konka coffee
KONKA

AMAKURU

UKWEZI

Uwari umuyobozi muri PS Imberakuri yeruye ko yinjiye muri FPR n’uko afata Perezida Kagame

Uwari umuyobozi muri PS Imberakuri yeruye ko yinjiye muri FPR n’uko afata Perezida Kagame
22-05-2017 saa 15:10' | By Chief Editor | Yasomwe n'abantu 9766 | Ibitekerezo 6

Niyitegeka Augustin wahoze mu ishyaka rya PS Imberakuri ndetse wari n’umwe mu bayobozi bakuru baryo, yahamije ku mugaragaro ko yarivuyemo akinjira muri FPR Inkotanyi, anasobanura uburyo afata Perezida Paul Kagame n’uko ateganya kumushyigikira mu matora azaba muri Kanama uyu mwaka.

Ubusanzwe ishyaka PS Imberakuri ryamenyekanye mu Rwanda nk’iritavuga rumwe n’ubutegetsi, ryadutse riyobowe na Me Ntaganda Bernard wagiye anengwa na bamwe mu barwanashyaka baryo, haza gutorwa Mukabunani Christine nk’umunyamabanga waryo mukuru mu buryo bwemewe. Igihe cyaje kugera, tariki 21 Mutarama 2013, ubuyobozi bw’iri shyaka butangaza ko bwakuye Mukabunani Christine ku buyobozi, agahita asimburwa na Niyitegeka Augustin.

Kuri iki Cyumweru tariki 21 Gicurasi 2017, nibwo uyu Niyitegeka Augustin yashyize ahagaragara inyandiko igaragaza ko hashize igihe yarinjiye mu ishyaka rya FPR Inkotanyi, kandi ko ashima umurongo waryo akaba yaraniyemeje gushyigikira Perezida Paul Kagame mu matora azaba muri Kanama uyu mwaka.

Muri iyi nyandiko ikinyamakuru Ukwezi.com dufitiye kopi, Niyitegeka Augustin avuga ko amacakubiri n’imvugo z’ivangura byaranze abo bari kumwe muri PS Imberakuri yabirwanyije kugeza ubwo bamwe muri bo bashatse kumwica agahunga ariko nyuma akaza gutahuka, akiyemeza guhitamo kuba umurwanashyaka wa FPR Inkotanyi.

Hari aho agira ati: "Ku ruhande mperereyeho ubu, nyuma yo gushishoza nahisemo kuba umunyamuryango wa FPR Inkotanyi, nshyigikiye ukwiyamamaza kwa Perezida Paul Kagame mu buryo bwose, nzashishikariza abanyarwanda n’abanyamuryango ba FPR Inkotanyi kumushyigikira no kumuhundagazaho amajwi ku munsi w’itora, kubera impamvu zifatika zimeze nk’urumuri rumuturukaho rumurikira abanyarwanda."

Niyitegeka avuga ko afata Perezida Kagame nk’umuntu w’indashyikirwa wakuye u Rwanda kure, akabanisha abanyarwanda kandi akabageza ku iterambere ridasanzwe, akaba yarahagaritse Jenoside akanimakaza ubumwe n’ubwiyunge bityo nawe akaba atewe ishema no kuba mu ishyaka rye rya FPR Inkotanyi.


INKURU ZA :
Tanga Igitekerezo
Ibitekerezo 6
Akumiro Kuya 29-05-2017

Uyu nawe araje, none se mbere yo kujya mu mberakuri yari murihe shyaka? cg agarutse mu muryango! naze tuzamuha umwanya mu badepite muri mandat itaha, hahahah narumiwe, ngaho nakuturanye, cyakora ngo ibintu biraharanirwa da, nzaguma mbe umunyamuryango mwiza ubwo igihe nikigera nanjye bazanyibuke murabizi ko ntavuga byinshi ari mwemera ko ndi inyangamugayo.

braise munthu Kuya 24-05-2017

Yewe namaco yinda peee uyu nawe urandangije komera rero wowe iri nka 000000,1muri fpr twakubwiye ko amajwi twayabuze ohhhhhh nibishyimbo babiguhe

braise munthu Kuya 24-05-2017

Yewe namaco yinda peee uyu nawe urandangije komera rero wowe iri nka 000000,1muri fpr twakubwiye ko amajwi twayabuze ohhhhhh nibishyimbo babiguhe

Ndahiro Kuya 23-05-2017

hhhhhh nange ndiwe niko nabigenza da umuntu ko ajya aho azabonera amaramuko c

Rudibura Kuya 23-05-2017

Ni umuhanga cyane, ahubwo nange ndashaka kwifatanya na frank habineza hanyuma zamwigarike nyuma mpamagare abanyamakuru, maze nange FPR, igire uko ingenza.

Bazubwenge Nyine Kuya 22-05-2017

Ayobewe iki se uyu mu type?Apfa kuba ari umu parmehutu wujuje ibisabwa! Yarebye kure asanga inda ye ikeneye akantu!Arahita ahabwa umwanya n’ibijyanye nawo byose mu gihe ...... etc

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...