konka coffee
KONKA

AMAKURU

UKWEZI

Uwahoze ari Depite ushaka kuba Perezida w’u Rwanda yasobanuye icyamubujije kuza i Kigali

Uwahoze ari Depite ushaka kuba Perezida w’u Rwanda yasobanuye icyamubujije kuza i Kigali
30-03-2017 saa 14:30' | By Chief Editor | Yasomwe n'abantu 9493 | Ibitekerezo 5

Jean Daniel Mbanda, umunyarwanda uba muri Canada wigeze kuba Depite mu Nteko Ishinga Amategeko y’u Rwanda, yasobanuye icyamubujije kuza i Kigali nk’uko yari yatangaje ko ahagera ngo yuzuze ibisabwa yiyamamarize kuba Perezida wa Repubulika y’u Rwanda.

Byari biteganyijwe ko ku isaha ya saa moya n’iminota 10 z’umugoroba wo kuri uyu wa Gatatu tariki 29 Werurwe 2017, Jean Daniel Mbanda agera ku kibuga cy’indege mpuzamahanga cya Kigali giherereye i Kanombe, ubundi agatangira gushaka ibyangombwa ngo yiyamamarize kuyobora u Rwanda.

Nyuma y’uko izi saha zigeze ntahaboneke, Mbanda yasobanuye ko impamvu ataje ari we zaturutseho, ndetse mu biganiro yakomeje kugirana n’abantu batandukanye ku mbuga nkoranyambaga, yagaragaje ko ntawamubujije. Yagize ati “Ikibazo ni njye cyaturutseho, nafashe indege iva Ottawa ijya i Toronto ngomba gufata indi nyuma y’amasaha abiri, iva i Toronto ijya i Amsterdam aho nari gufatira injyana mu Rwanda. Hari abantu twagombaga kubonanira i Toronto muri ya masaha abiri, abo bantu baratinda kandi sinashoboraga gukomeza urugendo tutabonanye. Nahisemo kureka indege ijya Amsterdam ikagenda nanjye nkaba nsubitse urugendo. Ntabwo naveba KLM nta n’ubwo nabeshyera Kigali. Ninjye nta wundi."

Jean Daniel Mbanda kandi yasobanuriye abantu ku rubuga rwa facebook ko n’ubwo yahoze mu ishyaka rya PSD, yarisezeyemo byemewe n’amategeko akaba azaza no kwiyamamaza nk’umukandida wigenga. Avuga ko azagera i Kigali vuba, akanamagana abashaka kumugereranya na Padiri Nahimana Thomas bavuga ko yabujijwe kwinjira mu gihugu. Yanagaragaje icyemezo gitangwa na parike yahawe muri 2005, kigaragaza ko nta cyaha kigeze kimuhama kugeza igihe yafatiraga icyo cyemezo agahita ava mu Rwanda ajya kuba muri Canada.

Mbanda ati: "Iryo shyaka PSD narisezeyemo mu buryo bwemewe n’amategeko hashize igihe. Ikindi ngiye nk’umukandinda wigenga. Nta shyaka nkeneye kwiyomekaho iryo ariryo ryose, byumvikane neza."

Mbanda Jean Daniel yabaye umudepite mu Nteko Ishinga Amategeko y’u Rwanda kuva mu mwaka w’1994 kugeza mu w’1999, yari umudepite w’Ishyaka rya PSD riharanira Demokarasi n’imibereho myiza y’abaturage ariko nyuma yaje kurivamo arasezera ahita ajya kuba muri Canada ari naho yari akiba kugeza ubu.

Tariki 5 Mutarama 2014, ubwo hatorwaga Perezida wa FERWAFA, uyu Mbanda Jean yari umwe mu bakandida batanu bahatanaga, akaba yaratsinzwe ndetse akabasha kugira ijwi rimwe gusa. Iby’umupira kandi yabibayemo cyane kuko yigeze no gutoza Kiyovu Sports.


INKURU ZA :
Tanga Igitekerezo
Ibitekerezo 5
Niyitanga Jean Pierre Kuya 5-04-2017

niba umuntuyarananiwe kwiyobora agasubika urugendo yashobora kuyobora igihugu?

@KINGI Kuya 31-03-2017

Nonese Kingi we niba umuntu bamuvuze uko ateye, itiku ririmo ni irihe? Uvuze ko nyirurugo yapfuye se niwe uba yamwishe? Kuba abantu bazi ko uyu mugabo ari Kandamazi se bigombera guca mu rukiko ngo rwemeze ko ari umusinzi? Uramwita candidat President se, commission y’igihugu y’amatora yari yamwemeza nk’umukandida wemewe? Come on guys. U Rwanda si urwo kuyoborwa n’ababonetse bose. President Paul KAGAME ibyo yagejeje ku Rwanda ni byinshi cyane kandi kugeza ubu ntawundi mbona wamusimbura, kuko arashobotse Kandi arashoboye.

RUBUNDA Kuya 30-03-2017

Uyu mugabo ni umumanyuramazi, niyo akwegereye ugirango ni ikidomora cy’urwagwa.

kingi Kuya 30-03-2017

Ahaaaaaa NAKUMIRO wowe niba mwaranasangiye utangiye isebanya ryiki hari urukiko rwamuhamije ibyo uretse ubujiji namatiku wibitseho utinyuka gusebya kandida perezida, niba mwaranasangiraga cg haribyo mupfa ibyo ntibikureba ntunabishinzwe ntanuwabigutumye mureke yirwaneho. Jyewe nzinezako naririya rimwe yabonye ntaryo azabona, nawe ubwe ndakeka atazitora kuko ashobora kuzaba ari ahandi hantu ntabwo azi team akina nayo buriya!!!!!

nakumiro Kuya 30-03-2017

Egoko harahagazwe, Rwanda wagorwa wagorwa, ukunyuzehowese azakuyobora? Uyumugabo ninzogaze, nitikurye, nintambaraze zigipfunsi, nimanzaze zidashyira, yatuyoborate numufuke ahorana 24hours? Numusinzimubi kandahwanywereye hose ahavarwanye, akagiranibitutsi bibicyane numushumba atatinyuka, sindabonumuntu ugirurwango akanavuganabi nkawe, arushakure na evode na rukokoma ntahobahuliye. jyembonafite trauma cg dayimoni yogutukana kuko niyomuhuye ubonayiteguye kugutuka cg kurwana ahorafunze isura nigipfunsi namasoye ahoratukuye. ahokumutora natora wawundi wa moto cg padiri ibibibirarutana, uziko niyumusuhuje agutuka, naragenzendabona. ahokuyoborwa nuyu twagarurubwami tukayoboka wamucogomani wimitswena benzige ntakundi

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...