’abakozi bashobora kubura akazi, yavuze ko hari amavugurura ashobora kuzabaho bakaba barimo kwiga uburyo bakora umushinga wabyara inyungu watuma bahembwa ariko nibiba ngombwa hakagira ababura akazi nabwo ngo ntakundi byagenda.

Aha yagize ati: "Turwana n’uko ntawatakaza umwanya we niyo mpamvu tuvuga iby’umushinga kuruta kuvuga ko hari abakozi bazagenda. Kugenda k’umukozi burya ni ikintu kibabaje nta muntu wabyishimira, ariko nanone udafite arya nk’udafite. Uwo mushinga ntituzi aho tuzakomanga uko bizagenda... biramutse bidakunze birumvikana ko hari abazagenda"

JPEG - 162 kb

Umuyobozi mukuru wa RMC, Cleophas Barore

Ikinyamakuru Ukwezi.com kandi cyabajije Cleophas Barore ibijyanye n’ibivugwa ko uru rwego rwaba rushaka kongera amafaranga abanyamakuru bajyaga bakwa kugirango bahabwe ikarita nk’abanyamuryango, kuburyo hari n’umufatanyabikorwa wigeze gusaba ko yakurwa ku mafaranga 20.000 igashyirwa ku 200.000 mu rwego rwo gukemura ikibazo cy’amikoro. Barore yavuze ko icyabayeho ari ibiganiro kandi n’ubu bikaba bikomeje, hagamijwe kureba uko abanyamakuru bashobora kwishakamo ubushobozi, ikarita ikajya igurwa buri mwaka aho kugurwa rimwe mu myaka itatu nk’uko byari bisanzwe. Kuri iyi ngingo, avuga ko banashingira ku kuba hari abasaba ikarita bakava mu mwuga nyuma y’amezi hanyuma bakazamara igihe kirekire bitwa abanyamakuru bafite ibyangombwa kandi barabivuyemo.


INKURU ZA :
Tanga Igitekerezo
Ibitekerezo 4
Rukabu Kuya 17-05-2017

Kuki se ikarita y ubunyamakuru igomba kugurishwa ? Harya iyo umuntu amaze kwiga ubukanishi ubuganga ubwarimu uburirimbyi ubuhinzi ...agomba kugura buri mwaka ikarita imwemerera gukora umurimo yigiye ?

bikabyo originali Kuya 16-05-2017

ko numva ari danger

Patriot Kuya 15-05-2017

Njye ndabona bari bakwiye kwiga "KWIGIRA" - RMC igashaka uburyo yinjiza amafaranga.

Uregero: Ikarita y’Ubunyamakuru, ni igurishwe buri mwaka, bayongere gato, buri munyamakuru, ajye atanga Frw 50,000 buri mwaka.

Ariko na RMC irusheho kunoza services zayo, ku buryo abanyamakuru bishimira benefits bakura mu ishyirahamwe ryabo

uyisenga arsene Kuya 15-05-2017

Nanjye ndaje mbaregere uwitwa ndahiro valenci pappy nibatagire icyo bakora mbarege nabo. bajye bagenzura abanyamakuru bigenga ko ari abanyamwuga. ni gute umunyamakuru asebanya kuri radio kandi avuga ibinyoma. nibatamukosora na City radio ye nanjye niteguye kujya mu nkiko.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...